په‌که‌که‌ ئه‌و پارتا سیاسیا ژ سالا 2011ێ و سه‌رهلدانا بهارا عه‌ره‌بی ل سوریا وه‌ک پارته‌کا عه‌یار 24 بو به‌ره‌ڤانی کرنێ ژ (روژئاڤا) خوه‌ نیشان ددت بگره‌ رازی ژی نه‌بوو هیچ که‌س ژ وان زێده‌تر وه‌ک پاره‌ته‌کا سیاسی خودان هێزه‌کا چه‌کداری بن و ل دژی ده‌ستهه‌لاتێ شه‌ر بکن کریارێن ئه‌ڤه‌ سه‌ره‌رای چه‌ندێن کوم بوون و لهه‌ڤ هاتنێن وان دهه‌ل وان پارت و ئالیان کو ئه‌ڤ لهه‌ڤ هاتنه‌ ل هه‌ولێر و دهوک هاتبوون ئیمزا کرن لێ وه‌ک دیار بوویه‌ هه‌ر جاره‌کێ په‌که‌کێ ئانکو باشتر بێژێن (په‌یه‌ده‌) کو باڵی سه‌ربازی یێ په‌که‌کێ یه‌ ل روژئاڤا ئه‌ڤ ل هه‌ڤ هاتنه‌ بن پێ کریه‌ و بگره‌ چه‌ندین جاران ژی باره‌گایێن پارتێن دی ب تایبه‌ت (ئه‌نه‌که‌سه‌) تالان کرینه‌ و ئاگر تێ به‌رداینه‌ و ژبلی هندێ ژی چه‌ندێن جاران به‌رپرس و ئالیگرێن وان زیندان کرینه‌ و ئه‌شکه‌نجه‌داینه‌ بگره‌ هنده‌ک ژ سه‌رکردێن وان مینا (ئیبراهیم برو) قه‌ده‌غه‌یا ده‌باز بوونا بو روژئاڤا داینه‌ سه‌ر..پشتی هاتنا داعشا بو ئێراقێ ل سالا 2014 و پاشان ئاراسته‌ کرنا وێ بو ده‌ڤه‌را شنگاڵی په‌که‌که‌ خوه‌ وه‌ک پارته‌کا قورتال که‌ر نیشاندا و خوه‌ گه‌یانده‌ چیایێ شنگالێ وه‌ک به‌رگریکار ژ ئێزدیان و مه‌ هه‌میا شاشێن تی ڤی یێن وان دیتی کا چه‌وا باس ل پێشمه‌رگه‌ی ب گشتی و پارتی ب تایبه‌تی دکرن و چه‌وا هه‌ولا چه‌واشه‌کاریا ل هه‌مبه‌ر وان ددان و خه‌لک هانددان هه‌ر چ گوتنه‌کا ناره‌وا ل هه‌مبه‌ر پارتی بێژن ،،

هه‌ر چه‌نده‌ چه‌ندین جاران پارتی ب روون ئاشکه‌را باس ل پلان گێریا په‌که‌کێ دکر کو پاشکویه‌کا ته‌مام یا ئیرانێ و مالکی و سوریایه‌ و تنێ جێ به‌جێ کارێ بریار وپلانێن وانه‌ و ب تایبه‌ت ب بجی ئینانا هیلالا شیعی یا ئیرانێ لێ مخابن هنده‌ک ئالیێن باشور پارتی تومه‌تبار دکر ب هندێ کو داهولا شه‌رێ براکوژیی لێ ددت و په‌که‌که‌ وه‌ک قاره‌مانه‌ک دخستن به‌رچاڤێن خه‌لکی ،،ئه‌ڤه‌ سه‌ره‌رای هندێ کو په‌که‌که‌ ل مونبج و چه‌ندین باژێڕ و ده‌ڤه‌رێن دی کو ب خوینا سه‌دان گه‌نجێن کورد هاتبوون پاقژ کرن ژ ده‌ستێ داعشا ب دوو ده‌ستی پێشکه‌شی سوریا کرن و خوینا وان هه‌می گه‌نچین کوردا ب هه‌ده‌ر چوو،،

