ژ ئەنجامێ خەباتا گەلێ کورد بۆ ئازادی و رزگاریا کوردستانێ ، گەلێ کورد زۆر قوربانی داینە و تووشی چەندین ھەوێن قرکرنێ و ئەنفال و جینۆساید و کیمیابارانکرنێ بوویە ، ژبلی ب ھزارەھان شەھیدان د شەرێ روو ب روودا دگەل رژێمێن ستەمکارێن عیراقێ و پاشان تیرۆرستێن بناڤ دەولەتا ئیسلامی . بێ سەر و شوینکرنا ھەشت ھزار بارزانیا ل ٣١/٧/١٩٨٣ کۆ ب ئەنفالکرنا بارزانیان دھێتە نیاسین لسەر دەستێ رژێما بەعسا فاشست و دکتاتۆریا سەددامی ژ ئەنجامێ ھەلویستێ نەتەوی و نشتیمانیێ بارزانیان بوویە ، چونکی بزاڤا رزگاریخوازیا نەتەوی و نشتیمانیا کوردستانی ل باشوورێ کوردستانێ لسەر دەستێ وان سەرھەلدایە و پێشەنگی لێ کریە ، و ھەتا نھو ژی ئەڤ پێشەنگی یە یا بەردەوام بوویە و ب رێبەریا وان ھەر لسەردەمێ شێخ عەبدولسەلام بارزانی و پاشان شێخ ئەحمەد و لدیفرا مستەفا بارزانی نەمر کۆ بوویە خودان رێباز و کەلەپوورەکێ تایبەت یێ کوردایەتیێ و وەلات پارێزیێ و پرنسیپێن جڤاکی و دیموکراسی و پێکڤە ژیانێ ، ئەڤرۆ ژی سەرۆک مەسعوود بارزانی لسەر بنەمایێن وێ رێبازێ رێبەرایەتیا بزاڤا رزگاریخوازیا کوردی دکەت و بەردەوامیێ ب خەبات و قوربانیدانێ ژ پێخەمەت ئازادی و رزگاریا کوردستانێ و دووزا سیاسی یا کوردی گەھاندیە ئاستێ سەرخۆبوونا کوردستانێ و بنەمایێن سەرخۆبوونێ ئاڤاکرینە و پشتەڤانیا نیڤ دەولەتی ژی دابین کریە . مخابن پشتی ڤان ھەمی قوربانیا و ەباتا دوور و درێز ، لناڤ ھەرێما کوردستانێ ھندەک دەنگێن نەرازیبوونێ دژی راپرسیا سەرخۆبوونا کوردستانێ سەرھەلدانە و نھو ب دەلیڤا سەرخۆبوونا کوردستانێ نزانن ، د بنەرەت دا ئەو دژی سەرخۆبوونا کوردستانێ نە و ژبەر مەرەمێن تایبەت بەھانەیان بۆ دبینن . ئەگەر نە قوربانیێن گەلێ کورد ژ پێخەمەت سەرخۆبوونا کوردستانێ دای زێدەترن ل قوربایێن چەندین دەولەت پێ ھاتینە ئاڤاکرن . ژبلی ئەنفالکرنا ١٨٢ ھزار کوردا و شەھیدکرنا ٥٠٠٠ بارزانیا ب چەکێ کیمیایی یێ قەدەغەکریێ نیڤ دەولەتی ل باژارێ ھەلەبچا شەھید و وێرانکرنا زێدەتر چار ھزار و پێنج سەرد گوندێن کوردستانێ و ....ھتد . بێ سەرو شوینکرنا ھەشت ھزار بارزانیان ، بەھرا ھندێ ھەنە گەلێ کورد سەرخۆبوونا کوردستانێ رابگەھینیت چونکی شەھید کرنا ڤێ ھژمارا ھندە زۆر دناڤ ئێک عەشیرەت دا کارەساتەکا ئێکجار مەزنە ، ژبلی شەھید بوونێ چەندین ئاریشە و گیرو گرفتێن ئابووری و جڤاکی بۆ مالباتێن ئەنفالکریان درۆست بوون ، وەک سەرپەرشتیکرنا مالباتێ ژلایێ ئافرەتێ د رەوشا ئاوارەبوونێ دا و توشبوونا وان ب نەخۆشیێن دەروونی و بێ بەھر بوونا زارووێن وان ل سادەترین پێتڤیێن رۆژانە و ....ھتد . زۆر مللەتان ب رێکەفتنەکێ یان راپرسیەکێ بێ قوربانی و ب ئاشتیانە سەرخۆبوونا خۆ وەرگرتیە . چما پشتی گەلێ کورد ب درێژاھیا سەرد سالان بۆ ئازادی و سەرخۆبوونێ ئەڤ ھەمی قوربانیە دای و تووشی مالوێرانکرنێ و تەعریب و قرکرنێ بووری ، ھێشتا سەرخۆبوونا کوردستانێ ب رەوا نابینن و دژبەریێ لێ دکەین ، لەوما دبێژینە وان وان کەس و لایەنێن ژبەریا راپرسی و سەرخۆبوونا کوردستانێ دکەین ئەگەر قوربانیێن گەلێ کورد بەرامبەر سەرخۆبوونێ بەراوورد بکەین پێتڤی بوو بەری سەد سالا کورد خودان دەولەتەکا سەربخۆ بانە و تنێ قوربانیێن بارزانیان بەھرا ھندێ زێدەترن کو سەرخۆبوونا کوردستانێ پێ بھێتە راگەھاندن و ئەو کەس و لایەنێن کوردستانی یێن دژی راپرسیێ رادوەستن دژی ھیڤی و ئارمانجێن شەھید و ئەنفالکریێن کوردستانێ رادوەستن و ھیچ رێزەک بۆ کەس و کار و مالباتێن وان نیە چونکی بسەرخۆبوونا کوردستانێ مالباتێن وان ھەست ب زیندیبوونەڤا وان دکەن و بەرھەمێ خەبات و قوربانیدانا وانە و ل رۆژا ٢٥ ێ ئیلۆنا ٢٠١٧ کۆ رۆژا راپرسیا سەرخۆبوونا کوردستانێ یە مالباتێن وان ب دەنگێن دێ بەرسڤان وان خۆفرۆشا دەن .