رۆژهەڵاتی ناوەڕاست بەرەرو لێکدابڕان هانداروە. رەنگە ئەمەش کەلتورێکی مێژویی حاشا هەڵنەگر بێت کە رۆژهەڵاتی ناوەڕاستیش دەبێت ئەزمونی بکات، میللەتی کورد چیتر لە پەراوێزی گەمەی رۆژهەڵاتی ناوەڕاستدا نین. ئێمەی كورد نە تەنیا لە پەراوێزەوە هاتونەتە ناوجەرگەوە، بەڵکو ئێستا ئەوان کاراکتەرێکن کە توانای گۆڕانکاریی (جیۆپۆلۆتیک) جوگرافیای سیاسیان هەیە. رۆڵی کورد لە رۆژهەڵاتی ناوەڕاستدا نە تەنیا تۆخ بوەتە، بەڵکو بونەتە گەمەکارێکی یەکەم و چارەنوسساز. گەر بڵێین رۆژهەڵاتی ناوەڕاستی نوێ لەسەر دەستی کاراکتەری سەرەکیی کورد پێکدێت زۆر بەهەڵەدا نەچوین.پرسی دروستبوونی دەوڵەتی كوردیی یان با بڵێین یەكەمین دەوڵەتی كوردستان لەسەر جوگرافیای باشووری كوردستان، بۆتە پرسێكی گرنگ و رۆژەڤ. كورد چاوەڕوانی زیاتر رەخسانی زەمینەكان دەكات بۆ راگەیاندنی دەوڵەتی كوردیی،لە ئێستادا بارودۆخ لەبارە بۆ راگەیاندنی‌ دەوڵەتی‌ كوردیی‌، چوونكە بارودۆخی‌ ئایندە بۆ ئەو كارە روو لە خراپبوون دەكات ‌و ئاڵۆزتر دەبێت، لە رابردوودا كورد نەیتوانیوە سوود لە چەندین هەل ببینێت كە هاتۆتە بەردەستیان بۆ راگەیاندنی‌ كیانێكی‌ تایبەت بەخۆیان. ئەوەشی‌ روونكردۆتەوە، كورد نەیانتوانیوە سوود لە هیچ هەلێك وەربگرێت بۆ راگەیاندنی‌ دەوڵەتی‌ سەربەخۆی‌ خۆیان،كورد هەنگاو دەنێت بەرەو دەوڵەت و ئێستا لە هەموو كات زیاتر زەمینەی ئەو ئامانجە رەخساوە و دەڵێت: دەتوانین بە دڵنیاییەوە بڵێین هەموو هێماكان ئاماژە بەوە دەكەن نەخشەی ناوچەی رۆژهەڵات دەگۆڕێ‌ . دوای سەد ساڵ خەبات و ئەو هەموو خوێن و قوربانییە، دوای ئەو هەموو هەوڵە بێ سەمەر و بێ جەدوایە، دوای ئەوەی لە ئاسۆی ئایندەشدا هیچ ئومێدێك بۆ عێراقێكی ئارام و دوور لە شەڕی تائیفی بەدیناكرێت، ئیدی كاتی ئەوەیە گەلی كوردستان رێگەی خۆی بگرێتەبەر و چارەنوسی خۆی دیاریبكات. موقەدەراتی سیاسی و ئابوری خۆی بگرێتەوە دەستی خۆی و قەیران و گرفتەكانی چارەسەر بكات و ئایندەیەكی مسۆگەر بۆ نەوەكانی دابین بكات كە بارتەقای ئەو هەموو خوێن و قوربانییە بێت كە لەو پێناوەدا بەخت كراوە. جیهانیش لە هەر كات باشتر تێگەیشتنی بۆ داوای رەوای كورد هەیە بە تایبەت دوای رۆڵی شەرەفمەندانەی پێشمەرگە لە شەڕی داعشدا و دوای ئەوەی رۆژ بە رۆژ شكستخواردویی عێراق وەك دەوڵەت رونتر دەردەكەوێت.
