ئەستێرەی سینەمایی بەریتانی دانییل كریگ، بەردەوامە لە سەركەوتنەكانی، بەتایبەتی دوای نواندنی رۆڵی جیمس بۆند لە دوایین بەشی ئەو زنجیرە فیلمە كە ناوی Skyfall ـە و یەكێكە لە بەشە هەرە سەركەوتووەكانی زنجیرە فیلمەكە.زۆر ئەستێرەی سینەمایی دیكە وەك شین كۆنری و برۆس برۆسنان و چەندانی دیكە پێش كریگ ئەو رۆڵەیان بینیوە و سەركەوتوو بوون، بەڵام سەركەوتنی ئەو تەنیا لە لایەنی هونەری و نواندن نەبوو، بەڵكو لە لایەنی ئابووری و ریكلامی بارزگای سەركەوتنی بەرچاوی بەدەستهێنا و لە فیلمی Skyfall، كریگ مۆبایلێكی كۆمپانیای سۆنی جۆری Xperia بەكارهێنا و تەنیا لە بری ئەوەی مۆبایلەكەی بەكارهێنا، كۆمپانیاكە بڕی 3.3 ملیۆن دۆلاری پێ بەخشی. رۆژنامەی دەیلی میرۆریش لەم بارەیەوە ئاشكرای كرد كە لەو ئیمێلانەی كۆمپانیاكە كە دزەیان كردووە، دەركەوتووە كە كۆمپانیای ناوبراو ئەم بڕە پارەیەی بە كریگ بەخشیوە.هەمان رۆژنامە ئاماژەی بەوە كرد كە كۆمپانیاكە وتووێژی لەگەڵ كریگ كردووە بۆ فیلمی داهاتووی كە بە ناوی(Spectre)ـە و بڕیار وایە ئەمساڵ نمایش بكرێ، بەڵام دوای ئەوەی كۆمپانیا سامسۆنگ ئامادە بوو دەیان ملیۆن دۆلاری پێشكەش بكات لە بەرامبەر بەكارهێنانی یەكێك لە مۆبایلەكانی لەو فیلمە، كەچی رەتیكردەوە.
