ئه‌زموونى دیموكراسی هه‌رێمى كوردستان پێویستى به‌ گوتارێكى رِیفوَرمیست هه‌یه‌ نه‌وه‌كوو به‌ بانگه‌شه‌ى شه‌رِو هه‌ڵوه‌شاندنه‌وه‌ى مووئه‌سه‌سات

ئه‌زموونى دیموكراسی هه‌رێمى كوردستان پێویستى به‌ گوتارێكى رِیفوَرمیست هه‌یه‌ نه‌وه‌كوو به‌ بانگه‌شه‌ى شه‌رِو هه‌ڵوه‌شاندنه‌وه‌ى مووئه‌سه‌سات
هه‌موو گه‌لى كوردستان باش ئه‌و هه‌قیقه‌ته‌ ده‌زانن كه‌ به‌یانامه‌ى ئه‌م دوواییه‌ى بزووتنه‌وه‌ى گوَرِان و سه‌رجه‌م ئه‌و لێدووانانه‌ى به‌رِێز نه‌وشیروان مسته‌فا , پرِوَژه‌ى چاكسازى و سیاسه‌تكردن نیین , به‌ڵكوو بانگێشتێكه‌ بوَ ئاژاوه‌گێرِى و تێكدانى باروودوَخى كوَمه‌ڵایه‌تى/ئابوورى/سیاسی وڵاته‌ .

ئێمرِوَ بوَ هه‌موولایه‌ك ئاشكرا بوو كه‌ له‌هه‌ر شوێنێكى كوردستان و له‌ ده‌ره‌وه‌ , هه‌ڵسورِێنه‌ران و سه‌ركرده‌كانى بزووتنه‌وه‌ى گوَرِان , پێش هه‌موو شتێك ده‌بێت ئه‌وه‌ بزانن كه‌ له‌ هه‌رێمى كوردستان , حكومه‌تێكى دیموكراتى هه‌یه‌ , وه‌ په‌رله‌مانێكى هه‌ڵبژێردراوى كارا هه‌یه‌ , سه‌روَكایه‌تیه‌كى به‌رپرسی نیشتیمانپه‌روه‌ر هه‌یه‌ , كه‌ خوَى به‌ به‌رپرسیار ده‌زانێت به‌رامبه‌ر سه‌رتاسه‌رى وڵات و گه‌لى كوردستان له‌ ناوه‌ و له‌به‌شه‌كانى ترى كوردستان , تاوه‌كوو ده‌گاته‌ كوردستانیانى تاراوگه‌ .

دیاره‌ ئه‌گه‌ر دیقه‌ت بده‌ینه‌ كارى رِاگه‌یاندنى بزووتنه‌وه‌ى گوَرِان – له‌ رِێگاى رِادیوَ و كه‌ناڵه‌كانى لوَكاڵ و سه‌ته‌لایته‌كانى , به‌شێوه‌یه‌كى به‌رنامه‌رِێژكراو , هه‌میشه‌ له‌سه‌نگه‌رى رِه‌خنه‌كارى دووژمنكارانه‌ن دژى حكومه‌تى هه‌رێم و سه‌روَكایه‌تى هه‌رێمى كوردستان و په‌رله‌مان و سه‌رجه‌م كه‌سایه‌تى و به‌رپرسانى ئه‌م وڵاته‌ !


به‌ تێرِوانین و بوَچوون و لێكدانه‌وه‌ى ئه‌وان هه‌موو مووئه‌سه‌سه‌یه‌كى هه‌رێمى كوردستان و كه‌سایه‌تییه‌كانى كارتوَنیین , ته‌نها گوَرِان و جه‌نابى نه‌وشیروانى لێبه‌ده‌ربێن و هه‌موو شتێكى ئه‌م وڵاته‌ى ئێمه‌ ئیكسپایه‌ر بووه‌ و به‌عه‌مه‌ل ناێن و له‌به‌رئه‌وه‌شه‌ بزووتنه‌وه‌ى گوَرِان بانگه‌شه‌ى شوَرِشێكى گه‌وره‌ده‌كه‌ن بوَ ئه‌وه‌ى كوردستان ببێته‌ شامى شه‌ریف!! .

