ڕاستی نە یا ش خۆیە دبێژن دیرۆک باشترین مامۆستا، و پاشی ژی ژێدەر و بەلگەیە، ب مەرجەکی دەستەک پاقژ و جھێ باوەریێ وێ بھیچتە ڤەھۆنین. لێ گەلەک یان ژی ھندەک جاران دیرۆکێ ژ بیرا مرۆڤان دبەتن و ئەوان نەچار دکەتن خۆ لێ ل گێلیێ بدەن. ئالایێ کوردستانێ ل کەرکووک ئەڤ ڕاستیە دووپاتکر. دەمێ بڕیارا بلنکدکرنا وێ ل دەزگەھێن میری یێن وێرێ ھاتەدان و جێبەجێکرن، برایێن تورکمان ئەو کر یا کری، و کار گەھشتە ھندی ھندەک بێژن ئەو باژێڕ یێ تورکمانانە!!
ڕاستی یا سەیر بوو، و ژ وێ ژی سەیرتر ئەو بوو ب سەدان مامۆستایێن ئەکادیمی د بیاڤێ دیرۆکی ل زانینگەھێن کوردستانێ تنێ ھندی تپلێن دەستان نەبن، تشتەک نە گۆت و نە نڤێسی. ڤێجا ھێشتان ژ وێ ژی سەیرتر ئەو بی جوامێرەکێ وەکی ئیسماعیل بێشکچی پێش وان ئەکادیمییچن کوردێن دیرۆکناسڤە بەرسڤا برایێن خۆ دا و ئەو ھزر ڕەت کر !! باشە دا چ بیتن پێش وی ڤە وان ئەو کار ئەنجام دابەیە؟! باشە پا ھەکەر جارەک دیتر تشتەک وەسا ڕووی بدەتن و ھنگی ئەڤ دۆستێ دێرین و دلسۆز نە یێ ساخ بیتن چی؟؟!! باشە دا ( دنیا ) خراب بیتن ھەکەر ھندەکا نڤێسیبایە مەغۆل و برایێن وان یێن تورکمان، کە بخۆ ململانێیەکا دیرۆکی و ئابوورییا یا کەڤنار، ژی یا دگەل ھەڤدۆ ھەی، و تنێ و وەکی گەلەک کەسێن دیتر د خالا دژاتییا کوردستانیان دا ئێکدیتر دگرن، یێن ل چەرخێ سێزدێ زایینی ھاتینە دەڤەرێ ( ١:٩٥٥؛٣:٢١٤؛٤:٦٧٧ )، و کوردستانێ، و کەرکووک یان " ئاراپخا" پشتی میتانییان، وەک بەرەباەکێ میدی و کوردێن ئاری، لسالێن نێزیکی ( ١٥٠٠ پ. ز. )، پایتەختێ خۆ ش شارێ " واشۆکانی"، یاکۆ دکەفتە سەر ڤی خابیرێ کوردستانێ، بۆ وێ ڤەگۆھاستی ب ئێک ژ کەڤنارترین پایتەختێن کوردستانێ، دھێتە ھژمارتن (٢:٣٦)، ئانکۆ نێزیکی دوو ھزار و ھەشتسەد سالان بەری نۆکە و ھاتنا وان نەتەوە و داگیرکەران، و نەیا ڤەشارتییە لاوازییا عەرەبان د کاروبارێن ڕێڤەبرنێ و دەستھەلاتێ، و پاشی ژی " نەخەلافەتا" عۆسمانیان ژ ئەگەرێن بھێز و زێدەبوونا وان دھێتە ھژمارتن.
باشە ھەکەر ل ناڤەڕاستا چەرخێ بیستێ مەغۆلان بۆ ئێکەم جار ل (UN) بەحسێ دۆزا کوردان و خەم و خەیال و دەردەسەریێن وان و کا خەلک چ بسەرێ وان دھینیتن، کرییە، چونکی ئەم د وی دەزگەھێ مەزنێ جیھانی دا نەبین، ئایا ڕامانا ھندێ ددەتن کە ل چەرخێ بیست و ئێکێ خەلک مە خشیم و سادە بزانیتن و ھۆسا فرت و فێلان ل مە بکەتن و بسپۆرێن مە بێدەنگ بن؟؟!! ما دێ ھەتاھەتایە خەلک پێش مەڤە ئاخڤیتن؟! گەلەک جاران ئەم بخۆ ئەگەرێ ئاریشەیێن خۆینە. مەزن دبێژن " دیتی ئەزم نەدیتی دزم"! ئەڤە ئەو مەتەلە. بێشکچی دیت و مە نەدیت؟! چەوا چێدبیت؟! بەرێ خەمساری ھاتەکرن و دیرۆکا مە بدەستێن مە نەھات نڤێسین، و ئەو چێ بی یا چێ بی. بەلێ نۆکە چی؟! یان ژی تشتەک ھەیە و ئەم نزانین؟! بلا ئەڤ سەربۆرە، وەکی دیرۆکا مە، لێنەھێتن و ببیتە وانە و مامۆستایەک. چونکی " بێشکچی" ھەتا ( قڕنێ قیامەتێ) بۆ مە نامینیتنە ساخ! دیرۆکێ بنڤێسن دا زارۆکێن مە شانازیێ پێببەن، نەک دفن بلند ببن. دا سیاسەتوانێن مە باوەری بخۆبوون لنک پەیدا ببیتن و وێرەکتر لێبھێن، بەلێ نەک زۆرداریێ بکەن و وێرەکتر ببن ل بەرگریکرن ژ کوردستانیان.
ژێــــدەر: (١)( بوورەکەیی) ێفی زادە، ێدیق(١٣٨٥). تاریخ پنج ھزار سالە ایران. (٢) الخلیل، ڕحمد محمود(٢٠١٣). الشخێیە الکوردیە، دراسە سوسیولوجیە. (٣) رچائی، عبدالعڤیم( ١٣٧٦). تاریخ دەە ھزار سالە ایران از پیدایش یریایھا تا انقراچ پارتھا، جلد اول، چاپ اقبال، چاپ ھشتم. (٤) گلوعی، محمود ( ١٣٩٠ ) . فرھنگ جامع سیاسی، چاپ چھارم، نشر علم.*بسپۆرێ زانستێن پێداگۆگی و پەروەردەیی/فاکۆلتییا پەروەردە/ زانینگەھا زاخۆ