لە شاری بەسرە لە باشووری عێراق، 24 قوتابی لە قوتابخانەیەکدا تووشی پەتای کۆرۆنا بوون.

ئەمڕۆ یەکشەممە 6-12-2020، سەفا غانم، ئەندامی لێژنەی پەروەردە لە پەرلەمانی عێراق و نوێنەری پارێزگای بەسرە، لە بەیاننامەیەکدا رایگەیاندووە، ئەنجامی پشکنینی قوتابییانی قوتابخانەی جمهوریە لە بەسرە دەرچووە.

سەفا غانم هەروەها رایگەیاندووە، لە ئەنجامی پشکنینەکاندا، دەرکەوتووە 24 قوتابی تووشی پەتای کۆرۆنا بوون.

ئەو پەرلەمانتارە داوای لە ئیدارەی پارێزگای بەسرە کردووە دەستبەجێ ئەو قوتابخانەیە دابخات و پشنینی وردتر بۆ قوتابییەکان بکات.












باسنيوز