ئارێزعەبدوڵا کە بەناو ئەندامی سەرکردایەتی یەکیتی و پەرلەمانتاری یەکێتیە لە بەغدا، لەنوسینێکدا بەناوی (بودجەی عێراق و دەوڵەتی کوردستان) ڕەخنەی لە حکومەتی هەرێم و دەسەڵاتی کوردستان دەگرێ گوایە یاسای بودجە جێ بەجێ ناکات، ئارێزعەبدوڵا ئەگەر کەمێک بەخۆی دابچێتەوەو هەندێک حورمەتی ئەوەی لابێت کە ئەندامی سەرکردایەتی حزبەکەیەتی و پەرلەمانتارە، باسێکی ئەوها ناکا، چونکە دەبێ پێش هەموو کەس بزانێ ئەو بودجەیەی لەبەغدا بۆ(٢٠١٧) پەسەند کراوە نەک لە سودی بۆ پیشمەرگە و بۆکوردستان نیە، بگرە جێ بەجێکردنیشی خیانەتە، ئەو بودجەیەی ئارێز عەبدوڵاو خەڵکانی وەک ئەو بە جیبەجێ نەکردنی ڕەخنە لە حکومەتی کوردستان دەگرن گەر بگڕێنەوە بۆ ساڵانی ٢٠١٠و ٢٠١١و ٢٠١٢و تا ٢٠١٦ش لەو بەشەی کەبۆ پیشمەرگە دانراوە گەلێک زیاتر و بەدەسەڵاتی زۆرتریش بۆ کوردستان دیارکراوە، ئینجا وەزارەتی بەرگری عێراقی لە بەغدا پارەکەی خواردووەونەیداوە، بۆیە ئەو هەموو هات و هاوارەی ئارێزو هاوشێوەکانی بۆ ئەو بودجەیە دەیکەن، جگە لەموزایەدەو چەواشەكاری و تەسلیمبوون بەبەغدا و غەدرکردنە لە پێشمەرگە و خەڵكی كوردستان شتێکی تر نیە.

لێرەدا با بەبیری ئارێزو هەموو ئەوانەشی وەک ئارێزن بهێنینەوە لەوساڵانەی باسمانکرد بودجەکە چۆن بووەو ئێستاش چۆنە، لە بۆدجەی ساڵی 2010 سەرۆك وەزیرانی عێراق و سەرۆكی هەرێمی كوردستان سەرپشك كراون كە لەسەر بۆدجە و موچە و چەك و تفاقی پێشمەرگە رێككەون و تەنیا رەچاوی دەستور بكرێ. لە بۆدجەی ساڵی 2011هەمان دەق بڕگەیەكی بۆ زیاد كراوە كە بەو پێیە سولفە دەدرێتە هەرێم بۆ پێویستییەكانی پێشمەرگە تا ئەو بابەتە بە یاسایەكی تایبەت رێكدەخرێ. لە بۆدجەی ساڵی 2012 دا هەمان دەق دووبارە جێگیر كراوەتەوە. هەردوو ئەنجومەنی وەزیرانی هەرێم و بەغدا دەسەڵاتی رێكەوتن لەسەر موچە و پێویستییەكانی پێشمەرگەیان دراوەتێ. لە بۆدجەی ساڵی 2013دا هەمان دەقی ساڵی رابردوو جێگیر و پەسەند كراوە. لە بۆدجەی ساڵانی 2015 و 2016دا پاش ئەوەی بۆدجەی ساڵی رابردوو نەكراوەتە یاسا، دەقێكی دیكە جێگیركراوە كە بەشێكی تەرخانکردن بووە بۆ هێزی ووشكانی عێراق و هێزی پێشمەرگە، بەڵام هیچ بڕو بیانویەك بە ژمارە و بڕی موچەی پێشمەرگە نەگیراوە و رێگا بە بەغدا نەدراوە دەست لەو سەروەریەی كوردستان وەربدات. کەچی لەوبۆدجە نوێیەدا کەبۆ ساڵی(2017) دانراوەو بەردەوام ئارێزەکان وەک دەستکەوتی مەزن بە خەڵکی کوردستان دەیفرۆشنەوەو ڕۆژانە لەسەر شاشەکان موزایەدەی سیاسی پێدەکەن و وەك دەسكەوت بە پێشمەرگە و خەڵكی كوردستان نیشانی دەدەن، بڕگەی تایبەت بە پێشمەرگە دەقێكی نادیارو بێ ئیعتبارەو هیچی بۆ هێزی پێشمەرگەی کوردستان تێدا نییەو ماف دەدات بەفەرماندەیی گشتی هێزە چەكدارەكانی عێراق كە ئەو ژمارە بۆ پێشمەرگە دیاری بكات و ئەو بڕیار بدات دەبێ چەندبێ و موچەیان چۆن بێ، لەهیچ شوێنێکی ئەو بودجەیەدا کە فراکسیۆنەکەی ئارێز و گۆران و کۆمەڵ بەدەستکەوتی دەزانن، ئیعتابارێک بۆ کوردستان وەک ئەوەی لەساڵانی ڕابردوو هەبووە دانەنراوە، ئەگەرچی پیشتر بەو هەموو دەسەڵاتەشی بە هەرێمی کوردستان دابوو ئینجا پارەکەیا لەبەغدا خواردو نەیاندا بەکوردستان.

ئەوەی ئێوە لەبارەی ئەو بودجەیەوە بەدەستکەوت بە خەڵک و دەسەلاتی کوردستان دەیفرۆشنەوە، خۆڵکردن چاووی خەڵکەو فێلکردنە لەمیللەتی کورد، داخ لەدڵی و دڵڕەشیتان گەیشتۆتە ئەو ئەندازەیەی ببن بەدەست خەڕۆو پەناگەک بۆ کورد فرۆشی، هەروەک پیرەمێردی شاعیری گەورەی کورد دەفەرمووێ(وەفدی کوردستان، میللەت فرۆشان)، چونکە ئەوەی دەیکەن دژ بە وڵات و دژ بە سەرۆک و دژ بە پیشمەرگەو دژ بە کوردستانە، زۆرمان نەماوە ئەوە دەچینە نێو ساڵی ٢٠١٧ و لەگەڵ ئارێزعەبدوڵاو هاوشێوەکانی، یەکتر دەبینینەوە، دەبینین بەغدا ئەو پارەیە دەنێرێ یاناینێرێ، ئەوکات ڕوون دەبێ ئێوە لە بەغدا خەریکی چی بوونە.