د پێداچۆن و جێبەجێکرنا تێزا خۆ یا دکتۆرایێ لسەر تێگەھێ ئازادیێ لنک کەسایەتیێ کوردستانێ، گەلەک ڕاستیێن دیرۆکی لمن ئاشکرابوون، و ئێک ژوان کو گەنج لھەرێما کودستانێ عیراقێ ئەڤ تێگەھە بۆ وی یا ئاشکەرایە و بمافێن خۆ یێن سەرەکی دزانیت، و ھەروەسا دزانیت دڤیا مافێن کەسانێن دی وەک مافێن خۆ بپارێزیت.
ئازادی ئێکە ژوان تێگەھێت جھەک تایبەت د ھزرا ھەر مرۆڤەکێ جیھانێ و ب تایبەت کوردستانیان یێ ھەی، و قوناغێت گەشەیا وێ یا دیرۆوکی لنک تاکێ کورد نیشان ددەت کا چەوا سروشتێ ژینگەھا جۆگرافیایێ(چیا و دوڵ و نھالا)و ئەو تێگەە کریە پشکەک ژ کەسایەتیا وی، کو ھەردەمەکێ ھەستکرە کو دێ ئازادیا وێ ھێتە لا دان وی ژینگەھێ دەلیڤە دایێ ببیەتە کەسەکێ ئازا و شۆرەشگیر و خوە نەدەتەف دەستێ دوژمنا، و ھەر وە وەسا ژی بدرێژاھیا دیرۆکێ و لبن ڕوویدانێت سیاسی و جڤاکی و ب تایبەت چەند سەد و دەھکێت دۆماھیکێ ھند گەشەیا وێ یا بلەزتر لێھاتی، و باشترین بەلگە شورەشێن لسەدێن ١٩ و ٢٠ دا و یێن ھەتا ئەڤرۆکە بەردەوام .
لەو دبینین ئەڤرۆ لبن کارتێکرنا وێ چەندێ، خەلک و تاکێ کوردستانی پێکڤە داخوازا وێ دکن و ئەو رٍیفراندۆما لدویف بریارا سەروکێ ھەرێمێ ھاتیە دیارکرن ل (٢٥ / ٩ / ٢٠١٧) بھێتە ئەنجامدان بۆ زانینا حەز و ڤیانا وان بۆ سەرخوەبوونا کوردستانێ، بەردەوامیا گەشەیا تێگەھێ ئازادیێ یە لڤی وەلاتی.
*مامۆستایێ ھاریکار/ بسپۆرێ دەروونناسییا گەشەی/ زانکۆیا زاخۆ/ قوتابیێ دکتۆرایێ ل زانکۆیێت ئۆردنی.