ئەودەولەتێن کۆرۆخسارێ خوە ب دیموکراتیەتێ و دادپەروەریێ نیشا ددەن و دووپاتیێ لسەر پابەندبوونا خوە دکەن ب پاراستنا بنەمایێن مافێن مرۆڤان لدویف ھەمی رێککەفتننامە وعورفێن نێڤدەولەتی ، پاشی ب دیاربوونا بەرۆڤاژیا نیازپاکیێن وانا بەرامبەر مللەتەکێ ھشیارێ وەکو مللەتێ کورد ، ھەتا ھەتایێ ھندەک خالێن دیتر لسەر لاپەرێن رەشێن مێژوویا وانا دھێنە تۆمارکرن و گۆمانا تێدا نابیت کۆ ئەڤ چەندە ناھێتە ژبیرکرن ، ئەڤجا لدویف چ بیرۆباوەریا وانا ھەی نەشێن ، لدوماھیێ خوە ژ ئاستێ بەرپرسیارەتیێ دەربینن ، چونکۆ بابەتێ سەربەخوییا ھەرێمێ سەربارێ مافەکێ رەوا و چەسپاندی دیادداشتنامە و پرەنسیپێن یاسایێن نێڤدەولەتیدا، ئەڤرۆ بۆ ڤی جۆگرافیا دەستنیشانکری بوویە ژێوار ،ڤێجادکارکرنا ژبۆ بدەسخستنا ڤی مافێ رەواژلایێ ھەر دلسۆزەکێ ڤی وەلاتیڤە ، ژ لدەسپێکێ دێ بۆ مە نیازێن راستەقینێن ھەر لایەکێ ئاشکەرا بیت .
نەکۆ تێناگەھن و نزانن بەلکو دزانن ، لێ پسیار لڤێرێ ئەوە بۆچی خوە تێناگەھینن ؟ .. بۆچی بتنێ گوھێن خوە دگرن ؟!!!... جارێ بۆ چەندەکێ دەستابەردن ژ وان نیعمەتێن ئافراندنی، ئەوێن تاداویێ بەردەوامن بئەرکێ خوە بۆ وەرگرتنا دەنگان...!!! لەورا دبێژم ، نەشێن ببەردەوامی گۆھێن خوە بگرن ...!!
ئایا ژ سالۆخەتێ دادپەروەریێەبۆ گوھلێبینا مافێن کوردان ، چارە نڤیس ... ، ریفراندۆم ... ، سەربەخۆیی ... ، گۆھان بگرن ؟!!.. یان ژ خەمخۆری و برا دۆستیاخوە بۆ دەسھەلاتبدەستێن دناڤا حکۆمەتا عێراقێدا و ببەھانا ئێکپارچە یاعێراقێو پابەند بینا کوردان بدستۆرێ ھەمیشەیی یێ عێراقێ لجھێ حکۆمەتا عێراقێ ئاوازان بخوینن ؟؟!!!...
ھەکە داخازکرنا مافەکێ رەوا مینا ماڤێ سەربەخۆییێ بھەرەشە بھێتە لقەلەمدان ، چدی جیھان و رۆژھەلاتا ناڤین و ھویرترێ دبێژم نەرازیبوویێن پرۆژا ریفراندۆم و سەربەخۆییا کوردستانێ ، بلا ناڤێ دادپەروەریێ نەئینن !..ھەکە سایکس – بیکۆ دوماھی ستەم ھاتبیتە ھژمارتنبۆ دابەشکرنا خاکامە ، ئەڤرۆ تاکێن کوردان مینا وانا بسپۆر و ئەکادیمیھەنە ژھەمی رویانڤە یاسایی ، سیاسی ، ئابووری ، ... و ھتد ،و نۆکە دناڤا دامەزراوێن ھەرێمێدا، دکارانە بۆ پتربەرجەستەکرنا تێگەھا پێکڤەژیان و ئاشتەواییێ لسەر بناغێ رێزگرتنا ببەرامبەر ، وی دەمی رەنگڤەدان دێ ئەرینی بیت چ دناڤا وەلاتیدا ( وەکۆ چەسپاندنا مافێن کێم نەتەوە مینا تۆرکمانان ھەروەسا کێم ئۆلا و ...ھتد ) ، یانژی دگەل وەلاتێن جیران و دەورۆبەران و ( وەکۆ ئیران و تورکیا و سووریا ) و لسەر ئاستێ ئەقلیمی و جیھانێ بگشتی، کۆ ئەڤ تێگەھە گۆنجای بیت دگەل قۆناغێن گەشەکرنا گلۆبالیزمێ .
ئەڤجا ھەکە بپەیڤێن سادە وەکو نموونە لسەر رەوشادەولەتا تورکیا دسالێن بووریدا باخڤین و پسیارەکا دی بکم و بێژم ھەکە ھەول و پێکۆلێن سەرۆکێ ھەرێمێ بنمرە ئێکنە ژبەر مەرەما ئاشتەواییێبا ، بۆچی دادەستپێشخەریا و بزاڤا کتژبۆ رازیکرنا حکۆمەتا تۆرکیایێ و ( pkk ) د سەرخستنا پرۆژا ئاشتیێ دناڤبەرا واندا ؟!.واتەئەو ھەولژبەر چارەکرنا گرفت و ھەمی کێشەیان بی برێکا دیالۆک و لێکتێگەھشتنێ ، و ژبەر دەھان نموونەیێن وەکی ڤی بلا نەتەوێن ھەڤگرتی و بتایبەت دەولەتێن جیران( تورکیا و ئیران و سووریا )خوە گوە لێبکن ژ دەنگڤەدانا درویشمێ دیموکراتیەت و ئاشتەواییێ ، دیسان لڤێرێ دێ زڤرم مژارا بەری نھا من باس لێ کری ( پرسا چارەنڤیسا کوردێن باکوورێ کوردستانێ )، و ئەنجاما وان ھەولێن سەرۆکێ ھەرێمێ داین ، کۆ ژلایەکێڤە دەستکەفت بۆ کوردێن کوردستانا باکوور پەیدا کرن و ژلایەکدیڤە ئاشتی و ئارامی ھاتە ئارا و بۆ تورکیایێ و ئەڤ چەندە گرنگ بی چونکو وانا خەون بچوونا دناڤا ئێکەتیا ئەورۆپادا ددیتن و ھەیا نھاژی دبینن.