نەك لە ئێستادا بەڵكو پێش رووخانی رژێمی سەدامیش ـ هەرێمی كوردستان و خەڵكەكەی روون و دیار و ئاشكرا بوو كە بە شێوەیەكی نیمچە سەربەخۆ ماوەی 26 ساڵە ، سەرٍەرای گشت ئاستەمەكان توانیویانە رووی بەرێوەبردن و شارستانی و پێكەوەژیانی خۆیان پیشانی دونیا بدەن .هەرێمی كوردستان سەقامگیرترین شوێنە لە عێراقدا كە پەیوەندی باشی دیپلۆماسی و سیاسی لەگەڵ وڵاتانی جیهان هەیە.بۆیە پێویستە بە پشتگیریكردن لە دەوڵەتی سەربەخۆیی كوردستان هاوسەنگی هێز لە ناوچەكەدا لە وڵاتانی ئێران ، توركیا ، سووریا و عێراق دەپارێزێت،كورد هاوپەیمانی راستەقینەی ئەمەریكایە لە شەڕی دژ بە داعشدا.دابینكردنی چەك و تەقەمەنی و پاڵپشتی سەربازی ئەمەریكا بۆ كورد گرنگە. هیچ كام لە سەركردەكانی عێراق گوێیان لە خەم و نەهامەتییەكانی كورد نەگرتووە كە لە سەردەمی سەددام حوسێن سامان و موڵكی كوردیان داگیر كرد و كوردیان چەوساندەوە و دووچاری ئەنفال و زیندانی كردن و جۆرەها كارەساتی دیكە كرد.بۆیە كورد ناخوازێت ژیانی تاڵی رابردوو بچێشێتەوە ، بەڵكو وڵاتی سەربەخۆیی خۆی هەبێتهەر بۆیە ئێستا ئەو كاتەیە كە بە دەنگێكی بەرز و لە بەرچاویی هەموو وڵاتانی ناوچەكە و جیهان بڵێن كە چیتر نامانهەوێت بێ‌ دەوڵەتی سەربەخۆ بژین و دەبێت ئەو مافە زەوتكراوە و ئەو خاكە داگیركراوە بە شێوەی ریفراندۆم بۆ سەربەخۆیی كوردستان بۆ خاوەنە راستینەكەی بگەرێتەوە .

راستە دروستبوونی كۆماری كوردستان لە مەهاباد ، دەوڵەتداری ماوەیەكی كورت بوو ، بەڵام كورد توانی بە زڵهێزانی ئەوەسا و داگیركەران بڵێت كە كورد خاوەن خاك و نیشتیمانی تایبەتی خۆیەتی و ئەگەر بە چەك و پیلانگێرییەكانی رێگەمان بگرن رۆژێك دێت ئەو مافە دەگەرێتەوە .ئێستا دەبینن دوای ساڵانێكی زۆر و دوای چەساپندنی ئۆتۆنۆمی بە هۆی پێداگری شۆرشی مەزنی ئەیلوول و دواتریش راپەرین و فیدرالی كوردستان لە ماوەیەكی چەند ساڵێكدا ، ئێستا ئەو هەڵومەرجە هاتۆتە ئاراوە كە جارێكی تر كورد بتوانێت بەیەكجاری ئەو مافەرەوانەیە داوا بكاتەوە لە رێگەی ریفراندۆم بۆ سەربەخۆیی كوردستان و بۆ یەكجاریی رزگاری بێت لە دەست داگیركەران . سەربەخۆیی كوردستان؛مافێكی رەوا و پرسێكی نەتەوەیی و نیشتمانییە، نەك پرسێكی حزبی، ئەو دەرفەتەی كەوا ئێستا بۆ گەلی كوردستان رەخساوە، هەلێكی مێژووییە و پێویستە سوودی لێوەربگرین و لەدەست خۆمانی نەدەین و، نەیكەینە قوربانیی بەرژەوەندییە حزبییەكان، لەم پێناوەدا پێویستە هەموو لایەكمان بەرژەوەندیی خۆمان لە بەرژەوەندیی گشتیدا ببینینەوە و، جلی تەنگی حزبایەتی فڕێ بدەین و جلی كوردایەتی بپۆشین.ئەگەر هەموو لایەكمان سوودمان لەو هەلە مێژووییەی ئێستا وەرگرت و بەیەكەوە كارمان بۆ سەربەخۆیی كوردستان كرد، ئەوا شانازییەكی مێژوویی بۆ گەلی كوردستان تۆمار دەكەین، ئەگەر ئەوەشمان نەكرد، ئەوا مێژوو بەزەیی بەكەسدا نایەتەوە، بۆیە پێویستە بە رۆحییەتێكی نەتەوەیی و نیشتمانی كار بكەین و گەلی كوردستان بگەیەنین بە كەنارێكی ئارام، ئەو كەنارە ئارامەش تەنیا سەربەخۆیی و دامەزراندنی دەوڵەتی كوردستانە