من ناڵێم وایە یان نا، بەڵام ئێوە بەدوودا چوون بفەرموون بۆ ئەو قسەی دەدرێتە پاڵ ئەفلاتوون كە گوایە گوتوویەتی: "عەقڵی ساغ و سڵامەت ها لە نێو جەستەی ساغ و سڵامەتدا".
ئەوەی لە ئەزموونی خۆمدا بەدیم كردووە زۆر جار بینیومە كەسێكی جەستە ناشیرینی تێكشكاوی سیما دزێو لایەنی دەروونیشی زۆر خراپ بووە و هەمیشە ویستوویەتی كارێك بكات كە سەرنجی خەڵك بۆلای كردەوەكانی ڕابكێشێ تا سیمای دزێوی نەبینن و نەیان پەرژێتە سەر سەیری ڕواڵەتی.
دەكرێ سەیرێكی ڕۆمان، یان شانۆ فەڕەنسییەكەی"دموند رۆستان" بەناوی شاعیرەكە بكەن كە مستەفا لوتفی مەنفلوتی عەرەباندوویەتی بە نێوی لووت زلەكە چۆن پیاوێكی ناشیرینی شەڕەنگێز بووە.
تێبینی:
دەگوترێ ئەو پیاوە ناوی "سیرانو دی برجراك"بووە و لە دایك بووی ساڵی 1619 و لە 1655 كۆچی دوایی كردووە، كێشەی ئەو كابرایە كێش و قەوارەی لووتی بووە كە تا ئەوەندە كاریگەری كردۆتە سەر دەروون و سلووكی بۆتە پیاوێكی نەخۆشی خوێن ڕێژ"
سەیرێكی "ویكیدیبیا" بفەرموون.
سەفین كوردستانی
20مايس