خەوارج ئانکۆ ل رێ رەکەفتن ، دەما مە گۆە ل پەیڤا خەوارج دبیت یان بکار دئینین ئێکسەر خەوارجێن دناڤ ئیسلامێ دا دھێنە بیرا مرۆڤی ، دناڤ ئیسلامێ دا خەوارج ل ناڤەراستا ئێکێ یا سەرێ ئێکێ سەرھەلدایە ب تایبەت ل شەرێ (ێفین) د ناڤبەرا ئەمیرێ باوەرداران عەلیێ کورێ ئەبی تالب (ر . خ ) و معاویێ کوردێ ئەبی سفیانی کو ڤیایە ڤێ چەندێ بۆ بەرژەوەندا خۆ تەشەنە بکەت . ب رەنگەکێ گشتی خەوارج ئەو تاقما ئیسلامێ یە یا دژبەری و ڕکەبەریا دەسھەلاتا ئیسلامێ دکەن و ھەر ل دەسپێکێ تاقمەکا تۆند ڕەو بوویە تا گەھشیە ئاستێ شەرکرنێ دگەل خەلیفێ ئیسلامێ ، ھەرچەندە خەلیفەی ب ئاشتیانە و دانۆستاندنا زۆر ھەول دان کێشێ چارە بکەن و ب ھزاران لێ زڤرینە ڤە ، لێ ژمارەکا زۆرا وان ل سەر بۆچوونێن خۆ یێن تۆند ڕەو و خۆ پەرست مان و ل سەر دژبەریا خۆ بەرامبەر ھەر بریارەکا خەلیفێن ئیسلامێ دیار دکر و تنێ گرۆپێ خۆ ب راست دزانین ، دشێین بێژین ئەڤ گرۆپە ژلایەکی د ناڤ ئیسلامێ بوویە و ژلایەکێ دیتر ئۆپۆزسیۆن بوویە . ئەگەر بەراوردیەکێ دناڤبەرا رەوشا سیاسی یا ھەرێما کوردستانێ بکەین دگەل رەوشا وی سەردەمێ ئیسلامێ دیار دبیت سەرەدەری و رەفتارێن بزاڤا گورَان دگەل بزاڤا رزگاریخوازیا کوردی و دەھەتا ھەرێما کوردستانێ مینا رەفتار و سەرەدەریێن وی گرۆپێ خەوارجایە بەرامبەر ئیسلامێ .

چەوار خەوارج دناڤ ئیسلامێ بوون و دژبەریا بەرژەوەندێن ئیسلامێ دکر ، وەسا بزاڤا گوڕان بناڤ رێکخستنەکا سیاسی یا کوردی یە و خۆ ب پارێزەرێن بەرژەوەند و دەسکەفتێن نەتەوی دزانیت ، لێ د پراکتیک دا رەفتار و سەرەدەریێن وان دژی بەژەوەندێن نەتەوی و نشتیمانی یێن خەلکێ کوردتانێ نە , بزاڤا گوڕان مینا خەوارجا دژبەریا ھەمی بریار و فەرمانێن دەسھەلاتداریا کوردستانێ و سەرۆکێ ھەرێما کوردستانێ دکەت ، ئەگەر ئەو بریار و فەرمان د بەرژەوەندا کورد و کوردستانێ ژی دا بن ....! دژبەریا گوڕان ل پرسا راپرسیا سەرخۆبوونا کوردستانێ کو سەرۆکێ ھەرێمێ ب رەزامەندیا پڕانیا حزبێن کوردتانی بریار ل سەر دایە و ھیڤی ئۆمێا ەندین سالی یا نەتەوا کوردە و قوربانیێن بێ ھژمار ژی ژپێخەمەت داینە ، لێ ژبەر کو دەسھەلاتدارێن کورد ب تایبەت سەرۆک مەسعود بارزانی ئەڤ بریارە دایە ب دژواری دژی ڤێ بریارێ راوەستانە و ھیڤیێن گەلێ کورد دکەنە قوربانی بەرژەوەندێن خۆ یێن حزبی و کەسایەتی و ھەول ددەن ڤێ پرسا نەتەوی و نشتیمانی لبەر چاڤێن خەلکی ڕەش بکەن و بەرۆڤاژی نیشا خەلکی بدەن و بەرەڤ ئاقارەکێ دتر دبەن . پسیار ئەوە ئەرێ پاشەرۆژا خەوارجێن مە یێن نەتەوی دێ مینا پاشەرۆژا خەوارجێن ئیسلامێ بیت کو دەمێ ھزار و چار سەد سالایە دژایەتیێ دکەن و ل دووماھیێ تیرۆرستێن داعش لێ درۆست بوون و ب رەفتارێن خۆ یێن دژی مرۆڤایەتیێ ئیسلام لبەر چاڤێن جیھانێ رەش کر . بزاڤا گوڕن ژی ب دیڤەلانکا خۆڤە ( کۆمەلا ئیسلامی ) د ھەولێن بەردەوام دایە نەتەوایەتیێ و دەسکەفتێن مە یێن نەتەوی و نشتیمانی لبەر چاڤێن خەلکێ کوردستانێ و جیھانێ رەش دکەن . ئۆمێدەوارم ل دووماھیێ خەوارجێن نەتەوی وەکی خەوارجێن ئیسلامێ نەکەن و بزڤرنەڤ ناڤ چارچوڤێ نەتەوایەتی و نشتیمانیا رەسەنا کوردی و دژبەریا پرۆسا راپۆسی و سەرخۆبوونا کوردتانێ نەکەن ، ئەگەر نە گەلێ کوردستانێ لێ نابووریت و ھەتا ھەتا دێ روو روش و شەرمزار بن ، چونکی گەلێ کورد بریارا سەرخۆبوونێ دایە و ئەڤ بریارە ل بریارێن ھەمی حزب و لایەنان بھێزترە و چ ھێز خۆ لبەر ناگرن .