ئەو کاتەی نوری مالیکی، فرقەی ١٢ی سوپای عێراقی بەرەو ناوچەکانی هەرێمی کوردستان جوڵەپێکرد، زانیاری تەواو هەبوو کە مالیکی، هەوڵی داوە کە هێزی عێراق بەرەو کوردستان جوڵە پێ بکات، چونکە پێشووتر، رایگەیاندبوو کە (هەولێر مۆڵگەی تیرۆرستانە). قسەی مالیکی لەبارەی ناوهێنان شارێک بە مۆڵگەی تیرۆر زۆر لێکدانەوە هەڵدەگرێت، مەترسیدارین لێکدانەوە ئەوەیە کە بەبیانووی تیرۆر هێرش بکرێتە سەر هەرێمی کوردستان، تەنانەت قسەیەک هەبوو کە ئاماژە بەوە دەکات بەفەرماندەی "عەلی غەیدان"، فەرماندەی هێزە وشکانییەکانی عێراق، هەوڵ دراوە کە هێزی عێراقی لە چەند ناوچەیەکی مەخموور و لە دیوی کەرکووکیشەوە بێتە پێشەوە، لە کاتێکدا بارزانی باش ئاگاداری هێرشکردنە سەر شاری هەولێر بووە، بۆیە وەک تەحەدایەک بۆ مالیکی، بارزانی هێزی پێشمەرگەی کوردستان بەرەو کەرکووک جوڵە پێ کرد، هەندێک بۆچوونی سیاسی عێراقی هەبوو کە دەیان گووت، مالیکی بەنیاز بووە هێرش بکاتە سەر هەرێمی کوردستان و هەر ئەو کات چەکی قورس لە فرقەی ١٢ی سوپای عێراق بەکارهێنراوە کە هەندێک زانیاری سەربازی لە ئاژانسە عێراقییەکان ئاماژەیان بەوە دابوو کە چەکە قورسەکان لە بەغداوە هێنرابوون بۆ شاری موسڵ، مالیکی لە نییەتێکی خراپی دەسەڵاتەوە ئێستا دەیەوێت لەرێگای هاوپەیمانییەتیەکی نوێوە بێتەوە مەیدانی سیاسی عێراق، لە کاتێکدا بەشێک لە سوننەکان و شیعەکانی لەخشتە بردووە، ئێستاش دەیەوێت لەڕێگای راکێشانی بزووتنەوەی گۆڕان و یەکێتی نیشتیمانی کوردستان، کورد بکاتە بەشێک لە ستراتیژیەتی هاوپەیمانییەتیەکەی کە بڕیارە لە هەڵبژاردنی داهاتووی عێراق بەشداری بکات.
مالیکی ئەگەر هاتوو دۆخی عێراق بەم شێوەیە بڕوات دوو رێگا هەڵدەبژێرێت رێگای یەکەم: کودەتایە، بەسەر حکوومەتی عێراق، بەڵام لەبەر گێکی دیکە و بەشێوەیەکی دیکە چونکە راستییەکی حاشا هەڵنەگرە کە حەشدی شەعبی لەلایەن مالیکیەوە بەرێوە دەبرێت، ئێستاش دەیەوێت هەرجۆرێک هەیە لایەنەکان بەکوردیشەوە رازی بکات بۆ ئەوەی حەشدی شەعبی بەشداری بکات لە ئازاد کردنەوەی شاری موسڵ و جێ پێ قایمکردنی لە کاتێکدا بەشێک لە سوننەکانی لەو بارەوە کڕیووە.
ئێستا یەکێتی نیشیتیمانی کوردستان راگەیاندووە کە لەگەڵ مالیکی رێککەوتوون هەمووشتێکمان بڕیوەتەوە، پرسیارەکە ئەوەیە چی بڕاوەتەوە؟ ئەو رێککەوتنە نهێنییە چیە باس دەکرێت؟ ئەو هاوپەیمانییەتیە چییە کە مالیکی هەوڵی بۆ دەدات؟ لە کاتێکدا دەبێت پێش هەموو کەسێک لایەنە کوردستانییەکان باش لەوە دڵنیابن کە مەترسی هەیە کورد دابەشی بەرەیەکی سەر بە عێراق بکرێت، بۆ ئەوەی پرسی ڕیفراندۆم و سەربەخۆی کوردستان سەرنەگرێت، بە جۆرێک مەترسیەکە لەوە دایە کە مالیکی ببێتە ئەجێندای ئەو مەترسییە و بیەوێت لە رێگای بودجە و دابینکردنی پارە بۆ شارێک بیەوێت هەڵوێسنی سیاسی بکرێت.
پێش هەموو لایەنەکان دەبێت یەکێتی نیشتییمانی کوردستان باش لەوە دڵنیابێت کە هەرهەنگاوێک بۆ نزیک بوونەوە لە عێراق دەنێرێت، نەبێتە مایەی چوونە بەرەیەکی دژە ویستی کوردستانەوە، چونکە دواجار هەموومان تێدا زەرەرمەند دەبین.