ئەمڕۆ پێنجشەممە ژمارەیەكی بەرچاوی هاووڵاتییانی بەغدا لەژێر كاریگەریی ڕەوتە شیعییەكانی سەر بە ئێران، ڕژانە سەر شەقام لە دژی دوكانەكانی مەیفرۆشتن و مەیخانەكان لەم شارە و داوایان كرد حكوومەت بە زووترین كات بڕیاری داخستنیان بدات.

میدیاكانی عێراق بڵاویان كردەوە ئەمڕۆ ژمارەیەكی زۆری هاووڵاتییانی پایتەختی فیدراڵیی عێراق ڕژانە سەر شەقامەكانی ناوەڕاستی بەغدا لە دژی دوكانەكانی مەیفرۆشتن و یانەكانی شەوانە لە شارەكە.

خۆپیشاندەران لە گۆڕەپانی "واسیق" كۆبوونەوە و داوای داخستنی دوكانی مەیفرۆشتنیان لە شارەكە كرد، ئەمەش لە كاتێكدایە پێشتر هێزە شیعیە عێراقیەكانی نزیك لە ئێران چەندین هەوڵی تریان داوە بۆ قەدەغەكردنی مەیفرۆشتن و مەیخواردنەوە لە وڵاتەكە.












باسنيوز