ئەستێرەی هونەری ئەمریكی و جیهانی لیدی گاگا لە رێگەی ئەكاونتی تایبەتی خۆی لە تۆڕی كۆمەڵایەتیی تویتەر پشتگیری و پشتیوانی خۆی بۆ هاوڕێكەی تایلۆر سویفت راگەیاند بۆ ئەو بارودۆخەی دەروونییەی ئێستا تێیكەوتووە بە هۆی نەخۆش كەوتنی دایكی كاریگەریی سلبی كردۆتە سەر كارەكانی.
گاگای تەمەن 28 ساڵ لە تویتەر لە شێوەی نامەیەكی هاوخەمی نووسیبووی:(تایلۆر خوا تۆ و دایك و خانەوادەكەت بپارێزێ، ئێمە هەموومان نوێژ بۆ ئێوە دەكەین)، سویفتی تەمەن 25 ساڵ پێشتر رایگەیاندبوو دایكی تووشی نەخۆشیی شێرپەنجە بووە كە لە قۆناغەكانی كۆتاییدایە، ئەمەش تووشی شۆك و بارودۆخێكی دەروونی خراپی كردووە.
لە لایەكی دیكەوە گاگا و تایلۆر كینی دەستگیرانی بڕیاریان دا خانووەكی نوێ لە گەڕەكی مانهاتنی نیویۆرك بكڕن بۆ ئەوەی ئاهەنگی هاوسەرگیری تێدا ساز بكەن و هەر لەوێ بژین، بەپێی چەند سەرچاوەیەكی نزیك لە گاگا و كین نرخی خانووەكە نزیكەی 20 ملیۆن دۆلارە و زۆر لە ماڵی كەسوكاری گاگا نزیكە.