ل توركییه و باكور خه‌لك ده‌رهه‌قێ پاریی و سه‌رۆك بارزانی ده چاوا دهزرن.
به‌ده‌ل بۆسه‌لی
دڤێت ل پێشییێ بێژم، كوردێن باكور ته‌نێ نوچه‌یێن توركی گوهدار دكن و دخوینن. كورد تێناگهن.
ل باكور كورد باوه‌ر دكن كو هه‌رێما كوردستانێ ده‌ستور ناده بریندارێن رۆژاڤا ده‌رباس ببن. ئامبارگۆ دانییه سه‌ر.
كورد باوه‌ر دكن ب بریارا سه‌رۆك بارزانی ئه.ن.ك.س چه‌كێن كیمیا‌یی ل رۆژاڤا ل دژ كوردان بكار تینه.
كورد باوه‌ر دكن كو پ.ك.ك شه‌نگال و مه‌خمور رزگار كر، سه‌رۆك بارزانی ناڤ كر یێ خوه.
- كوردێن باكور باوه‌ر دكن كو سه‌رۆك بارزانی ده‌ستورێ ناده كۆنگره‌یا نه‌ته‌وه‌یی پێك بێت.
- كوردێن باكور باوه‌ر دكن كو توركییه ب پشته‌ڤانییا سه‌رۆك بارزانی جزیر و گه‌ڤه‌ر و سلۆپییان وێران دكه.
- كوردێن باكور باوه‌ر دكن كو د هلبژارتنان ده سه‌رۆك بارزانی زۆر پاره دان ئاك پارتی یا داگركه‌ر دا كو ل هه‌مبه‌ر پارتییا كورد ه،د.پ سه‌ر بكه‌ڤه.
- كورد باوه‌ر دكن كو ئه‌ردۆخانی نه‌فتا داعشێ دفۆرت، ده‌ما روسیایێ ب به‌لگه‌یان دا زانین كو ئه‌ردۆگان ڤی كاری تایبه‌ت ل دژی كوردان دكه، سه‌رۆك بارزانی خوه ئاڤێت پێش و گۆت: (ئه‌و نه‌فتا مه‌یه، نه یا داعشێ یه.) ب ڤی شێوه‌یی خوه بۆ ئه‌ردۆخانی فه‌دا كر.
و گه‌له‌ك باوه‌رییێن سارنج راكێش.
به‌لێ كه‌نێ وه و یێ من ب ڤان باوه‌رییان تێ لێ به‌لێ كوردێن باكور وه‌ها دهزانن.
سه‌ده‌م چییه؟
سه‌ده‌م ئه‌وه كو د هه‌مو میدیایێن پارتییێ د به‌شێن توركی ده قه‌دخه‌یه‌ك نهێنی هه‌یه. ئه‌و قه‌ده‌خه ژی ئه‌وه كو نابه كه‌سه‌كی ل سه‌ر رێبازا بارزانی تێده كار بكه. به‌لكی كه‌سه‌ك یان ٢ كه‌سێن ئیستیسایی هه‌بن لێ ب گشتی ره‌وش ئه‌ڤه.
بۆ نمونه د روداو به‌شا توركی ده نوچه‌یه‌ك هه‌بو. دگۆت: (دێ پێشمه‌رگه شه‌نگالێ ته‌رك بكه. د بن نوچه‌یێ ده شیرۆڤه‌یێن وها هاتن نڤیساندن: ماده‌م دێ پێشمه‌رگه ته‌رك بكه بلا چه‌كێن خوه بده پ.ك.ك ئه‌و دێ لێ خوه‌دی ده‌ربكه‌ڤن. دیسا د روداوێ به‌شا توركی ده دگۆت، فه‌رماندارێ پێشمه‌رگه‌یی سمێل بۆسه‌لی گۆتییه: (ئه‌م نه‌هاتنه شه‌نگالێ داگر بكن، له‌وما ئه‌مێ ته‌رك بكن.) به‌لێ ب تركی وه‌ها هاتبو نڤیساند: داگركرن!!!. و میدیایا توركی ژی ب هه‌مان ره‌نگی به‌لاڤ كر و روداو وه‌كی چاڤكانی دییاركرن. خه‌لكێ دگۆتن: (فه‌رماندارێن پێشمه‌رگه‌یان بێ ئاقل و نه‌زان. هێژ نزان شه‌نگال خاكا كوردستانێیه و دبێژن داگركرن...) هه‌ر وه‌كی دی من جاره‌كێ دیت كو ده‌ما وه‌رگێرا ئخافتنا سه‌رۆك بارزانی ب توركی هاتییه پێشكێشكرن، وه‌ڵلاهی كاركه‌رێ روداوێ نه گۆرنێن سه‌رۆك بارزانی وه‌گێر كربون، هه‌ما هزرا خوه دارژاندبو و وه‌كی وه‌رگێرا ئخافتنا سه‌رۆك بارزانی دابو زانین. دیسا هه‌مو میدیایا توركییه هه‌ما وه‌سا بالڤكر.
ژخوه باسنیوس به‌شا توركی د ده‌ستێ پ.ك.ك ده یه. بریارێن گرنگ یێن باسنیوسێ رێڤه‌به‌رێن پ.ك.ك ددن. پاراستنا پارتییێ بۆ وان نه خه‌مه.
مه‌سه‌لا د هه‌مان روپه‌لێ باسنیوسێ ده دگۆت: (سه‌رۆكێ كوردێن باشور مه‌لا مسته‌فا بارزانی وها گۆت، سه‌رۆكێ گه‌لێ كورد ئابدوللاه ئۆجالان وها گۆت.) وێنه‌یێ ئۆجالان مه‌زن و ل سه‌ری یێ مه‌لا مسته‌فا بارزانی و سه‌رۆك مه‌سعود بارزانی بچوك و ل ژێر…
وه‌كی ئه‌نجام مخابن ل باكور كوردێن نفشێ (ز) ئانگۆ نوده‌م ب پرانی ده‌رهه‌قێ سه‌رۆك بارزانی و پارتییێ ده ب گومانن. ئێدی ل ڤێ دهرێ تو چه‌ند دژمنێ سه‌رۆك بارزانی بی، تو كورده‌كی ئه‌وقاس پیرۆز و وه‌لاتپارێزی. ئه‌ڤ تشت ب سه‌ركه‌فتنا پ.ك.ك و پشته‌ڤانییا میدیایا پارتییێ به‌شا توركی پێك تێ. ووسا دییاره دێ پشتی چه‌ند سالێن دی، دێ گومانێن كوردێن باكور به‌ر ب ئاستا دژمناتییێ ڤه بچه.
من وه‌كی كه‌سه‌ك گه‌له‌ك هه‌ول دا رێباز و دۆزا بارزانی، نێزیكبونا پارتییێ ب دورستاهیی بدم زانین. و ژ قه‌ندیلێ بۆ من گه‌فێن كوشتنێ ژی هاتن. پ.ك.ك. د په‌یاما خوه ده گۆتبو من (تو رییا خه‌له‌ت نیشا كوردێن باكور ددی. گه‌ر به‌رده‌وام بكی ئه‌مێ ته بكوژن، نه ته‌نێ تو ئه‌م دێ مالباتا ته ژی ژ ناڤ ببن)
لێ به‌لێ ب كار و خه‌باتا كه‌سه‌ك یان ٢ ژه‌سان ئه‌ڤ كار سه‌رناكه‌ڤه.
به‌ده‌ل بۆسه‌لی
