مسعود بارزانی ئه‌و سه‌روکێ هه‌می زاروکینی و گه‌نجاتیا خوه‌ پێخه‌مه‌ت دوزا گه‌لێ خوه‌ د ساده‌ترین و تاری ترین کونجێتن شکه‌فتێن وه‌لاتێن خوه‌دا بوراندی،،هه‌لوسیت و بریارده‌ری و خه‌م خوری پاکیا ڤی سه‌روکی شیا که‌سایه‌تیه‌کا وه‌سا بو جه‌نابێ وی دیار بکت ژ بلی هندێ کو سه‌روکێ پارتی دیموکراتی کوردستانه‌ زوربه‌یا هه‌ره‌ زورا کوردا ل هه‌ر چوار پارچێن کوردستانێ وه‌ک سه‌روکه‌کێ سیمبولوتیک ته‌ماشه‌ بکه‌نێ .
بارزانی ئه‌و سه‌رکرده‌یه‌یه‌ یێ کو به‌رده‌وام خوه‌ ل کێشه‌یێن کوردا لهه‌ر چوار پارچه‌یان کریه‌ خودان و چو جارا رازی نه‌بوویه‌ وه‌کی دوژمنا ڤیایی ناڤ ل چه‌کدارێن کوردا ل هه‌ر چه‌ند پارچه‌یا بکت و چو جارا سه‌ره‌ رای جیاوازیا ئایدولوجی و بگره‌ په‌یدا بوونا شه‌رێن ناڤخوه‌ ژی رازی نه‌بوویه‌ ناڤێ تیرورێ بدت پال هیچ پارته‌کا کوردی ،،،
لیبورده‌ییا ڤی سه‌روکی ب وی راده‌ی بوویه‌ کو د سه‌رهلدانا 1991ێ دا بریار لێبورینی ژ هزاران ژ له‌شکه‌رێ به‌عسیا دا ئه‌وێن که‌فتین ژێر ده‌ستێ هێزێن پیشمه‌رگه‌ی و مێژوو شاهده‌ لسه‌ر ڤێ چه‌ندێ،،،
د درێژا 25 سالین بوریدا سه‌ره‌رای وان هه‌می کوسپ و نه‌هامه‌تیا و دور پیج کرنا کوردستانێ ژ هه‌ر چوار لایه‌نا ڤه‌ ب وه‌لاتێن دوژمن لی که‌سایه‌تیا وی شیایه‌ هه‌ڤسه‌نگیا سیاسی زور ب باشی رابگریت و روله‌کی به‌رچاڤ بگێریت هه‌ر ئه‌ڤه‌ بوویه‌ ئه‌گه‌را وێ چه‌ندێ کو وه‌لاتێن هه‌رێمی نه‌چار ببن رێزێ ل که‌سایه‌تیا بارزانی بگرن و بزانن کو گوتنا بارزانی گوتنا گه‌لێ کورده‌ و له‌وما ژی بو چاره‌کرنا کێشه‌یا کوردا ل هه‌ر پارچه‌یه‌کێ هانا دئین به‌ر سه‌روک بارزانی،،،و ئالایێ کوردستانێ و فه‌رشا سور بو دادنن،،،
ئه‌وا ئیرو ژی و بتایبه‌ت پشتێ شه‌رێ داعشا رولێ جه‌نابێ سه‌روکی نه‌ک تنێ لسه‌ر ئاستێ کوردستانێ بگره‌ ئاستێ وه‌لاتێن هه‌رێمی ژی ده‌رباز کریه‌ و ئێدی لسه‌ر ئاستێ جیهانێ رێز ل که‌سایه‌تیا وی دهێته‌ گرتن و هیچ بریاره‌کا چاره‌نڤیس ساز کو کێشه‌یا کوردا پیڤه‌ به‌ست بیت بێی وه‌رگرتنا رایا جه‌ناىی وی ناهێته‌ دان..
لێهاتویی و بلیمه‌تیا جه‌نابێ بارزانی بوویه‌ کو پشتی هاتنا داعشێ بو سنورێن کوردستانێ شیا د ماوه‌یه‌کێ زور یێ کێم دا ده‌وله‌تێن هه‌ڤپه‌یمانا بهینته‌ سه‌ر خه‌تێ و ته‌واوا هاریکاریا بو کوردستانێ بکن و زێده‌باری هاتنا روژانه‌ یا شاندێن پله‌ به‌رزێن وه‌لاتێن زلهێزێن جیهانی
ئاماده‌بینا جه‌نابێ وێ د به‌روکێن شه‌ری دا مل ب ملی هێزێن پێشمه‌رگه‌ی و سه‌رکردایه‌تیکرنا به‌ره‌یێن شه‌ری خاله‌کا دی یا هه‌ری بهێزه‌ کو جیهان ب چاڤه‌کێ دی ته‌ماشه‌ی جه‌نابێ وی بگریت و هه‌ر دیسان بیلمه‌ت بوونا وی بوویه‌ کو شیایه‌ کوردستانه‌کا ئارام دناڤ جه‌رگێ هه‌رێمه‌کا دور تا دور پری ئاگر دا هێلینه‌کا ئارام و باوه‌شڤه‌کری بو وه‌رگرتنا سه‌دان هزار په‌ناهنده‌یا بکت

ئه‌ڤه‌ زێده‌باری وێ یه‌کێ کو دنها دا سه‌رکێشیا دوزه‌کا ره‌وا یا گه‌لێ کورد ل باشور دکت و هه‌نگاڤا بو ده‌ست پێکرنا گشتپرسیێ ل باشور دکه‌ت و سه‌ره‌رایی گه‌فێن وه‌لاتا لێ وه‌ک کارزیمایه‌ک خودان هه‌لوسیت ئه‌وێ یه‌کێ و بریارێ تنێ ژ مافێ گه‌لێ کورد دزانیت و زور ب بوێرانه‌ به‌رپرسیاره‌تیا خوه‌ ژ هه‌می ئه‌نجاما ده‌ردبریت به‌رامبه‌ر هاریکار بوونا پارت و لایه‌نێن سیاسی لسه‌ر گشتپرسی و راگه‌یاندنا ده‌وله‌تا کوردی
له‌ورا ژی ئیرو جه‌نابێ وی سنورێ سمبولا نه‌ته‌وه‌یی ده‌ربازکریه‌ و ئیدی بارزانی سمبوله‌کێ جیهانی یه‌ جیهان شانازیی پێ دبه‌ت ب دوست و دوژمن ڤه‌ و وه‌ک مروڤه‌ک پێداگیر لسه‌ر مافێن گه‌لێ خوه‌ و به‌رهنگاری هه‌می گه‌فێن دوژمنا بێ دوو دلی و رازی نه‌بوون ب هیچ شێوزاه‌کی ب بن ده‌ستیا گه‌لێ خوه‌،،،،،،