ئاماژەكانی پشتی ئەو جوڵانەی یەكێتی " لەكادیر كوشتن و بەردباران كردنی بارەگاكانی پارتی و پاشان سوتاندن و تەقەكردن لە بارەگای پارتی لەسلێمانی و پێشوازی لە مووچەبڕ لەدژی پارتی و میدیاكانی یەكێتی و گۆڕان شەڕی ئیسك شكاندن و بەقاچاخ كردنی پارتی هتد... پێمان دەلێت كە یەكێتی بەئاراستەی شوێنێك دەروات " كە مان و نەمانی خۆی تێدا خستۆتە گرەوەوە، ئەمەش ئاراستەی بێ ئەوڵا و ئەوڵای نەوشێروان و بنەماڵەی ئیبراهیم ئەحمەدە كە هەموو دەسەڵاتەكان بەكار دێنن بۆ ئەوەی جارێكی تر شەڕی براكوژی لەكوردستان دروست ببێتەوە، بۆچی؟
چونكە نەوشێروان و بنەماڵەی ئیبراهیم ئەحمەد، گەیشتۆتە ئەو قەناعەتە كە جگە لە شەڕی براكوژی هیچ رێگای مانەوەی پێگەی جەماوەریان ناهێلێتەوە، چونكە ئەگەر هاتوو شەڕی براكوژی دروست بكرێت، ئەوە دژایەتی پارتی و بارزانی لەناو جەماوەری شارەكانی ژێر دەسەڵاتی خۆیان بۆ پارتی دەگاتە ئاستی رەش كردنەوی پارتی، چونكە بابەتی خوێن دێتەوە بوون، ئەمەش وا لەو جەماوەرە دەكات چاوی هیچ " چەوتیەكی یەكێتی و گۆڕان نەبینێت و ئەو هەموو گەندەلیەی رابردوو لە سلێمانی قبوڵ بكەن لەپێناوی رەشكردنەوەی پارتی ، ئەمە تەنها بە خوێن رژان دەستەبەر دەبێت بۆ نەوشێروان بۆیە نەوشێروان كە رێبەرایەتی بنەماڵەی ئیبراهی ئەحمەدیش دەكات، هەموو ئاراستەكانی بۆ ئەوەیە كە شەڕی براكوژی دروست ببێتەوە...