سەرەڕای ئەوەی كە لە ژیانی ئاساییدا بە كچێكی سەرەڕۆ ناسراوە و هەمیشە كاری و سەرنجڕاكێش ئەنجام دەدات و زۆر بەوە تاوانبار دەكرێت كە گشت هێڵە سوورەكان دەبەزێنێت و پابەند نابێت بە هیچ شتێك، بەڵام كچە گۆرانیبێژ ریهانا بەردەوامە لە تۆماركردنی سەركەوتن لە بواری هونەریدا.
بەر لە چەند رۆژێك كۆڕبەندی ئەمریكی بۆ پیشەسازی تۆماركراوەكان رایگەیاند كە ریهانا بوو بە یەكەم گۆرانیبێژ كە فرۆشتنی گۆرانییەكانی لە 100 ملیۆن تێپەڕ بكات، ئاماری دابەشكردن لە رێگای ئامێرەكانی بیستنی دیجیتاڵی پشت بە فرۆشتنی داونڵۆد كردنی گۆرانییەكان و خزمەتگوزاری لە رێگای ئەنتەرنێتەوە دەبەستێ لە ئەمریكا.
كاری شیرمان سەرۆكی تەنفیزی و سەرۆكی ئەنجوومەنی كاگێڕیی كۆڕبەندەكە لە بەیاننامەیەكدا رایگەیاند: تا ئێستا هیچ گۆرانیبێژێك نەك تەنها بەربەستی 1000 ملیۆنی تێپەڕ نەكردووە، بەڵك ئەمە یەكەم گۆرانیبێژە دەگاتە ئەم ژمارەیە، ئەمەش دەستكەوتێكی مێژووییە و بەڵگەیەكە لەسەر دوارۆژێكی پیشەیی بێ وێنە.
شایەنی ئاماژە پێكردنە لە كاروانی هونەریی خۆیدا ریهانا تا ئێستا هەشت جار خەڵاتی گرامیی بەدەستهێناوە و حەوت ئەلبوومی گۆرانی بڵاوكردۆتەوە.