فاتیمە غەدان:هیوادارم لە رێگای هونەرەوە بتوانم ناوی كوردستان بەرز بكەمەوە
لە وەڵامی پرسیارێكی گوڵان سەبارەت بە ەۆكاری بەشداریكردنی لەم پێشبڕكێیەدا فاتیمە دەڵێ: من خولیای ەونەر و نمایشكاریی جلوبەرگم ئەمانەش پێوەندییەكی راستەوخۆیان بە شاجوانییەوە هەیە، بێگومان ئەوەی بەشداری دەكات لە پێشبڕكێكانی شاجوانی پێویستە سەرجەم رێنماییەكانی ئەو كێبڕكێیە جێبەجی بكات لە هەموو روویەكەوە بەتایبەتی جۆری جلوبەرگە تایبەتەكانی ئەم پێشبڕكێیە لەوانەش جلوبەرگی مەلەوانی رەنگە هەندەك كەس لە بوارەوە رەخنەم لێبگرن، بەڵام من گوێ بە رەخنەكانیان نادەم، چونكە پێش ئەوەی بەشداری بكەم دەمزانی یەكێك لە مەرجەكانی بەشدار بوون بریتییە لە پۆشینی ئەم جۆرە جلوبەرگانە، دوای رازی بوونی بەشدار بووان بە مەرجەكانی بەشداری كردنەوە ئینجا دەچێتە نێو كێبڕكێوە بۆ بەدەست ەێنانی یەكێك لە نازناوەكان، من وەكو كچە كوردێك حەزم كرد بەشداری بكەم لەو پێشبڕكێیەدا بۆ ئەوەی لەو بوارەوە ناوی كورد بە جیەان بناسێنم و ئاشنایان بكەم بە فەرهەنگ و كەلتوور و جلوبەرگ و زمانی كوردی و ەیوادار بتوانم سوود لەو دەرفەتە وەربگرم و جگە لە ناوی كورد خۆیشم زیاتر بناسێنم.
سەبارەت بە ەاوكاری و پشتگیری كردن لە لایەن كەسوكارییەوە بۆ بەشداری كردن، فاتیمە نەیشاردەوە كە سەرەڕای ئەوەی لە ئەوروپا دەژین، بەڵام رووبەڕووی ئاستەنگی زۆر بۆتەوە سەرەتا لە خێزانەكەیەوە و لەم بوارەیەوە دەڵێ: سەرەتا دایك و باوكم بە ەیچ شێوەیەك رازی نەبوون بەشداری لەم پێشبڕكێیەدا بكەم و رەتیان كردەوە، دواتر دایكم تا راددەیەك رازی بوو و پشتیوانییەكی باشی كردم دوای ئەوەی پێم راگەیاند كە ئەمە حەز و خولیای منەوە و دەمەوێ لەم رێگایەوە ناوی وڵاتەكەم بەرز بكەمەوە، تاكە پشتیوانم دایكمە و خانەوادەكەم تا ئێستاش بەم كارە رازی نین، بەڵام من بەردەوام دەبم و هەموو هەوڵێك دەدەم بۆ ئەوەی خەون و ئارەزووەكانم بێنمە دی و ەیوادارم كە خەڵك بە هەڵە لێم تێنەگەن و پێویستە لە جیاتی ئەوەی رەخنەم لێ بگرن پشتیوانیم بكەن، چونكە پێموایە ئەو بەشداری كردنەم بچووكترین كار و خزمەتە كە من پێشكەشی میللەتەكەمی بكەم، بەڵام وەك پێشتریش باسم كرد من زۆر گوێ بە رەخنەكانیان نادەم، چونكە ئەگەر هەر خەریكی وەڵامدانەوەی رەخنەكان بین ژیان هەموو دەڕوات بێ ئەوەی بتوانین بچووكترین خزمەت بكەین.