له‌ دوونیاى سیاسه‌ت هه‌میشه‌ كه‌سان و بزووتنه‌وه‌ى وه‌كوو ئه‌م به‌رِێزانه‌ درووست ده‌بن , به‌ڵام خه‌سڵه‌تى به‌رده‌وامبوونییان نه‌بووه‌ , بوَ ماوه‌یه‌ك خه‌ڵكى (هه‌ڵده‌په‌رِێنن ) , به‌ڵام هه‌رگیز ناتوانن به‌رده‌وام دروَ ڵه‌گه‌ڵ هه‌موو خه‌ڵكى بكه‌ن بوَ هه‌تا هه‌تا .


ئێمرِوَكه‌ له‌ هه‌رێمى كوردستان , شووكر بوَ خوودا ئاشتى ته‌بایى هه‌یه‌ له‌نێوان پارتى و یه‌كیه‌تى و سه‌رجه‌م هێز و لایانه‌ سیاسیه‌كانى ترى هه‌رێمى كوردستان , سه‌روَك وه‌زیرانێكى گه‌نج هه‌یه‌ , سه‌روَكایه‌تیه‌كى نیشتیمانپه‌روه‌رى حه‌كیم هه‌یه‌ كه‌ پرسه‌ نه‌ته‌وه‌ییه‌كان ده‌خاته‌ سه‌رووى هه‌موو مه‌سه‌له‌كانه‌وه‌ .

سه‌روَكایه‌تى هه‌رێمى كوردستان ,په‌یتاپه‌یتا , به‌ڵام به‌ حیكمه‌ت و به‌رنامه‌رِێژییه‌كى ووریا خه‌ریكى پرِوَسه‌ى به‌ مووئه‌سه‌ساتكردنى وڵات و دامووده‌زگاكانى هه‌رێمى كوردستانه‌ , خه‌ریكى بنیاتنانه‌وه‌وى ژێرخانى ئابووریین , خه‌ریكى بنبرِكردنى گه‌نده‌ڵى و پرِوَسه‌ى چاكسازیین.

هه‌رێمى كوردستان پێویستى به‌ گووتارێك و پرِوَژه‌یه‌كى چاكسازى هه‌قیقییه‌ , له‌و پرِوَژه‌یه‌دا , ده‌بێت ئالییه‌تى قانوونى- ئیدارى- كوَمه‌ڵایه‌تى لێوه‌شاوه‌ و درووست و بنیاتنه‌ر مه‌ترِه‌ح بكرێن , نه‌وه‌كوو هه‌ڵوه‌شاونه‌وه‌ ى مووئه‌ساسات و (شوَرِش) و به‌رزكردنه‌وه‌ى شیعارِاتى تێكده‌ران, له‌ كولتوورىسیاسی وڵاتى ئێمه‌ , شوَرِش واته‌ فه‌وزا و شه‌رِى ناوخوَ , ده‌بوایه‌ نه‌وشیروان مسته‌فا زوَر هه‌ستیارانه‌ مامه‌ڵه‌ له‌گه‌ڵ زاراوه‌كانى بكات , زیاتریش له‌به‌رئه‌وه‌ى هه‌میشه‌ ئه‌و خوَى به‌ نووسه‌ر و موفه‌كیر و رِوَشنبیر پێناسه‌كردووه‌ .. چوونكه‌ نابێت موفه‌كیر و نووسه‌ر ببنه‌ به‌شێك له‌ ئاژاوه‌ و گیرووگرفت , به‌ڵكوو به‌پێچه‌وانه‌وه‌ ده‌بێت رِوَشنبیر ببێته‌ به‌شێك له‌ چاره‌سه‌ر و ببێته‌ ئه‌لته‌رناتیفێكى باش .

هه‌رێمى كوردستان پێویستى به‌ ئوَپوَزیسیوَنێكى نیشتیمانپه‌روه‌رى كارا هه‌یه‌ , له‌ شوێن و له‌كاتى گوونجاودا له‌ په‌رله‌مان لێپرسینه‌وه‌ له‌گه‌ڵ حكومه‌ت و وه‌زیره‌كان بكات , رِوَڵى رِاسته‌قینه‌ى خوَى ببینێت .بزووتنه‌وه‌ى گوَرِان به‌و شێواز و ئامراز و هه‌ڵچوونانه‌یان ناتوانن ببنه‌ ئوَپوَزیسیوَن له‌ هه‌رێمى كوردستاندا , له‌به‌رئه‌وه‌شه‌ ده‌بێت به‌گشتى به‌هه‌موو شتێكى خوَیاندا بچنه‌وه‌ ئه‌گه‌ر ده‌یانه‌وێت رِوَڵیان هه‌بێت له‌ هه‌رێمى كوردستاندا و مێژوویێك بوَ خوَیان درووست بكه‌ن .

