وادەی نمایشكردنی فرێندز نزیكبووەتەوەو چەند ئەستێرەیەك دەبنە میوانی ئەم ئەڵقەیە
دوای چاوەڕوانییەكی زۆر, (Hbo Max) وادەی نمایشكردنی ئەڵقە نوێیەكەی فرێندزی ڕاگەیاند كە بڕیارە لە 27/5/2021 نمایش بكرێت .
(Hbo Max) لە تۆڕی كۆمەڵایەتی یوتیوب تیزەری ئەم ئەڵقە نوێیەی بڵاوكردەوە كە ماوەكەی 40 چركەیە و تەنها فۆكسی خستووەتە سەر ئەكتەرە سەرەكییەكانی فرێندز, كە ئەم كورتە ڤیدیۆیەش لە ماوەی كەمتر لە 24 كاتژمێر زیاد لە 2.5 ملیۆن بینەری هەبوو .
بەپێی ئەو هەواڵانەی لە ڕۆژنامە جیهانییەكانەوە بڵاوبوووەتەوە, هەر وەكو پێشوو ئەم ئەڵقە نوێیەی زنجیرەی فرێندس میوانداری چەند كەسایەتییەكی و ئەستێرەی جیهانی دەكات .
بڕیارە لە ئەڵقەی نوێی "فرێندز" ژمارەیەك كەسایەتی میوانداری بكرێت و بەشداری تێیدا بكەن لەوانەش ئەكتەرو ئەستێرەی پۆپی ئەمریكی (لەیدی گاگا) و خانمە مۆدێڵ و ئەكتەری بەریتانی (كارا دێلیڤین) و گۆڵكارو ئەستێرەی بەریتانی (دەیڤید بێكهام) و چالاكوانی پاكستانی و براوەی خەڵاتی نۆبل(مالالا یوسفزای) و گروپی (BTS)ی كۆریای باشوور .
هەروەها (ئێلیوت گوڵد- جێمس كۆردن- تۆم سێڵك- ریس ویزەرسپون- مینی كاڵینگ- سیندی كراوفۆرد- جاستن بەیبەر) و چەند ئەكتەرو كەسایەتی دیاری جیهانی لە ئەڵقە نوێیەكەی زنجیرەی فرێندز دەردەكەون .