لە بارەی ئەوەی كە ئایا لە ئێران گرفتی بۆ درووست نابێت بەتایبەتی كە ئەو سەردانی ئێران دەكات، فاتیمە دەڵێ: لەو بڕوایەدا نیم تووشی گرفت و ئاستەنگ ببمەوە لە ئێران، چونكە ئەو كارەی من ەیچ پێوەندییەكی بە سیاسەتەوە نییە، بەڵام دیسان دەیڵێمەوە لەبەر ئەوەی ئەو كارەی من یەكێكە لە حەز و خولیاكانمە بۆیە ئەگەر تووشی گرفتیش ببمەوە زۆر ئاساییە و ئامادەم رووبەڕوویان ببمەوە تەنیا بۆ ەێنانەدی خەونەكانم.
سەبارەت بە بەشداری كردنی لە پێشبڕكێكانی شاجوانی لە نەرویج فاتیمە دەڵێ: لێرە وەك كچە نەرویجییەك بەشداریم كردووە واتە بە ناوی نەرویجەوە بووە، بەڵام سەبارەت بە پێشبڕكێكەی ئیكوادۆر لە رێگای شنە عەزیزەوە بووە و لەوێ بەناوی كچە كوردێكی شاری مەابادی رۆژهەڵاتی كوردستانەوە بەشداریم كردووە نەك نەرویجی.
فاتیمە ئاماژەی بەوە كرد كە تا ئێستا لە ەیچ لایەنێك و ەیچ كەسێك ەاوكاری ماددی نەكراوە بۆ بەشداری كردن لەو پێشبڕكیانە، بەڵكو هەموو خەرجییەكانی لە ئەستۆی خۆیەتی بۆیە ناچارە كار بكات تاكو بتوانێت بەردەوام بێت، هەرچەندە بەشداری كردنەكەشی بە ناوی كوردەوە بووە و ەیواخوازە كە لە ئاییندەدا ەاوكاری بكرێت و سپۆنسەر بۆ كارەكانی بدۆزێتەوە بۆ ئەوەی ئەركی سووكتر بێت.
زۆر جار لە رۆژهەڵاتەوە وای لێكدەدەنەوە كە جوانی و رێكی مەرجی سەرەكی وپێویستن بۆ بەشداری كردن و بەدەستەێنانی نازناوی شاجوان، بەڵام فاتیمە ئاماژە بە هەندێك پێوەری تر دەكات كە وەك مەرجی سەرەكین بۆ شاجوان و پێویستە لە خودی شاجواندا چەند سیفات و تایبەتمەندییەك هەبن و لەم بوارەوە دەڵێ: پێموایە شاجوانیی نابێ تەنیا لەرووی جەستە و رێكییەوە جوان بێت، بەڵكو ئاستی زیرەكی وكەسایەتی و ڕۆشنبیری لایەنێكی سەرەكین، هەروەها پێویستە شاجوان رەفتار و رەوشتی جوان بێت و كەسێك بێت كە سوودی بۆ كۆمەڵگا هەبێت و خاوەن دڵێكی فراوان بێت، یارمەتی ئەو كەسانە بدات كە پێویستیان بە ەاوكاری هەیە و لە هەموو بوارەكانی ژیاندا كەسێكی پێرفێكت بێت، لە هەموویش گرنگتر ئەوەیە ببێتە نموونەی كەسێكی خۆبەخش و بە گوێرەی پێگەی خۆی لە كۆمەڵگادا هەوڵی یارمەتیدانی خەڵك بدات و كاریگەریی لەسەر كەسانی تر هەبێت بەشێوەیەكی ئیجابی بۆ ئەوەی ببێتە پێشەنگ.
لە كۆتاییدا فاتیمە ئاماژەی بەوە كرد كە یەكێك لە خەونەكانی ئەوەیە بتوانێت لە كۆڕو كۆبوونەوە جیەانییەكاندا ناوی كوردستان بەرز بكاتەوە و لە رێگای كوردستانەوە بناسرێت و ئەوەشی ئاشكرا كرد كە یەكێك لە ئاواتەكانی ئەوەیە ببێت بە ئەكتەرێكی سەركەوتوو بۆ ئەوەی لەو رێگایەوەش خزمەتێك پێشكەش بە گەلی خۆی بكات.
