په‌یڤا کویله‌ و که‌س په‌رێز (بنه‌ماله‌ په‌رێس)ئه‌و ده‌سته‌واژه‌یا کو دڤان سالێن داوییێ دا و ب تایبه‌ت پشتی هاتنا بزاڤا (گوران) بو ناڤ مه‌یدانا سیاسیا هه‌رێما کوردستانێ زورترین (ده‌ق و بانگه‌واز ) داگیر کرین و بگره‌ بوویه‌ سه‌رو بنێن زمانێ ته‌خه‌کا دیارکریا خه‌لکی....و ب تایبه‌ت ژ لایێ لاینه‌گرێن بزاڤا ناڤبری ڤه‌،،،
لێ ئه‌وا من دڤێت باس لێ بکم ئه‌وه‌ کو ئه‌رێ براستی کوێله‌ کی یه‌ و ب کێ دهێته‌ گوتن کوێله‌ ؟
ئه‌وا دیار و حاشا هه‌ل نه‌گره‌ کوێله‌ و کوێلایه‌تی هه‌ر ژ که‌ڤنترین چاخانڤه‌ هه‌بووه‌ و هه‌ر ژی وان چاخا و هه‌تا نها ئه‌ڤ ده‌سته‌واژه‌یه‌ به‌رامبه‌ر ب وان که‌سان دهێته‌ گوتن یێن کو هه‌می پیروزیێن خوه‌ راده‌ستی که‌سه‌کێ دکن ب هیچ ره‌نگه‌کی شیانا هیچ بریاره‌کێ لسه‌ر هه‌لبژاردنا کێمترین تشت نینه‌ و ئه‌ڤه‌ هه‌می ئه‌وپه‌رێ وێ به‌رامبه‌ر ب پاریه‌کێ نانی ب تنێ (گاڤا یێ به‌رامبه‌ر ڤیابا کوشتنا کوێله‌ی ژی زور نورمال) بوویه‌ ....

هه‌ر وه‌سا که‌س په‌رێسی ژی هیچ رامانه‌کێ نادت ژ بلی هندێ کو مروڤ هه‌می هه‌بوونا خوه‌ ب که‌سه‌کی ڤه‌ گرێ بدت و کو ته‌نانه‌ت پشتی مرنا وی ژی رێ نه‌بیت که‌س وێ ڤالاتیێ پر بکت یان ژی شوینگرتنا وی قه‌ده‌غه‌ بیت،،
ئه‌وا جهێ سه‌رنجێ یه‌ ل هه‌رێما کوردستانێ ئه‌ڤ ده‌سته‌ واژه‌یه‌ ب تمامی ب به‌روڤاژی ئه‌وا مه‌ لسه‌ری باس لێ کری دهێته‌ بکار ئینان ژ لایێ لاینه‌گرێن بزاڤا گوران ڤه‌ ،،،
هه‌لبه‌ته‌ بو مه‌ هه‌میان باش دیارو ئاشکه‌رایه‌ کو به‌ری و ل ده‌ما سه‌رهلدانا بزاڤا گوران کوردستان د چ ئاسته‌کێ خوشگوزه‌رانی و یه‌ک گرتنا هێزێن سیاسی دا دبوری ئانکو ب ره‌نگه‌کێ دی بێژن وه‌لاته‌ک تا رادده‌یه‌کا زور بێ کیش و دابێش ،،،،لێ پشتی هاتنا ڤێ بزاڤێ ئه‌م هه‌می نها ب چاڤێن خوه‌ دبینین کوردستان د چ ره‌وشه‌کێ دایه‌ و بزاڤا گوران ئێک ژ ئه‌گه‌رێن سه‌ره‌کی یه‌ بو ڤان کێشا..
ئه‌ڤ بزاڤه‌ هه‌لگرێ ئایدولوجیه‌ته‌کا وه‌سایه‌ هه‌ر که‌سه‌کێ وه‌کی وێ هزر نه‌کت کوێله‌یه‌ ئه‌ڤه‌ د ده‌مه‌کی دا کو حزبێن سیاسی یێن وه‌ک (پارتی ) هه‌ر د بنیاتا خوه‌ دا ژ ئه‌گه‌رێ ره‌ت کرنا بن ده‌ستیا گه‌لێ کورد سه‌رهلدا و کوێله‌داریا گه‌لێ کورد پی قه‌بوول نه‌بوویه‌ و رازی نه‌بوویه‌ پیروزی‌ێن گه‌لێ کورد ل بن پێت دوژمنا بن و حه‌زا وێ ئه‌وه‌ بوویه‌ کو دڤێت کورد بخوه‌ خودانێن خوه‌ بن و بریارێن وان ب ده‌ست وان بن ،،ئه‌ڤه‌ واته‌یا وێ چه‌ندێ یه‌ کو پارتی خوه‌ هه‌ر د بنیات دا کوێلایه‌تی پێ قه‌بوول نه‌بوویه‌ چ بگه‌هیته‌ هندێ کو خه‌لکی بکه‌ت کوێله‌ییێ خوه‌ و بویه‌ر و سه‌ربور ژی شاهدێن ڤێ یه‌کێ نه‌ و پێویست ناکت ب هه‌ژمێرم ....
ئه‌وا سه‌رێ مروڤی لێ ناچیت ده‌ر ئه‌وه‌ کو بزاڤا گوران وه‌ک مه‌ لسه‌ری ئاماژه‌ پێ دای ئه‌ڤ ده‌سته‌واژه‌یه‌ ب تمامی به‌روڤاژی پێناسه‌یا خوه‌یا جیهانی بکار ئینایه‌ و ئیرو هه‌ر که‌سێ پشته‌ڤانیا خوه‌ و ده‌ستهه‌لاتا کوردی و جه‌نابێ سه‌روک بارزنی رابگه‌هیینیت ب کوێله‌ و پاراپارتی ل قه‌له‌م ددن و نمونێن به‌رچاڤ ژی دڤان سالێن بوریدا هه‌بووینه‌ و مه‌ هه‌میا ب چاڤێن خوه‌ دیت و ب گوهێن خوه‌ بهیست لده‌ما بایکوتکرنا ماموستایان بو ده‌واما قوتابخانا ل زونا که‌سک و نیلی چه‌وا وان هه‌ر ماموستایه‌کێ هه‌ولا چوونا قوتابخانا دابا بو فێرکرنا زاروکێێن شه‌هید و پێشمه‌رگه‌یێن کو گیانێ خوه‌ دکرن قوربان پێخه‌مه‌ت ئازادیا کوردستانێ ب کوێله‌ پێناسه‌دکرن د قوناغا نها ژی ب تایبه‌ت پشتی گه‌رمه‌گه‌رما مژارا ریفراندومێ و راگه‌یاندنا ده‌وله‌تا کوردستانێ سه‌رهلدای ب تمامی که‌فینه‌ دژایه‌تی کرنو په‌یدا کرنا کوسپ و ته‌گه‌را ل هه‌مبه‌ر ڤێ پروسێ و بگره‌ جاران هێرشێن ناره‌وا دکن لسه‌ر وان که‌سایه‌تی و لایه‌نا یێن کو پشته‌ڤانیا ریفراندومێ دکن و ب کوێله‌ ناڤ دبن ئه‌وا سه‌رێ من لێ ده‌رناچیت ئه‌رێ ئه‌گه‌ر لایه‌نه‌ک هه‌ر خزمه‌تکه‌کا گه‌ل د چوار چوڤێ نیشتمان په‌روه‌ری و خزمه‌تکرنا ولاتێ خودا باڤێژیت و هه‌ر پێنگاڤه‌کا به‌ره‌ف ده‌وله‌تبوونێ و ئازادیی باڤێژیت ب کوێلایه‌تی بناڤ بکت دڤێت ئه‌و بخوه‌ چ بیت؟

