پەرلەمانتارێکی دیکەی عێراق، کە نوێنەری پارێزگای بەسرەیە، تووشبوو پەتای کۆرۆنا بوو.

ئەمڕۆ دووشەممە 7-12-2020، میدیا عێراقییەکان تووشبوونی شێخ موزاحیم تەمیمی، ئەندامی هاوپەیمانیی نەسر لە پەرلەمانی عێراقیان بە پەتای کۆرۆنا، بڵاو کردەوە.

شێخ موزاحیم تەمیمی، کە هاوکات شێخی گەورەی عەشیرەتی بەنی تەمیمە، دوای تووشبوونی بەو پەتایە، لە ماڵەوە خۆی کەرەنتین کردووە و چارەسەری پزیشکی وەردەگرێت.

هەروەک ئەو میدیایانە باسی دەکەن، هاوسەری شێخ موزاحیم تەمیمی بە هەمان شێوە تووشی پەتاکە بووە، بەڵام رەوشی تەندروستیی ئەو جێگیر و باشترە.












باسنيوز