كاتەك كە پرۆژەی مافی هاوڵاتیبوونی رووحانی دەرچوو ئاماژەكان زۆر دیار و روون بون چوون ئەو پرۆژەیەش وەكوو هەموو پرۆژەكانی تری ئێران لە بارەی ناساندنی تاوانی سیاسی و زۆر پرۆژەی تر تەنانەت ئەو مادە دەستورییەی قانوونی ئەساسی ئێران كە ماف بە كەمەنەتەوە و كەمی ئایینەكان دەدات بۆ ئەوەی درێژە بە چاڵاكی نەتەوەییی و ئایینی خۆیان لە چوارچێوەی دەستووردا بدەن بەڵام لە راستیدا ئەوانە هەموویان زیاتر لە دروشم هیچی تر نیین چوون كۆماری ئیسلامی بە هەموو شێوەیەك هاوڵاتیانی خۆی كە پێكهاتەیەك لە كەمە نەتەوە و كەمە ئایینەكانی ترن دەچەوسێنیتەوە وسەرەرای قەدەغە كردن و سنوردا كردنی چاڵاكییەكانیان هەر رۆژە و بە بیانۆیەك،تۆمەتی "مفسد فی الارض" یان "محارب با خدا" یان دەداتەپاڵ و بە ئاشكرا یان بە نەهێنی لە سەیدارە دەدرێن.
ئەوەی كە باسی لێوە كرا قەترەیەك لە هەڵسوكەوتی سیاسەتی كۆماری ئیسلامی بەرانبەر بە نەتەوەكەی خۆیەتی بەڵام ئەوەی كە لەو دواییە بە ناوی پشتگیری لە نەتەوەی ئێزدی لە لایەن ئێرانەوە ئاشكرا كرا و وەڵایەتی بە ئاشكرا ئاماژەی بە پشتگیری لە نەتەوەی ئێزدی و شەبك و شیعەكانی تەڵەعفەر كردووە.
هەرچەندە بە دەیان جار ئاماژە بەو سیاسەتی عەسكەری و ستراتیژی پاوانخوازی كۆماری ئیسلامی لە بەرانبەر هەرێمی كوردستان كراوە ئەوەی كە ئەمرۆ لە پارێزگای كوردستان لە رۆژهەڵات لە شاری سنە راگەینرا كە سەرۆك كۆماری ئێران ڕایدەگەیێنێت: پڕۆژەی هێڵی ئاسنی تاران- هەمەدان- سنە دەبێت پاش سنە بە كوردستانی عێراقەوە بلكێت و لە ڕێگای سووریاوە بگەیێتە دەریای ناوەڕاست.
ئەوە ئەو رۆۆیا دێرینەی كۆماری ئیسلامییە كە پڵانی درێژخایەنی بۆ دارێشتووە و پشتگیری لە پەكەكەی شنگاڵ و كوردان ئێزدی و نانەوەی ئاڵۆزی لەو ناوچەیە درێژەدان بەو سیاسەتەی كۆماری ئیسلامییە.
هەر بۆیەش ئەوانەی كە وا بیر دەكەنەوە لە ستراتیژیەتی ئەمنی و عەسكەری كۆماری ئیسلامی بەرانبەر بە كوردستان تێناگەن عەیبەیەكی گەورەیە وئەگەر تێێنەگەن بەراستی دان پێدانانەكی روون و ئاشكرا و شەرعییەت دانە بەو ستراتیژییەیە كە لە داهاتوویەكی نێزیك ئەگەر لە چەواشەكارییەكان و بێدەنگییان بەردەوام بن بەرۆك یان دەگریت.