لڤێرێ بدەرفەت دبینمڤی پسیارێ بکم ، ئایا بۆچی تورکیایێ ترس ژبابەتێ ریفراندۆم و سەربەخۆییێ ھەیە ؟ ئاخر پشتی دەولەتبوونێ ژبلی بلندبوونا تیراسا لڤینا بازرگانی دناڤبەرا ھەردوولایاندا و بەرفرەھکرنا ئالۆگۆرا بازەرگانی و بابەتێ پەترۆلێ وزێدەتر کار کرنا کۆمپانیایێن وانا لھەرێمێ ، ئەڤە ھەمی ژ لایێ ئابووریڤە ، ئەما ژ لایێ سیاسیڤە و موکۆمتر بوونا ھەڤپەیمانیا بەرەیێ رۆژئاڤا و ھەڤپەیمانیا لدژی داعشێ وو بابەتێ ھیلالا شیعی و تەوەرێن دیتر ،ئەرێ راگەھاندنا دەولەتا کوردی دێ چ ترس و ئازراندن دناڤخۆیا تورکیایێدا ژ نوو پەیداکەت ؟!! لەوابۆ تورکیایێ باشترەدسیاسەتا خۆدا سەبارەت ڤی پرسێ نەرمتر بیت ھەر ژ دەسپێکێ ، نەخاسم ئەڤرۆ ئەڤ مژارە بوویە ژێوار .
ئەڤجا ھەکە پاراستنا ئارامی و سەقامگیریێ ژلایێ دەولەتا کوردیڤە پشتی راگەھاندنێ بۆ دەولەتێن جیران و دەولەتێن ئەقلیمی و جیھانێ بگشتی بھێتە ئارا ، ھەروەسا پاراستنا مافێن خوشک و برا تورکمان و ئۆل و کێم نەتەوێن دیتر ھاتبیتە گرەنتیکرن و مێژووا پشتی سەرھلدانا ١٩٩١ دیدەڤانێ وی چەندێ بیت ، دێ گشت دەولەتێن نەرازی بریفراندۆمێ چ بەھانێن دیتر ھەبن ئەو پەنایێ بۆ ببن بۆ خو دزین ژ دانپێدانکرنێ بدەولەتا کوردی؟!! بۆ وان نینە گوھێن خوە بگرن ژ داخوازی و ئیرادێن ڤی مللەتێ کو ژمارا وان گەھشتیە زێدەتر ژ چل ملیۆن کسان ، و ھەکە دچارچۆفێ کوردستانا باشووردا بێژمبۆ وان نینە چو دەولەت گوھان بگرن ژ داخازیێن رەوایێن وەلاتیێن ھەرێما کوردستانا فرە رەنگ و دھەمان دەمدا بۆ وان نینە ببنە بەردەڤکێن حکۆمەتا عێراقێ و بەحسێ دستوور و ئێکپارچەییا عێراقێ بکن ، ئاخر بۆ ھەر پرسەکێدناڤبەرا مە و بەغدا داھەر ژ ٢٠٠٥ ێ پابەند بوونا بدستورێ عێراقێھەلویستێ مەیە، ئەو دستۆرێ عێراقیان بسەرکەفتنا دەنگێ ( بەلێ ) باوەری پێ ئینای لێ تا نۆکە بتەمامی برگە و ماددێن وی نەھاتنە جێ بجھکرن و نۆکە ٢٠١٧یە ھەتا کەنگی چاڤەرێ بین ؟.. ھەمیشە کوردان باجا ململانیا عەرەبێن سنە و شیعەیان یێن داین چنکۆ دەرکەتنا داعشێ دەرەنجاما وان ململانیان بی و بتنێ قوربانیدان و فشار ژ ئەنجاما سیاسەتا تائیفەگەری ھەمبەر ھەرێمێ دناڤا عیراقا ھەرفتیدا ژ لایێ ئێکپارچەییێ ، بەھرا کوردستانا باشووربی ، ڤێجا براستی ھەمان سیاسەتێ ئەڤ وەلاتە گەھاندە ڤی رۆژێ ، لەورا جوودا بوون باشترین رێکە ، و سەربەخوو بوونا کوردستانێ نەکۆ دێ ئاژاوێ لرۆژھەلاتا ناڤین پەیدا کەت ، بەلکۆ ئەو ئاژاوە و نەسەقامگیریا لناڤچەی ھەی دێ گھۆریت بۆ ئارمیێ لدەڤەرێ و باشترە دەولەتێن نەرازی بئەنجامدانا ریفراندۆمێ پێداچوونێ بسیاسەتا خوە بکەن بەرامبەر ڤی میللەتی و چدی گوھێن خوە نەگرن و بەرۆڤاژی بخوازن .