شۆرشە یەك لە دوای یەكەكانی كورد ، بەگشتی لە پێناو یەك ئامانجی روون و دیاریكراوە بوو ،ئەویش رٍەتكردنەوەی ژێر دەستی و بە دیهێنانی مافی سەربەخۆیی كوردستان بووە ، بۆیە لەو نێوەدا بارزانی پشكی شێری ئەو خەبات و تێكۆشانەی بەركەوتووە. ئێستاش لە ژێر سایەی سەرۆك بارزانی دا هەرێمی كوردستان بۆتە مەڵبەندی پێكەوەژیانی سیاسی و ئایینی و نەتەوەیی و... هتد. ئەمەو جگە لەوەی كە لە سەر ئاستی عێراق و سوریا بە تایبەتی شەپۆلێكی یەكجار زۆری ئاوارە روویان لە هەرێمی كوردستان كردووە لە ترسی هەرەشەی تیرۆر و تۆقاندن، ئەو دۆخە ناسەقامگیرو نالەبارەی كە لە ناوچەكەدا هاتۆتە ئاراوە و تاكە شوێن كە توانیویەتی پارێزگارییان لێ بكات و بیانگرێتە خۆ و بەرێزەوە باوەشی خۆی بۆ بكاتەوە تاكو ئێستا باشووری كوردستان بووە بە رابەرایەتی بەڕێز سەرۆك مسعود بارزانی. سەرەڕای ئەو گوشارانەی كە هەیە لە سەر باشووری كوردستان لە رووی شەڕی تیرۆر و قەیرانی دارایی و دابەزینی نرخی نەوت و ئەمەش شانازیێكی زۆر گەورەیە بۆ گەلی كورد لەم بەشەی كوردستان كە ئەوپەڕی لێبوردەیی و مرۆڤ دۆستی خۆی نیشانی هەموو جیهان داوەو بە پێی توانا بە ئەركی پیرۆزی مرۆڤانەی خۆی هەستاوە.هەلوێستەكانی سەرۆك بارزانی رەنگدانەوەی كولتووری بارزانیی نەمر و مەزنە لەسەر بەردەوامبوونی كولتوورێكە كە لە پێناو چەسپاندنی دیموكراسیدا لە عێراق و ناوچەكە باج و قوربانییەكی یەكجار زۆری داوە و لە لایەك چەندین شۆڕشی لە پێناو رزگاری كورد و كوردستاندا بەرپاكردووە و لە لایێكی دیكەشەوە هەر خودی شۆڕشەكانی بارزانیی مەزن بۆ رزگاری گەلانی ناوچەكەش بووەو بە تایبەتی عێراق لە دەستی رژێمە دیكتاتۆرەكان و تا گەیشتە قۆناغی ئێستامان كە بەدیهێنانی مافی سەربەخۆیی كوردستان و رزگاربوونە لە دەستی داگیركەرانی كوردستان .