لێ ئه‌وا جهێ پرسێ یه‌ کو پشتی چه‌ندین جارا پارتی و سه‌روکایه‌تیا هه‌رێمێ و حوکومه‌تا هه‌رێمێ ده‌ستخوشی و سوپاسیا په‌که‌کێ کرین ژ بوی هاریکاریا وان و داخواز ژێ کریه‌ وان ده‌ڤه‌ررێن باشور کو وان باره‌گایێن خوه‌ لێ داناینه‌ و هنده‌ک پارتێن کارتونی یێن سه‌ر بخوه‌ ڤه‌ لێ ئاکنجی کرینه‌ ڤالا بکن ژ به‌رکو مانا وانا ل وێرێ هه‌م هه‌ره‌شه‌یه‌ لسه‌ر ئارامیا ناوچێ چونکی تورکیا به‌رده‌وام گه‌فێن لێدانێ دکت ژ لایه‌کێ دی ڤه‌ وه‌لاتێن هه‌ڤ په‌یمان په‌که‌کێ ب هێزه‌کا تروریستی پیناسه‌دکت و سه‌رده‌ری کرن و مانا وان زور دێ ب مه‌ترسی بیت لسه‌ر سیاسه‌تا هه‌رێمی و ئه‌ڤه‌ ژبلی کو مانا وان ل وان ناوچا رێگره‌ ل ئاڤاکرنا ناوچێ و زڤرینا خه‌لکی بو سه‌ر مالێن خوه‌ لێ په‌که‌که‌ ب هه‌موو شێوه‌یه‌کێ ئه‌ڤ چه‌نده‌ ره‌دکریه‌ بگره‌ زور جاران گه‌فێن ب کانتون کرنا شنگالێ دکت و زێده‌ی وێ یه‌کێ ل خانه‌ سورێ رێگری ل ده‌رباز بوونا هێزێن پێشمه‌رگێ روژئاڤا ژی کرن کو خه‌لكێ ره‌سه‌نێ باوچێ نه‌ بو هندێ کو بزڤرن بو سه‌ر زێدێ بابو باپیرێن خوه‌ و به‌رڤانیێ ژ خاکا خوه‌ بکن ژ بلی رێگری کرنێ هێرشا چه‌کداری ژی کر و ده‌ستێ خوه‌ ژ سه‌رکرنا ب خوینا کوردا نه‌پاراست...

لێ ئه‌وا من ڤێ داویێ دیتی په‌که‌کێ دوباره‌ وه‌ک هه‌مان سیناریویا راده‌ست کرنا منبج وده‌ڤه‌رێن دی بو ده‌ستێ سوریا ل باشوور ژی ده‌ڤه‌رێن باشورێ شنگالێ راده‌ستی هێزێن حه‌شدا شه‌عبی کر و بێ هیچ خوه‌نه‌رازیبوونه‌ک یان کارڤه‌دانه‌ک ده‌ڤه‌ر راده‌ست کر و خوه‌ ژێ ڤه‌کێشا ئه‌ڤه‌ د ده‌مه‌کی دا رازی نه‌بوویه‌ یه‌ک بوستا شنگالێ ل سه‌ر داخوازا هه‌ریمێ ڤالا بکت و وه‌ک مه‌ لسه‌ری ئاماژه‌ پێدای ده‌ست ژ لێدان و کوشتنێ ژی نه‌پاراسته‌

ب باوه‌را من ئیدی ب ڤێ یه‌کێ په‌که‌کێ هیچ گومانه‌ک لسه‌ر خوه‌ نه‌هێلا کو پارچه‌کا ژ پلانا ئیرانێ و مالکی و هه‌رشه‌یه‌کا مسوگه‌ره‌ بو سه‌ر هه‌رێمی و دڤێت ئیدی ئه‌و پارت و ئالیێن هه‌رێمی کو به‌رده‌وام ده‌ستا بو په‌که‌کێ دقوتن و شکه‌ستێن خوه‌ هه‌مبه‌ر ب پارتی ب په‌که‌کێ پنی دکن خوه‌ یه‌ک لا بکن و بریارا خوه‌ یا داویێ بدن،،،