ئاراس فەتاح و مەریوان وریا قانع دووناو کەهەمیشە بەیەکەوە دەبینرێن و دەنوسرێن، نامەوێت زۆر ورد ببمەوە لەسەرناوەکانیان، بەڵکو دەمەوێ گەلێک بەکورتی بڵێم ئەو دووانە لەیەکچووە لەنێوەندی مەعریفی و زانیندا ئەوەی کە نیانە و لایان دەست ناکەوێت کۆڵەگەی فیکرە، مەریوان و ئاراس بەهەموو پێوەرێکی زانستی و مەعرفی نە ڕۆشنفکرن، نەئاستی خوێندواریان ئەوتۆیە کە لەنێوەندی ڕۆشنگەراییدا هێندە باڵابن بتوانن گۆڕانێک لە هزری تاکی کوردیدا دروست بکەن، لەتەواوی نوسینەکانیان دیقەت بدە ئەوسا تێدەگەیت مەریوان و ئاراس دووانەیەکن چەندە کورت بین و بی مەعریفەتن، لەخوێندنەوەی پرسە سیاسی و کۆمەڵایەتیەکان چەندە خۆ بەکەم زانن، لەگۆڕانکارییەکانی دونیادا چەندە کۆڵەوار و نەخوێندەوارو بێئاگان، بەسەرنجەوە بیانخوێنەوە ئەوسا دەزانیت ئەوەی لای ئەو دووانە بونی نیە پرسێکە کەبۆنی ئەقڵمەندی لێدێت.

ئەم دووانەیە کەبڕیاریان داوە ئەنگوستێک ئەولاتر لەپێش چاووی خۆیان نەبینن هێندە کویلانە و گوێلەمستانە بۆئاغاکانیان دەنوسن هەرکە دێڕی یەکەمی نوسینەکانت کەوتە بەرچاوو دەبینیت کتوومت خوێندنەوەی بیرۆکە و ستراتیژیەتی ئاغا سیاسیەکانی تاران و کوێخاکەی گردەکەیانە بۆپرسە سیاسیەکانی کوردستان، ئەوان بەهامان هەست و هاوسۆزی تۆکمەوە تەرجەمەیانکردووە.

ئەم دوو نموونە لەیەکچووە کەلەهەمووژیانیاندا تۆزقاڵێک سودیان بۆ نیشتمان و نەتەوەو وڵاتەکەیان نەبووەو دڵنیاشم کەنایانبێت، لەودۆخی ئەمڕۆ وڵات کەبەسەخترین شەڕی دژبە تیرۆرستانی دەوڵەتی ئیسلامی تێدەپەڕێت و هەموو دونیا لەوشەڕەدا سەرسامی خۆیان بەئازایەتی و نەبەردی و بوێری پێشمەرگە دەدەبڕن، پێشمەرگە کەئەمڕۆ بۆتە ڕەمزێکی گەورەی جیهانی، ئالەوکاتەدا ئاراس و مەریوان دێن سوکایەتی بە پێشمەرگە دەکەن، لەڕێگەی نوسینە چەواشەکار و بێسەروبەرەکانیان لەتوانا و لێهاتووی ڕەمزی گەوری جیهانی و پارێزەرەی کوردستان کەم دەکەنەوە.

ئەگەرچی باوەڕی تەواوم بەوەهەیە لەدەرنجامی بڵاوکردنەوەی ئەوئەقڵیەتە سەقەتەی ئەوان کەبەئاشکرا بۆهێنانەدی مەرام و ویستی ئاغاو سەردەستەکانیان پەخشی دەکەن، جگە لەوانەی لەپشتیانەوە ئاڕاستەیان دەکەن کەسێکی تربە فلسێکی قەڵپ ئەو قسەنایەن لێوەرناگرێت، بەڵام لەگەڵ ئەودا پێویستە لەسەر داواکاری گشتی و لایەنە پەیوەندیدارەکانی نیشتمان ئەو دوو مەخلوقە وەک تابووری پێنجەم و هەوڵدان بۆ لەهەیبەتدان و کەمکردنەوە لەپیرۆزی پێشمەرگەو گەورەیی پێشمەرگە بدەنە دادگا و لێیان خۆش نەبن.