واز له یه‌کپارچه‌یی عێراق بێنن، خه‌می یه‌کڕیزی نێو حیزبه‌که‌تان بێت!
سەنگەر مستەفا
جگه له‌مانه‌ی باس کران، سه‌ره‌ڕای ئه‌وه‌ی به‌غدا ویستوویه‌تی هه‌میشه کێشه بۆ کوردستان بنێته‌وه، به‌ڵام حکومه‌تی کوردستان له ڕووی په‌یوه‌ندی نێوده‌وڵه‌تی و دیپلۆماسی، به‌بێ گه‌ڕانه‌وه بۆ حکومه‌تی عێراق ڕۆژ به ڕۆژ بره‌و به سیاسه‌تی دیپلۆماسی و په‌یوه‌ندییه‌کانی خۆی ده‌دات و زۆربه‌ی وڵاته زلهێزه‌کانی جیهان وێڕای پشتیوانیان، هه‌میشه تاکید له دۆستایه‌تی و هاوکاری خۆیان بۆ کوردستان دوپات ده‌که‌نه‌وه.
ئه‌گه‌ر ستراتیژییه‌تی یه‌کێتی گۆڕان ئه‌وه بێت که شانده‌که‌یان له سه‌ردانی به‌غدا به ڕاشکاوی باسیان کردبوو، که‌واته ده‌بێت دڵنیاش بن که پڕۆسه‌ی ڕیفراندۆم، پرسێکی حه‌تمیه و هه‌موو هه‌نگاوێکی یاسایی و زانستی بۆ ده‌هاوێژرێت و دواجاریش گه‌لی کوردستان بڕیاری یه‌کلاکه‌ره‌وه‌ی خۆی ده‌دات.
بۆیه باشتریش وایه ئه‌و دوولایه‌نه واز له خه‌مخۆرییان بۆ یه‌کپارچه‌یی عێراق و پاشکۆیه‌تی به‌غدا بێنن و چیتر ئاسنی سارد نه‌کوتن، گه‌ر ناشتوانن و لێیان ناگه‌ڕێن که له‌گه‌ڵ هه‌وڵه نه‌ته‌وه‌ییه‌کانی سه‌رۆک بارزانی بن، هیچ نه‌بێ با خه‌می یه‌کڕیزی نێو حیزبه‌که‌یان بێت، چونکه دژایه‌تی بارزانی و پارتی به پاشکۆیه‌تی ده‌سه‌ڵاتێکی لێکترازاو و سه‌رکرده فاشیله‌کانی ناکرێت و جاری یه‌که‌میش نیه ئه‌و قه‌وانه‌تان ده‌مێکه لێداوه و دوباره‌ی مه‌که‌نه‌وه.
سه‌نگه‌ر مسته‌فا
