وه‌زیری ده‌ره‌وه‌ی عێراق نامەیەکی ناڕەزایی لەبارەی ‌ده‌ركردنی عێراق له‌ لیستی مه‌ترسیدارترین وڵات بۆ سپیكردنه‌وه‌ی داهات و هاوكاریكردنی تیرۆر، ئاڕاسته‌ی هاوتا ئه‌وروپیه‌كانی كرد.

به‌گوێره‌ی به‌یاننامه‌یه‌كی وه‌زاره‌تی ده‌ره‌وه‌ی عێراق، ئەمڕۆ چوارشەممە فوئاد حسێن نامه‌یەکی ئاڕاسته‌ی هاوتا ئەوروپیه‌كانی كردوه‌ و بڕیاری كۆمسیۆنی یه‌كێتی ئه‌وروپای ره‌تكردوه‌ته‌وه‌، له‌باره‌ی دیاریكردنی عێراق له ‌لیستی مه‌ترسیداره‌كان بۆ كاروباری سپیكردنه‌وه‌ی داهات و هاوكاریكردنی تیرۆر.

چه‌ندین رێكاری گرنگ گیراونه‌ته‌به‌ر به‌ئاڕاسته‌ی روبه‌ڕوبونه‌وه‌ی به‌هه‌ده‌ردان و سپیكردنه‌وه‌ی داهات و هاوكاریكردنی تیرۆر

هه‌ر به‌گوێره‌ی راگه‌یه‌ندراوەکە‌، فوئاد حسێن له‌نامه‌كه‌یدا بۆ هاوتا ئه‌وروپیه‌كانی جه‌ختیكردوه‌ته‌وه‌، چه‌ندین یاسای گرنگ له‌ عێراق ده‌ركراون و رێكاری گرنگ گیراونه‌ته‌به‌ر به‌ئاڕاسته‌ی روبه‌ڕوبونه‌وه‌ی به‌هه‌ده‌ردان و سپیكردنه‌وه‌ی داهات و هاوكاریكردنی تیرۆر.

وه‌زیری ده‌ره‌وه‌ی عێراق داواشیكردوه‌، عێراق له‌لیستی مه‌ترسیداره‌كانی وڵاتانی جیهان ده‌ربهێندرێت.






خەندان