سەرانی گۆڕان لەدانوستانەکاندا لەگەڵ حزب و لایەنە سیاسیەکانی کوردستان و قسەکەرەکانیشیان لەڕاگەیاندکاندا هەمیشە پێداگریان لەسەر ئەوەکردووە كە دەبێ پەرلەمان كارا بكرێتەو نابێ کێشە سیاسیەکان بە شەخسەنە بکرێ و پارتیش نابێ ئەوەندە بە(یوسف)حەساس بێت. بەڵام بەیاننامەکەیان لەبارەی ڕازی نەبوون بەکارکردنەوەی پەرلەمان بە ڕوونی پیشانیدا کێ نایەوێت پەرلەمان کارابکرێتەوەو کێشە سیاسیەکان بە شەخسەنە دەکات و بەتاکە شەخسێکی دەبەستێتەوەو بەدوای چارەسەر نییە.

بۆ میللەتی کورد ڕوونە ئێستا ئامانج و سیاسەتی جەماعەتی گۆڕان چارەسەركردنی کێشەکان نییە، بەڵكو مەبەستیان دروستکردنی فەوزا و زیاتر قوڵكردنەوەی كێشەكانە، هەڵوێست و قسەکانی سەرانی گۆڕان و قسەکەرەکانیان جیاوازی ئاسمان و ئەرزیان هەیەو لەگەڵ یەک بەهیچ سەرێک یەک ناگرێتەوە، ئەوهێزە لەئیفلاس بوون زیاتر هیچی بۆنەماوەتەوە، دەیانەوێت فەوزا بنێنەوەو دژایەتیکردنی ڕیفراندۆم بۆ پڕوپاگەندەی حزبی و هەڵبژاردن بەكار بهێنن كە ئەوەش خیانەتێکی گەورەی نیشتیمانیە.