لەگەڵ کۆچی دوایی کاک نەوشیروان مستەفا هەڵسووڕاوێک کە کار و پیشەی رشانەوەیە بەسەر پارتی و خودی سەرۆک بارزانیدا، وێنەیەکی بۆ من تاگ کردبوو، بە هەموو ئەقڵی سەقەتی گۆڕانخوازی خۆی پییوابوو من کۆمێنتی خۆشخاڵی بۆ دەنووسم، بەلام من لێرەوە بەو ئەقڵ سەقەتە دەڵێم: راستە من بەردەوام رەخنەم لە هەڵوێستی سیاسی کاک نەوشیروان گرتووە، بەڵام هەرگیز بە مردنی خۆشحاڵ نیم، چونکە رەخنەی سیاسی بە ئاسایی دەزانم، بەڵام هەرگیز رێگە بە خۆم نادەم هەستی کوڕ و کچ و کەس و کاری کاک نەوشیروان ئازار بدەم.
کاکی هەڵسووڕاوی ئەقڵ سەقەتی گۆڕانخواز.. جیاوازی پەروەردەی سیایسی و ئەخلاقی و نەتەوەیی من و تۆ لەو خاڵە دایە: کاتێک بارزانی نەمر وەفاتی کرد سەرکردە هەرە باڵاکانت لە ناوزەنگ تەقەی خۆشییان کرد و خۆشحڵیان بۆ مەرگی ئەو زاتە مەزن و سیمبولە نەتەوەیی و شۆڕشگێڕە دەربڕی، من بۆ مەرگی کاک نەوشیروان بە رێڕوی پەروەردەی سیاسی و ئەخلاقی و نەتەوەیی خۆمدا دەڕۆم و بۆ مەرگی کاک نەوشیروان خەمبارم و دەڵێم: کاک نەوشیروان روحت شاد و خوا بە بەهەشتت شاد بکات.