هەڕەشەی ڪوشتن و ڪۆتایی ژیان لەنێو قوتابیان خەریڪە هەنگاوەڪە نەریتێڪ وەردەگرێت .
وەڪ ڕوونە لامان لە ( ۲۲ـی٥ ) یەڪەم ڕۆژی تاقیڪردنەوە دەستپێدەڪات و لەنێو مانگی شەش ـدا ڪۆتایی پێ دێت.
ئەوەی مەبەستمە بیڵێم ئەوەیە قوتابیان بەشێڪیان لەژێرڪاریگەری هەستن و عاتیفە بەسەریاندا زاڵە و توانای قبوڵڪردنی ڪەوتنیان نیە لەئاڪامی کاریگەری قەیران و قسەی توندی ماڵ و بۆ ئەمەیش پەنا دەبەنە بەر خۆڪوشتن و دەرزی نەوت لێدان لەجەستەیان...هد

دیارە بەهۆی قەیرانی سیاسی ئەم ساڵ جیاوازتر لەساڵانی تر خوێندن دواڪەوتنێڪی زۆری بەخۆیەوە بینی و نا ئومێدی قوتابیانی بەدوای خۆیدا هێنا و ڪەسیش خۆی نەڪردە خاوەنی ئەو بارودۆخە ، زۆرێڪ لەمامۆستایان ئەسەف بۆ ئەو دواڪەوتنە دەخوازن و لێی پەشیمانن بەهەرحاڵ ڕۆشت.! بۆیه ئێستا پێویستە لەسەر هەموومان هۆشیاری زیاتر لەپێویست بە قوتابیان بدەین و بەهەر وەسیلەیەڪ بێت تێیان بگەیەنین ، ڪە ژیان لەناڕەحەتی و ئەستمەڪانیدا یەڪسان نیە بە مردن ، بەڵڪو ئێمەی ڪورد زۆر لەم قۆناغەمان بڕیوە و ئەزمونیشمان لێی وەرگرتووە ، چونکە زۆرێڪمان بیرمانە نمونەی ساڵانی ( ۱۹۹٤ بۆ نزیڪ ۲۰۰۰ ) دێنمەوە تەنیا یەڪ دەڕاسە ( ئۆتۆمۆبیلی دروێنە ) نزیڪەی ( ۱٥۰ )هاونیشتمانیان و هاوشارم لە لاو و پیر و هەردوو ڕەگەز بەدوای تەڵە گەنمێڪ بوون ، خۆم یەڪێڪ بووم لەوانە ، دوای پێنچ ڪاژمێر چامێڪ گەنممان دەست نەدەڪەوت باشە ڪام قەیرانە قورستربوو..؟

لەڪەم ماڵ یان لە گەڕەڪێڪ ، ڪە لە پێنج سەد ماڵ زیاتر پێڪهاتبوو دوو ماڵ یەڪ ڪیلۆ شەڪری لەماڵ نەبوو..! چەندین نمونەی تری زیندووم لایە.. ئەمە جگە لەوەی ئارامی و دڵەڕاوڪێ شەڕ هەبوو.. پشت بەخوا زۆرمان بڕیوە و ڪەممان ماوە ، لەم نزیڪانە ئەم قەیرانەیش تێپەڕێنین و بوژانەوەیەڪ باشتر بۆ ژیان دەگەڕێتەوە ، جا ئومێدەڪەم هەریەڪەو لەلای خۆیەوە ڕۆڵی بانگخوازێڪ ببینێت و ئامۆژگاری ڕۆڵەڪانمان بڪەن و باسی سەختی ڕابردویان بۆبڪەن.

تا تێبگەن ئێستا بەم قەیران و شەڕیشەوه چەند خاڪمان ئارامە و نەجاتمان لەڪۆڕە و ماڵوێرانی بووە ، چونڪە من ئەمەم باس ڪردووە و سودێڪی ئێجگار باش و ئومێدێڪی زیاد لەپێویست بەقوتابیان و لاوەڪانی شارم بە ئومێد گەڕاونەتەوە بۆ ژیان..