گۆرانیبێژی راپی ئەمریكی جای زی وەك سوپرایزێك بۆ بیونسی نویلزی هاوسەری لە ئاهەنگی 32 ساڵەی لە دایكبوونی خەڵاتێكی گرانبەهای پێشكەش كرد كە كەس پێشبینی نەدەكرد و وەك شۆكێك بوو بۆ خزم و كەس و هاوڕێیانی هەردووكیان.
دیارییەكەی جای بۆ بیونیسی بریتی بوو لە یەختێكی دەگمەن كە نرخەكەی نزیكەی 70 ملیۆن دۆلارە و بە یەكێك لە باشترین و نایابترین یەختەكان دادەنرێت لەسەر ئاستی جیهان و پێشتر چەندین جار نازناوی خێراترین یەختی جیهانی بەدەستهێناوە هەروەها توانای هەیە بەرگەی پلەی نزمی گەرما بگرێت و كەمترین وزەشی تێدا بەكاردەهێنرێت سەرەڕای ئەوەی زۆر خێرایە و درێژییەكەی 213 پێ دەبێت.یەكێكی دیكە لە تایبەتمەندییەكانی ئەو یەختە ئەوەیە كە دەتوانێت بەخێرایی 30 گرێ بڕوات بە بەكارهێنانی 30% ی سووتەمەنی كەمتر لە فرۆكەیەك كە هەمان قەبارەی هەبێت.
ئەم یەختە بۆ بیونسی گرنگییەكی زۆری هەیە، چونكە ئەو پێشبینی دەكرد چەند پارچە زێر یان ئەڵماسی بە دیاری بۆ بهێنێت نەك یەختێك بەم شێوە و قەبارەیە كە دەچێتە ناو لیستی كەلوپەلە گرانبەهاكانی كە حەز دەكات بەدەستیان بهێنێت.