من نه‌ڤێت زێده‌تر ب ناڤ وی بابه‌تی دا بچم لێ ئه‌گه‌ر هنده‌ک سه‌رنجا خوه‌ بده‌ین وان داخویانیێن دناڤ ته‌ڤگه‌را گوران دا دهێن دان و به‌لاڤ کرن لسه‌ر په‌یچێن وان یێن فه‌رمی دێ بو مه‌ باشتر دیار بیت کا کێ کوێکه‌ و مه‌سین هه‌لگرن و کێ وه‌لات پارێز و نیشتمان په‌روه‌ر

ئه‌و ته‌ڤگه‌را به‌رده‌وام ره‌خنه‌ ئاراسته‌ی پارتی دکرن کو که‌س په‌رێس و بنه‌ماله‌ په‌رێسن نها پشتی نه‌مانا نوشێروان مسته‌فا رێخه‌رێ گشتی یێ ته‌ڤگه‌رێ دکن و ناکن که‌سێ دناڤ هه‌می رێزێن خوه‌دا نابینن کو بشێت جهێ وی پڕ بکت بگره‌ د په‌یچێن خوه‌ یێن فه‌رمی دا به‌لاڤ کرینه‌ کو جهێ نوشێروان مسته‌فا ئانکو پوستێ رێخه‌رێ گشتی بو هه‌تا هه‌تا دێ ڤالا مینیت و ئێدی دێ ئه‌نجومه‌نه‌ک وی رولی گێریت نزانم ئه‌گه‌ر ئه‌ڤه‌ که‌س په‌رێسی نه‌بیت که‌س په‌رێسی دێ چ رامانه‌ک هه‌بیت ؟

کو ئه‌ڤه‌ د هه‌می مێژوویا پارتی دا نه‌بوویه‌ ته‌نانه‌ت پشتی مالئاڤای کرنا بابێ روحی مسته‌فایێ بارزانی ژی پارتی بریاره‌کا ب ڤی ره‌نگی نه‌دا و پشتی به‌ستنا کونگره‌ی ب زوریا ده‌نگا جه‌نابێ سه‌روک بارزانی وه‌ک سه‌روکێ پارتی هاته‌ هه‌لبژاردن،، نها ژی ژ ده‌وله‌ت سه‌رێ جه‌نابێ بارزانی و رێبازا پارتی ده‌یان که‌سێن ژێهاتی و کارێزما پێگه‌یاندینه‌ بو هه‌ر به‌رپرسیاریه‌تیه‌کا هه‌بیت لێ نزانم ته‌ڤگه‌ره‌کا ب وێ مل ملانا خوه‌یا توند و وان بانگه‌وازێن بریقه‌دار چه‌وا نه‌شیایه‌ که‌سه‌کێ وه‌سا دناڤا ته‌ڤگه‌را خوه‌دا ساز نکت ڤالاتیا نوشیروان مسته‌فای پر بکت؟
و نزانم کوێله‌تی و تاک په‌رێسی ژ ڤێ پێڤه‌ چ رامانه‌کێ ددت..