ئەستێرەی سینەمایی لیناردۆ دیكابریۆ كە دەزگایەكی خێرخوازی بە ناوی خۆیەوە دامەزراندووە و تایبەتە بە پاراستنی ژینگە و دوا شوێنە وشكانییەكان لەسەر رووی زەوی، لە ئاهەنگێكی تایبەت كە لە شاری (سان ترۆبیه) لە كەناری دەریای ناوەڕاست لە باشووری فەڕەنسا ساز كرابوو، توانی بۆ بەرزكردنەوەی ئاستی وشیاریی خەڵك بەرامبەر بە ژینگە بڕی زیاتر لە 40 ملیۆن دۆلار كۆ بكاتەوە.
ئەم بڕە پارەیە لە میانەی مەزادێكی ئاشكرادا كۆكرایەوە كە لەو شارە و تێیدا دیكاپریۆ چەند كەلوپەلێكی تایبەتی گرانبەهای فرۆشت لەوانە تابلۆكانی ئاندی و ئارهۆل و بانسكی، لەگەڵ خانووەكی خۆی كە دەكەوێتە دوورگەی لاكادۆر لە بلیز و بیزنسمانێكی ئەمریكی بە بڕی 11 ملیۆن دۆلار كڕیی، هەروەها لە مەزادەكەدا ئاهەنگێكی تایبەتی ئاڵتۆن جۆن بە نرخی 3 ملیۆن دۆلار فرۆشرا.
لە میانەی ئاهەنگەكەدا دیكاپریۆ وتی: ئێمە دارستان و دیمەنە جوانەكانی خۆمان لەناو دەبەین و رووبار و دەریا و زەریاكانی خۆمان پیس دەكەن، كە ئەمانەش هەموویان سیستەمێكی ژینگەین كە فرە جۆری ژیان لەسەر هەسارەی زەوی دەڕەخسێنێ و وای لێدەكات ژیان گونجاو بێت، من هەست بە سەربەرزی دەكەم كە ئەمڕۆ لێرەم و بە نیازین كارێك ئەنجام بدەین بۆ پاراستنی هەسارەكەمان لە لەناوچوون و پیس بوون ڕزگاری بكەین.