ماوەیەکە دەزگا راگەیاندنەکانی پەکەکە هەڵمەتێکی فراوانیان لەدژی پارتی دیموکراتی کوردستان و مەسعود بارزانی، سەرۆکی هەرێمی کوردستان دەست پێکردووە، هەڵبەتە لەدوای پێکهێنانی کانتۆنەکانی پەیەدە لەڕۆژئاوای کوردستان، هەڵمەتی راگەیاندنی پەکەکە لەدژی پارتی دیموکراتی کوردستان بەردەوامە، چونکە پەکەکە خۆی بەمیراتگری ڕۆژئاوای کوردستان دەزانێت و بەتەواوەتی دژایەتی پرۆژەی بارزانی و پارتی دیموکراتی کوردستان دەکات کە بۆ پارچەکانی دیکەی کوردستان هەیانە سەرجەم پێگە سیاسی و کۆمەڵایەتییەکانیشیان قۆرغ کردووە و بەفشاری چەک دەستان بە ترساندنی خەڵک کردووە، پلانی راگەیاندنی پەکەکە قۆناغ بەندی گرتووە، لە قۆناغی یەکەم هێرشەکە لەسەر پارتی بوو بۆ لێدانی لە پێگەی جەماوەری لە رۆژئاوای کوردستان و خودی سەرۆکی هەرێمی کوردستان، بەڵام ماوەکە ئاراستەی راگەیاندنی پەکەکە گۆڕاوە بۆ باشووری کوردستان بەتایبەتی لێدان لە پرسی ڕیفراندۆم و سەربەخۆی کوردستان، ئەگەر بەوردی سەیری ئاراستەی راگەیاندنی پەکەکە بکەین دەبینین کە لەجیاتی ئەوەی هێزی دیکە بەگژ پارتی دیموکراتی کوردستان و بارزانی بدەن، ئەندامانی کۆماجڤاکی کوردستان خۆیان هاتوونەتە سەرخەت و لێدوانی زۆر ترسناک لەدژی بارزانی و پرۆژەی ڕیفراندۆم دەدەن، بەتایبەتی لێدوانەکانی “جەمیل بایک” هاوسەرۆکی کۆماجڤاکی کوردستان (کەجەکە)و “رەزا ئاڵتون” و “مستەفا قایتەران” و “سەبری ئۆک” و “دۆران کاڵکان”. کە گومان لە جۆری لێدوانەکانیان دەکرێت، بە جۆرێک هەموو گەلی کوردستان هیوای لەسەر ڕیفراندۆم و مافی رەوای گەلی کوردستان هەڵچنیووە، کەچی ئەوان پێیان وایە کە ئەمە پرۆژەی تورکیایە، ئەگەر بریار وابێت کە ئەم لێدوانانە هەڵقوڵاوی بۆچونی پەکەکەبێت ئەوە زۆر مەترسیداە کە پەکەکە خۆی دەستی باڵای هەبووە لە تێکدانی پرۆسەی ئاشتی لە تورکیا، هێزی نوێنەرانی کورد لە پەرلەمانی تورکیاوە هێنایەوە بۆ چەند کەسێکی دەسترۆیشتووی ناو پەکەکە.

پەکەکە بووە تە هۆکار بۆ دەربەدەربوونی سەدان هەزار دانیشتوانی کورد لە باکووری کوردستان لە تورکیا ئێستاش دەیەوێت خۆی لەبەرپرسیاریەتی ئەو ڕووداوانە بدزرێتەوە و بێت لە باشووری کوردستان خۆی بکاتە پاڵەوان گوایە ئەمەی دەکرێت پرۆژەی تورکیایە.
پرسیارێک بۆ سەرکردایەتی پەکەکە دێتە ئاراوە، کێ بەپەکەکەی گوتووە بێت خۆی لەکاروباری باشووری کوردستان هەڵقوڵتێنێت، کێ ئەو مافەی پێداوە لەجیاتی خەڵکی باشووری کوردستان بڕیار بدات؟، لە کاتێکدا ئەگەر خەڵکی باشووری کوردستان هیچ کاردانەوەیەکیان بەرانبەر بە پەکەکە نەبێت پرسیاری هەیە گرنگیان ئەوەیە کە پەکەکە بەچ حەقێک دێت بەهاوکاری حکوومەتی عێراق هێزەکانی خۆی دەخاتە ڕیزی حەشد شەعبیییەوە و لەشنگال یاریەکی هەرێمایەتی پێدەکرێت؟؟ پەکەکە چۆن رێگای بەخۆی دەدات دزە بکاتە ناو گوندەکانی باشووری کوردستان و بازگەی سەربازی دادەنێت و باج و سەرانە لە خەڵک وەردەگرێت؟ پەکەکە لە پێناوی چی دژایەتی خۆی بۆ پرۆسەی سەر بەخۆی کوردستان و ڕیفراندم دەردەبڕێت؟.

یەکێک لەو شتانەی بە گومان و پیلانەوە سەیری دەکەم کە موئامەرەیەکی خراپ هەبێت لەدژی پرۆژەکەی بارزانی بەتایبەتی ئەو ناوچانەی کە پێیان دەگوترێت ناوچەی کێشە لەسەر. بەتایبەتی چەکدارکردنی لایەنگرانی پەکەکە لەلایەن حکوومەتی عێراقەوە و دروستکردنی فەوجی جۆراو جۆر بۆ ئەو کەسانە بەدوای پارەوەن، هاوکات لە نزیک بوونەوەی وادەی پرسی ڕیفراندۆم خەیرە پەکەکە سەرجەم زوومی راگەیاندنی لە سەرجەم سێکتەرەکان گۆڕیووە بۆ لێدان لە پارتی دیموکراتی کوردستان و پرسی ڕیفراندۆم و بارزانی، بۆیە دەبێت پەکەکە زۆر هۆشیار بێت کە نەکرێتە ئامرازێک بۆ لێدوان لە پرسە نەتەوەییەکان، چونکە دواجار ئەوەی زەرەدەکات تاکی کوردە کە تائێستاش تاکی کورد باجی بەکرێگیراوی هێندێک هێزی سیاسی دەدات کە بۆ شەڕی کورد بە کورد و تێکدانی پرۆژەی نیشتیمانی بەکاردەهێنرێن.