پێش هەمووشتێک بزووتنەوەی گۆڕان دەبوو لەم کاتەدا هێرش نەکاتە سەر "مەسعود بارزانی" سەرۆکی هەرێمی کوردستان، و پارتی دیموکراتی کوردستان، چونکە لەلایەک ئەوان تازە رێککەوتنیان لەگەڵ یەکێتی نیشتیمانی کوردستان کردووە کە بەپێی رێککەوتنەکە دەبوو پێش هەموو لایەنەکان دیکە ڕێزیان لە یەکڕزیی نیشتیمانی و سەروەی یاسا بگرتایە، بزووتنەوەی گۆڕان بە هێرشی راگەیاندنی یەکێتیشیان خستە بەردەم پرسیاری پارتی دیموکراتی کوردستانەوە، لە کاتێکدا پارتی رێککەوتنی ستراتیژی لەگەڵ یەکێتی هەیە بەپێی ئەو ریککەوتنە تائێستا راگەیاندنی هەردوو حزب نەکەوتونەتە هەڵەی دژبەری یەکترەوە، ئایا ئێستا بزووتنەوەی گۆڕان لەژێر سێبەری یەکێتی نیشتیمانی کوردستانەوە لەدژی پارتی دەوەستێتەوە یەکێتی ئەمە قبوڵ دەکات؟ ئەگەر قبوڵی بکات چی ڕوودەدات؟ خاڵی دواتر بزووتنەوەی گۆران بەو هەڵمەتە نیشانەی پرسیاری لەسەر خۆی دانا بەوەی ئەگەر بڕیاربێت گۆڕان رێز لەیاسا و سەروەی یاسابگرێت بۆچی دەبێت لە کەیسی دادگا و دادگایکردن بەو شێوە نیگەران بن تائاستی هەڕەشە و جنێودان.
خاڵی دواتر ئێستا لە جیاتی ئەوەی بزووتنەوەی گۆڕان بەشێک بێت لە چارەسەری قەیرانەکان کەچی بووەتە بەشێک لە گرفت، لە کاتێکدا گۆڕان لەم کاتەدا دەبێت ئەوە قبول بکات کە ئەو شەڕە راگەیاندنییەی لە دژی پارتی و بارزانی ئەنجامی داوە، پێشووتر لەگەڵ یەکێتی نیشتیمانی کوردستان و تاڵەبانی، تاقیکردەوە هیچ سودی نەبوو بگرە بە زیانیش بۆی گەرایەوە ئیتر بۆ چی دەیەوێت ئەم رێگایە تاقی بکاتەوە؟ لە کاتێکدا هیچ نەما لە راگەیاندنەکانەوە بەرانبەر بە یەکێتی نەیلێن دواجار لەبەر چاوی ئەو هەموو خەڵکەی کوردستان هاتنەوە رێککەوتنیان لەگەڵ یەکێتی ئەنجام دایەوە وەک ئەوەی هیچیان نەکردبێت.
لە سایکۆلۆژی سیاسی کوردستاندا ناکرێت تۆ هەرکاتێک ململانێیەک لەگەڵ حزبێکی سیاسی هەبێت بێت لە رێگای راگەیاندنەوە هەڵمەتی تیرۆر لەبەرانبەری بکەیت، چونکە دواجار ئەوەی تێیدا زەرەردەکات هاووڵاتیانی هەرێمی کوردستان و لەدەستدانی متمانەی دەنگی جەماوەرە ئاخر خۆ ناکرێت حزبێکی سیاسی بە ئاراستەی بیری تاکە کەسێک سیاسیەت بکات.
بزووتنەوەی گۆڕان هێرشی تەشیرو راگەیاندنی لەماوەی یەک شەو دەستپێکرد و دواتر لەبەیاننامەیەکدا سەرۆکی دامەزراوەی میدیای گۆڕان خراپتر لە هەڵمەتە لە راگەیەنراوێکدا باسی لەوە کرد کە هەڵمەتەکەیان راگرتووە، باشە هێزێکی سیاسی کە خاوەنی کورسی و دەنگە دەکرێت لە شەو رۆژێکدا سیاسەتی راگەیاندنی بگۆڕێت؟ کە ئەمەش تەواو دەرخەری ئەو راستیەیە کە لەناو بزووتنەوەی گۆڕان ستراتیژیەتی کارکردن نییە.