لەو كاتەی كە كەس پێشبینی نەدەكرد گۆرانییە نوێیەكەی جنیڤەر لۆپێز «Back It Up» سەركەوتنێكی بەرچاو بەدەست بهێنێت، بەڵام دوور لە پێشبینییەكان گۆرانییەكە جگە لە سەركەوتن، لەسەر تۆڕە كۆمەڵایەتییەكان و بەتایبەتی لە ماڵپەڕی یوتیۆب ژمارەیەكی پێوانەییشی تۆمار كرد.
ئەم گۆرانییە هاوبەشەی جنیڤەر و بیتبول و برینس رویال، تەنیا دوای یەك هەفتە لە پەخشكردنی، زیاتر لە 11 ملیۆن كەس سەیریان كردووە. هەر لەم بارەیەوە هەواداران و عاشقانی جنیڤەر دووپاتیان كردەوە كە ئەم گۆرانییە دەبێتە یەكێك لە باشترین گۆرانییەكانی ساڵی 2015 و پێشبینی دەكەن بەربەستی100 ملیۆن بینەر تێپەڕێنێت.
جنیڤەر لۆپێزی تەمەن 45 ساڵ بە شێوەیەكی سەرنجڕاكێش و بە ئەنجامدانی سەمایەكی زۆر جوان لە كلیپەكەدا دەردەكەوێت، بەمەش دووبارە بۆ هەوداران و ركابەرانیشی سەلماندی كە ئێستاش یەكێك لە باشترین و سەركەوتووترین ئەستێرەكانی ورووژاندنە لە گۆرانی و فیلمە نوێیەكانیدا، هەرچەندە زۆر لە گۆرانیبێژان و ئەكتەرانی دیكە هەوڵی زۆریانداوە ركابەرایەتی بكەن، بەڵام هیچیان سەركەوتوو نەبوون و نەیانتوانیوە بەسەریدا زاڵ بن، ئەم گۆرانییەش و دوایین فیلمی باشترین بەڵگەیە لەسەر توانای جنیڤەر.