سەركردەكانی هەرێمی كوردستان ناوچە ئازادكراوەكانی دەستی داعش لەلایەن هێزەكانی پێشمەرگەی كوردستان وەكو دەرفەتێكی زێرین دەزانن كە سەر لە نوێ نەخشەی عێراق دابرێژرێتەوە كە بەهۆیەوە هەرێمی كوردستان لە بەغدا جیا بێتەوە.هەروەها ئەم هەوڵەی هەرێمی كوردستان لەكاتێكدایە كە هێزە عێراقییەكان لە پێشڕەوی خۆیان لە ڕزگاركردنی مووسڵ لە بەری رۆژئاوای مووسڵ بەردەوامن.لەم سۆنگەیەوە ، وەزیرانی حكوومەتی هەرێمی كوردستان پێیان وایە كە بژاردەیەك ئاراستەی بەغدا دەكرێت و پێیان ڕادەگەیەندرێت خاكی ئازادكراو لە داعش بۆ سەر هەرێمی كوردستان دەگەڕێنرێنەوە ، ئەمەش ئاواتی كورد كە چەندین دەیەیە خەبات و تیكۆشانی بۆ دەكات و تا ئێستا هەزار و حەوت سەد پێشمەرگە گیانیان بەخت كردووە ، بۆ سەربەخۆیی دەكاتە ڕاستی قۆناغی دوای داعش لە عێراق و سووریا زۆر گرنگە.پێویستە ئیدارەی ترەمپ رێگە بە عێراقییەكان بدات كە بڕیاری دابەشبوون بدەن بۆ سێ پارچە.هەروەها دەبێت مۆڵەت بە سوونەكانیش بدرێت كە ناوچەكانیان كۆنترۆڵ بكەنەوە و حوكمی خۆیان بكەن و پارێزگاری لە سەقامگیری و سەرچاوەكانیان بكەن ، بەتایبەتی كە سوونەكان لە پارێزگاكانی ئەنبار ، نەینەوا ، سەلاحەدین دەژین.ئەوان شایەنی ئەوەن كە كیانی خۆیان هەبێـت.هەروەها دەبێـت عێراق بەشێوەیەكی فەرمی و یاسایی دان بە سەربەخۆیی دیفاكتۆی كوردستان بنێت كە ئەمرۆ لە هەرێمی كوردستان و ناوچەكانی سنووری كوردستان بوونی هەیە.كوردەكان ، لایەنگر و ئەمەكداری ئەمەریكا و رۆژئاوان لە شەڕی دژی داعشدا.هەروەها شیعەكانیش كە بەشێوەیەكی سەرەكی لە بەغدا ، نەجەف و كەربەلا و پارێزگاكانی باشووری عێراق دەژین ، ببنە خاوەن دەوڵەتی سەربەخۆیی خۆیان
سەرۆك بارزانی هەموو تواناو پێگەی خۆی بەكارهێنا لە خزمەت پاراستنی كوردستاندا لە سەر ئاستی كوردستانی گەورە بە بێ جیاوازی وەكو داواكردنی پاڵپشتی لە وڵاتە زلهێزەكان هەم بۆ باشووری كوردستان و هەم بۆ رۆژئاوای كوردستان، بۆیە پێویستە كورد لە هەر چوار بەشەكەی كوردستان دا بارزانی بە سەرچاوەو مەرجەعی خۆی بزانێت و هەڵوێستەكانی سەلماندوویانە كە خەمخۆری كوردو كوردستانە لە هەموو بەشەكان بە بێ جیاوازی. گۆڕانكاریەكانی ئێستاش لە سەر ئاستی ناوچەكەو جیهان و گرنگیدان بە مەسەلەی كورد لە لایەن كۆمەڵگەی نێودەوڵەتیدا بارزانی لەم چوارچێوەیەدا رۆڵێكی یەكجار گەورەی بینیوە لە راكێشانی سۆزی نێودەوڵەتی بۆ سەربەخۆیی كوردستان لە باشووردا دەستپێدەكات و ئێستا زۆر دەوڵەت لە ناوچەكە و جیهاندا پاڵپشتی ئیرادەی سیاسی كورد دەكەن لەم بەشەدا بۆ بە دەوڵەت بوون و سەربەخۆیی.
لە سەر ئاستی عێراقیش بارزانی زۆر هەوڵی دا دیموكراتی بچەسپێت بۆ رزگاربوون لە عەقلێ شۆڤێنی و رەگەزپەرستی، چەندین جار وەك ناوبژیوان پێكهاتەكانی ئەم وڵاتەی كۆكردۆتەوە، بەڵام لە دواجار سوودی نەبووە، چونكە حقدی هەندێ لە نوخبە سیاسییەكانی عێراق بەرامبەر بە كورد زۆر گەورەتر دەرچوو لەوەی كە بتوانن قبوڵی مافەكانی كورد بكەن و هەتا ئەمڕۆ بە چاوی بێگانە و دوژمن سەیری كوردیان كردووە، بۆیە لە جێی خۆی دایە هەموو كورد پاڵپشتی لە پرۆژەی سەربەخۆیی كوردستان بكەن بە سەركردایەتی سەرۆك مسعود بارزانی. دەبێت هەمووان پشتیوانی هەنگاوەكانی بین لە پێناو گەیشتن بە ئامانج ..