مسته‌فا كازمی به‌ره‌و توركیا به‌ڕێ كه‌وت
ئه‌مڕۆ سه‌رۆك وه‌زیرانی عێراق، به سه‌رۆكایه‌تیی شاندێكی گه‌وره‌ی حكوومی، به‌ره‌و ئه‌نكه‌ره‌ی پایته‌ختی توركیا به‌ڕێ كه‌وت.
ئه‌مڕۆ پێنجشه‌ممه 17/12/2020، نووسینگه‌ی مسته‌فا كازمی، سه‌رۆك وه‌زیرانی عێراق، رای گه‌یاند كه كازمی به سه‌رۆكایه‌تیی شاندێكی گه‌وره‌ی حكوومی، به‌غدای به‌ره‌و توركیا جێ هێشت.
له راگه‌یاندراوه‌كه‌دا، ئاماژه به‌وه كراوه، مسته‌فا كازمی به سه‌ردانێكی فه‌رمی ده‌چێته توركیا و له‌گه‌ڵ ڕه‌جه‌ب ته‌ییب ئه‌ردۆغان، سه‌رۆك كۆماری توركیا و به‌رپرسانی دیكه‌ی توركیا كۆ ده‌بێته‌وه.
ناوه‌ڕۆكی دیدار و گفتوگۆكانیش، زیاتركردنی هه‌ماهه‌نگیی نێوان عێراق و توركیایه، له‌گه‌ڵ وتووێژكردن له‌سه‌ر هه‌ندێ دۆسیه و بابه‌تی گرنگی هاوبه‌ش.
باسنیوز
