بە بۆنەى یادی ١٢٠ ساڵەی سینەما لە جیهاندا بەڕێوەبەرایەتى هونەری سینەماى هەولێر بە هاوبەشی لەگەڵ بەشی سینەماى کۆلیژی هونەرەجوانەکانى زانکۆی سەڵاحەددین لە رۆژی ٢٤ ی ئەمانگەو بۆ ماوەى هەفتەیەک لەسەریەک یادی ئەو رۆژە بەچەندین چالاکی جۆراو جۆر دەکاتەوە.
- رۆژی پێنجشەممە کاتژمێر ٤ ی ئێوارە فیلمی (سیماى خۆڵەمێش) نمایش دەکرێت.
- رۆژانە و بەشێوەیەکی بەردەوام فیلم نمایش دەکرێت کە سەرجەم ئەو فیلمانە بەرهەمى بەرێوەبەرایەتی هونەری سینەماى هەولێرن.
- ئامادەکردنى فەرشی سوور و رێرۆیشتنی هونەرمەندانى سینەماکار بەسەریدا وەک رێزلێنانێک لێیان.
- نمایشکردنى فیلمێکی دیکۆمێنتاری تایبەت بە بەرهەم و چالاکیەکانى بەڕێوەبەرایەتی هونەری سینەماى هەولێر.
- پێشکەش کردنى چەند ووتارێک بەو بۆنەیەوە.
- خەڵاتکردنى چەندهونەرمەندێک لەو بۆنەیەدا.
جێی باسە تەواوى ئەو چالاکیانە لە هۆڵی (سێفن ئارت) ى مێگامۆڵ لە هەولێری پایتەخت پێشکەش دەکرێن لە رۆژانى ٢٤ تا ٢٩ ی کانوونى یەکەمى ساڵی ٢٠١٥ کاتژمێر ٤ ی ئێوارە.
تێبینی: هاتن بۆ هەموولایەکە