چ كارەساتێكە ئەوە نوخبەی وڵات بێت و شتی بخوێنیەوە...
رێكان سەباح
عەزیز رەئووف لە بەشێكی تری ماستاوە تیرەكەی دەلێت ئه‌گه‌ر كاك مه‌سعود بوومایه، هه‌رچی ڕاوێژكار و ڕۆژنامه‌نووس و ده‌رباره‌كانی ده‌ورم هه‌یه هه‌موویم ده‌رده‌كرد" بۆچی ؟نازانرێت! بەڵام دیوی دووەمی ئەو بەناو نووسەرە كە خۆی پەروەردەی سیاسی حزبەكانی ئەو دەڤەرەیە، پێمان دەلێت رەشكردن و شكاندنی ئێسك لە سیاسەتی ئەواندا ئەولەویەتە، ئەمەش هەر بەشان و باڵای حزبی قائید دا دەدورێت، بۆیە تا حزبەكانی ئەو پەروەردە سیاسیە رێبازیانە، نە لەگەڵ دیموكراسیەتدا گونجاون، نە كەسانێكن ئەتوانن لە دونیای دیموكراسی و فرەی و رای جیاوازدا بژین، ئەم بۆچوونانە میراسێكی رووتی بەعسیەكانە، كە بەرۆكی پەروەردەی حزبی ئەو دەڤەری گرتووە، لەژێرناوی ئازادی رادەربریندا، دەم و چاوی فرەی دەشكێنن و ئازادی بە حەزبی حزبی قائید رەنگ دەكەن، چونكە بێ ئەوەی رێز لە راوێژكار و رۆژنانەنووسەكان دەربارەكانی دەورو بەری بارزانی دابنێت و بیان ناسێت كە رۆژانە چی دەكەن لەسەر بنەمای جیاوازدا، حەزی شكاندن و لەناو بردنی هەیە بۆیان، ئەوەش پێمان دەلێت لەدونیای دیموكراسیەكاندا چەندە دابراو و سەرگەردانی تێگەیشتنن لە بوونی سیستەمی دیموكراسیەتدا.
لە بەشێكی تری ئەو بەناو نووسەرەدا دەلێت "من له‌جێی كاك مه‌سعود بوومایه، هه‌رچی حیمایه‌م هه‌یه ده‌منارد بۆ لادێكان و ده‌مكردن به شوان، هه‌رچی سه‌ركردایه‌تی و مه‌كته‌بی سیاسی حزبه‌كه‌م هه‌یه، ده‌مكردن به گاوان".! ئەو پەرەگرافە لەنووسینەكەی دا هیچ شكاریەكی ناوێت، كە داوای داخستنی حزبی سیاسی دەكات، جەماوەر و پێگەی ئەو حزبەش یەكسان كردووە بە سفر، ئاخر كاتێك بەناو نووسەرێك كە گوایە، بەرگری كاری میللەت، ئازادی و دیموكراسی و فەریە، نەیاری سیاسی ئەوەندە بەڵاوە سفر بێت و حەزی بەشكاندنی بكات، داوای داخستنی رووتی بكات، ئیتر بۆ دەبێت شكاری بكرێت لەكاتێكدا ئەو حزبەی ئەو داوای داخستنی دەكات، تەنها رەئی و سیاسەتی جیاوازی لەو هەیە، نووسەرێك بگاتە ئەو ئاستە لە نووسیندا هەر لێگەرین بۆ خەڵك كە بریار بدات، ئەرێ ئەوە شینەكەی بۆ چ بزنێكە.
بۆیە لێرەدا ئەوەی روون دەبێتەوە تا حزبی سیاسی ئەو دەڤەرە، لەماناو بنەماكانی دیموكراسی و ململانێی سیاسی تێنەگەن، ناتوانن بووونێكی سیاسی بن لەناو دونیای دیموكراسی و دەستاو دەست كردنی دەسەڵاتدا، ئاخر ئەو بۆچوونە سیاسیانە كە پڕن لە پەروەردەی ئاراستەی سیاسی ئەو حزبانە، بێ گەران بەدوایان دا دەمامكی شكاندن و لەناو بردنیان حزبی بەرامبەر و نەیاریان هەڵدەماڵنن، خۆیان بۆمان شی دەكەنەوە كە ئەوان لەبۆسەی لەناو بردن دان تاوەكو ئێستا دونیای دیموكراسی و فرەی ئەوان لە ململانێی حزبی دا لەگەڵ شەڕی مان و نەمان جیا نەكردۆتەوە.
