ماڵپەڕ «IMDb» ی كە تەنیا هەواڵی هونەرمەندان بەتایبەتی سینەماكاران بڵاودەكاتەوە و یەكێك لەو كارانەی كە گرنگییەكی زۆری پێدەدات، بریتییە لە بڵاوكردنەوەی لیستێكی ساڵانەی جوانترین خانمە ئەكتەرەكانی ساڵ، كە بۆ ساڵی 2015 بەپێی ئەم ماڵپەڕە خانمە ئەكتەری بەریتانی كییرا نایتلی بوو.
دەرچوونی كییرا نایتلی وەك جوانترین ئافرەتی ساڵ زۆر سەیر نەبوو، بە قەد ئەوەی ئەمساڵ لیستەكە ناوی ئەنجلینا جولیی تێدا نەبوو، كە ئەمە بووە مایەی سەرسوڕمانی چاودێرانی هونەری، چونكە ناوی لە نێو لیستی (100) لە جوانترین ئافرەتانی ساڵیش نەبوو، لە ساڵانی پێشووتریش هەمیشە لە سێ یەكەمەكە بووە.
لە دوای كییرا نایتلی هەر یەكە لە نەتالی پۆرتمان، سكارلێت جۆهانسۆن، ئەدیل ئەكسار، تشو بۆلۆس لە پلەكانی دوو هەتا پێنج هاتن، پلەكانی دواتریش بەم شێوەیە بوون: دیانا كرۆگر، لاسی شابرت، جنێڤەر لۆرانس، جیسیكا ئەلبا، و ئۆلیڤیا ویلد و كیت پلانشێت.