دەست نێشان کردنی روژی ٢٥/٩/٢٠١٧بۆ بەرێوە چوونی پروسەیەکی زور گەورە و گرنگ و چارەنوێسساز بۆ دەست نێشان کردنی چارەنوێسی ھەر تاکێکی ئەم کومەلگایە لە چوارچێوەی دەولەتێکی سەربەخوو بە گشت ئایین و نەتەوەیەک لە ھەرێمی کوردستان و ناوچە دابراوەکان یەکێکە لە گرنگترین بریاری ھیزە سیاسیەکان لە ھەرێمی کوردستان بو ئەوەی گەلی کوردیش وەکو گەلانی تر بگەنە مافە رەواکانیان ئەو مافەی کە دەستینرێت نەک ئەوەی دەدریت بەلام جیاواز لە ھەمو گەلانی تر گەلی کورد دەێەوێت لەم کاتەدا لە رێگای دێموکراسی وئاشتیانە بە دەسَتی بھێنێت کە چەندین سەدەیە لێ زەوت کراوە و ھەر جارەکێش داوای کردبێت بە شێوەیەک لە شێوەکان تەپەسەر کراون و شەھید و کیمیاباران و ئەنفال و گوندەکانیان خاپور کراون و خاکەکەیان لێ زەوت کراوە و ھەمیشە وەکو خەلکی کویلە و پلە دوو لە وەلاتدا سەێر کراون و نەیان ھێشتوە بە مافە رەواکانیان شاد ببن ، ئێستاش کە بوار رەخساوە و ھیزە سیاسیەکان ئەو بریارە گرنگەیان داوە خەرێکە دوبارە دەنگی نارازی سەر ھەلدەدات و دەگوترێت ئێستا کاتی نیە و جەنگی داعش بە کوتا نەھاتووە و خەلکێک لە ناوخوو بونەتە دارودەستەی نەیاران و پرو پاکندەی خراپ لە دژی ئەم پروسەیە بەلاو دەکەنەوە .ئێمەش دەپرسین ئایا کەی کاتی ئەوەیە گەلی کوردێش وەکو ھەموو گەلانی ئەم جیھانە بە مافە رەواکانی شاد ببیت وببیتە خاوەنی کیانی سەربەخوو و دەولەتی کوردی کە کوردستانە ؟
تەنھا گەلێکی گەورەی خاوەن خاک و زمانی تایبەت بە خوی و زیاتر لە ٣٠میلیون کەس کە تا ئیستا بەم مافە شاد نەبووە و ھەمیشە لێ زەوت کراوە گەلی کوردە. رێفراندوم مافەکی سروشتی و رەوای ھەر گەلێکە کە لە ناو وەلاتێکدا دەژێن لە رێگای رێفراندوم بە شێوەی دێموکراسی داوای ماف وداواکاری خوی بکات و کەسی تر بیجگە لە ھاولاتیانی ئەم وەلاتە ھیچ ھیز و لایەنی تری دەرەکی بوی نیە و ناتوانیت بلێت رێفراندوم باشە یان خراپە ، بکرێت یان نەکرێت یان کاتی گونجاوی نیە ، ھاولاتیان دەتوانن خویان ئەم بریارە بدەن ، ئیستاش گەلی کورد بەگشت ئایین و نەتەوەیەک لە ھەریمی کوردستان مافی خویانە بو کارە گرنگەکان بگەرینەوە بو رێفراندوم و بە بی دوو دلی بەشداری تیا بکەن و ھەولی سەرخستنی بدەن ، نەھیلن نەیاران و دوژمنان و دارودەستەکانیان وەرەی خەلک دابەزینن بە برو بیانوی جیا بەربەست دروست بکەن بو ئەوەی خەلک بەشداری لەم پروسەیەدا نەکەن، بەشداری کارای ھەرتاکیکی ئەم کومەلگایە دەبیتە دەرکێک لە چاوی دوژمنان و ناحەزان و دارودەستەکانیان ، سەرکەوتنی ئەم پروسەیە سەرکەوتنی ئیرادە و خواستی گەلی کوردە بە گەیشتن بە ئاوات و خەونی لە میژێنەی کە بو گەێشتنی تا ئێستا چەندین ھەزار شەھیدی قارەمان گیانیان کردووتە قوربان و بو چەندین جار گوند و دیھاتەکانمان خاپور و کیمیا باران و ئەنفال کراوین . بەشداری کارای خەلک و جەماوەری بە شەرەف لەم پروسەیە و سەرخستنی وەلامیکی پولایین دەبیت بۆ ئەوانەی خەیالی لە ناو بردنی ئەو پروسەیەن و بونەتە دارو دەستەی نەیارانمان و دوژمنایەتی خویان دەربریوە بو بەربەست دروست کردن و پەکخستنی ئەم پروسەیە بە بیانوی جیاواز ، بەشداریتان گەلای ئومیدیان وەکو گەلای خەزان ھەلدەوەرینیت و سەرخستنی ئیرادەو خواستی گەل بە سەر شەرخوازان و نەَیاران و سەرکەوتنی خەبات و تیکوشانی گەل و ھەدەر نەدانی خوینی شەھیدانی ریگای رزگاری بە سەر داخ لە دلەکان و دوژمنان و خوفروشەکانی ناوخوو و دەرەکی یە، جوش وخروشی ھاولاتیان بو سەر ێندوقی دەنگدان ، بە دەنگدانی (بەلێ) بو سەربەخویی و دەست نیشان کردنی چارەنوێسێان بە فیرو ناچێَت ،سەرکەوتنی ئەم پروسەیە سەرکەوتنی ئیرادەی گەلە بو سەربەخویی و دەولەتی کوردی کە کوردستانە و ئاواتی لە مێژینەو ھیوای ھەرکوردێکی بە شەرەفە .