به‌هه‌قیقه‌ت ئه‌وه‌ى مایه‌ى سه‌رسوورِمان و دڵته‌نگیمه‌ , كه‌ بزووتنه‌وه‌ى گوَرِان سه‌ركه‌وتووانه‌ خوَیان خزاندوَته‌ نێو چه‌ندیین ناوه‌ند و لایانى كوردستانى و نووسه‌ر و رِوَشنبیرانى كورد له‌ ئه‌ورِوپا و له‌ تاراوگه‌ به‌ گشتى , كار له‌سه‌ر چه‌ند پرسێك ده‌كه‌ن به‌ناوى كاروبارى رِه‌وه‌ندى كوردى , مخابن چه‌ندیین كه‌سایه‌تى به‌توانا و ناسراویان چوونه‌ته‌ رِێزى گوَرِانه‌وه‌ , ده‌مه‌وێت ئه‌و په‌یامه‌یان پێرِابگه‌ینم كه‌ گوَرِان و سه‌ركرده‌كانیان یارى به‌هه‌ستى ناسكیان ده‌كه‌ن و دروَیان ڵه‌گه‌ڵدا ده‌كه‌ن , گووتارى سیاسی گوَرِان خزمه‌ت به‌ ئه‌زموونى كوردستان و ئازادى مروَڤ ناكات , رِوَڵى تێكده‌رانه‌یان هه‌یه‌ و فه‌وزایان درووست كردووه‌ له‌ هه‌رێمى كوردستاندا , ده‌مه‌وێت ئه‌وه‌ بلێم كه‌ گوَرِان وه‌كوو حیزب شایسته‌ى ئه‌وه‌ نیه‌ كه‌ كه‌سایه‌تى و رِوَشنبیرانى كورد بچنه‌ بنباڵیان و جه‌ماوه‌ریان بوَ زیادبكه‌ن .

بزووتنه‌وه‌ى گوَرِان به‌به‌رنامه‌رِِێژى كار له‌سه‌ر هه‌ست و نه‌ستى خه‌ڵكى خوَمان ده‌كات له‌ تاراوگه‌ , و خوَڵیان ده‌كاته‌ چاویان , هه‌قیقه‌تیان پێنالێت , به‌ڵام هیوادارم به‌تایبه‌تى رِِوَشنبیران و نووسه‌ران و ئه‌كادیمیسیانى كورد له‌ ده‌وره‌وه‌ له‌وه‌ ووریاتربن و برِوا به‌و ته‌رِحه‌ نادرووست و سیاسه‌ته‌ پرِ حیقد و بووغز و چه‌واشه‌كارییانه‌ نه‌كه‌ن , با بێنه‌وه‌ وڵاتى خوَیان و به‌چاوى خوَشیان ببینن مه‌سه‌له‌كان چوَنن .

دووایین په‌یامیشم بوَ به‌رِێز نه‌وشیروان مسته‌فا ئه‌وه‌یه‌ كه‌:

نه‌ خوودا و نه‌ میلله‌تیش ڵه‌گه‌ڵ ئه‌ودا نیین ! , چوونكه‌ ئه‌وه‌ى جه‌نابتان ته‌رِحى ده‌كه‌ن و كارى له‌سه‌رده‌كه‌ن , كارى خێر و به‌ره‌كه‌ت و ئاشتى كوَمه‌ڵایه‌تى /سیاسی و فه‌رهه‌نگى و خوَشه‌ویستى نیین , به‌ڵكوو كارى تێكده‌رانه‌ى ئاژاوه‌گێرِى و ناشیرینكردنى هه‌موو شتێكى جوانى ئه‌م وڵاته‌یه‌ و درووستكردنى كه‌شوهه‌واى شه‌رِِ و قسه‌كردنه‌ له‌سه‌ر هوونه‌رى شه‌رِ و بێقیمه‌تكردنى خه‌باتى نه‌ته‌وه‌ییى هه‌رێمى كوردستانه‌ ... له‌به‌رئه‌وه‌شه‌ موومكین نیه‌ خوداى گه‌وره‌ و میلله‌تى كوردستان ڵه‌گه‌ڵتان بێت .
Top