هۆزان ناتالیا خانمێكی دەنگخۆشی كوردە لە وڵاتی ئۆكراینا دەركەوت وەك ەونەرمەندێكی بەتوانا كە سەرەتا لە تیپ و گروپەكان دەستی بە گۆرانی كرد، بەڵام ناوەڕاستی نەوەدەكانی سەدەی رابردوو بە سەرەتای دەستپێكی كاری هونەریی ناوبراو دادەنرێت، دواتر بە هۆی بارودۆخێكی تایبەتەوە ناچار بوو رووبكاتەوە ئەوروپا و لە وڵاتی ئەڵمانیا گیرسایەوە و بۆ ئەوەی دەست بە ژیانێكی نوێ و لەو وڵاتێكی دیكە بكات، بە ناچاری ماوەیەك لە هونەر دووركەوتەوە ئەگەرچی هونەری كوردی لە ناخیدا بەردەوام دەژیا و سەرەڕای ئەم ژیانە نوێیەش هیچ كاتێك بیری لەوە نەدەكردەوە لە هونەر دوور بكەوێتەوە بەڵكو هەمیشە بە دوای دەرفەتێكدا بوو بۆ ئەوەی دووبارە بە گوڕو تینێكی زیاترەوە دەست بە كاری هونەری، لە دەرفەتێكدا گفتوگۆیەكی هونەری لە نێوانماندا هاتە ئاراوە.



«ئەگەرچی ئێمە میللەتێكی ژێردەستین و هەمیشە هەوڵی سڕینەوەی مۆركی نەتەوایەتی و كەلتوور و فەرەەنگ و هونەری كوردی دراوە، بە هەموو شێوەیەك هەوڵ دراوە گۆرانی و ەونەری كوردی بە تاڵان ببردرێت، بەڵام سەرەڕای ئەمەش، میللەتی كورد توانیویەتی ئەم تایبەتمەندییانەی بپارێزێت.»
ئەوە سەرەتای قسەكانی هۆزان ناتالیا بوو كە بە پەرۆشەوە بوو بۆ بارودۆخی ئێستای هونەری كوردی كە لە هەموو روویەكەوە دوژمنانمان هەوڵ دەدەن سەرەتا لەڕووی هونەر و كەلتوور و زمانەوە لە ئێمە بدەن، دواتر بیر لە داگیركردنی خاكی ئێمە دەكەنەوە، بەڵام بە خۆشحاڵییەوە باسی ئەوە دەكات كە میللەتی كورد كۆڵی نەداوە بۆ بەرگریكردن لە خاكی خۆی و پاراستنی زمان و ەونەری رەسەنی. لەم بارەیەوە دەڵێ: میللەتی كورد نەك تەنیا كەلتوور و هونەر و زمانی خۆی پاراستووە، بگرە توانیویەتی پەرەشیان پێبدات ئەمەش بەەۆی ئەوەی كە نەوە دوای نەوە ماوەتەوە و پارێزراوە، من خۆم یەكێكم لەوانەی كە بە هرەی هونەری گۆرانی وتن لە خانەوادەكەم بۆم ماوەتەوە كە ئەویش لە خانەوادەیەكی ەونەر دۆست و ەونەرمەندان پێگەیشتووە منیش لەسەر رێچكەی ئەوان هەر لە تەمەنی منداڵییەوە دەستم بە كاری هونەری كرد و ئێستاش بەردەوامم لەسەر رێچكەی ئەوان بەتایبەتی دایكم كە رۆڵێكی سەرەكیی هەبووە لەوەی من گۆرانیی بڵێم و هاندەری سەرەكیم بووە بۆ ئەوەی گۆرانیی بڵێم لە هەمان كاتدا باوكم و خانەوادەكەشم بە گشتی رێگر نەبوون لەوەی گۆرانی بڵێم.
ناتالیا جگە لەوەی كە دەنگێكی خۆشی هەیە، لە ەەمان كاتدا ژەنیاریش بووە و لە چەندین ئاهەنگ و كۆنسێرتی تایبەت ئامێری سازی ژەنیوە، چونكە پێیوایە ئەگەر هونەرمەند لە پاڵ گۆرانیگوتن ئامێرێكی موزیكی بژەنێت ئەوا زیاتر پەیوەست دەبێت بە هونەرەكەیەوە و دەڵێت: ئاشنابوون بە ئامێرە موزیكییەكان بۆ هونەرمەند گرنگە، چونكە شارەزاییەكی زیاتریپێ دەبەخشێت لە بواری گۆرانی گوتن و دانانی ئاوازەكان و بەمەش هەڵبژاردنی ئاوازێك كە لەگەڵ تێكست و ریتمی دەنگی خۆی گونجاو بێت ئاسانتر دەبێت، هەرچەندە ژەنینی منیش بە شێوەیەكی رێكەوت بوو و پێشتر بیرم لێ نەكردبۆوە.
بە بڕوای نەتالیا گۆرانیی گوتن و دەنگخۆشی بەەرەیەكە خوا بە مرۆڤی دەبەخشێت، بەڵام زۆر جار پێویست بەوە دەكات كە كەسی دەنگخۆش هەوڵ بدات پەرەی زیاتر بە دەنگی خۆی بدات و مەشقی زیاتر ئەنجام بدات و لەم بارەیەوە دەڵێت: من لە بواری یاسام خوێندووە و ئەگەرچی لە هونەر دوورە و هیچ پێوەندییەكی بە ەونەرەوە نییە، بەڵام من حەزم لەو بوارە بوو لە هەمان كاتدا خۆشەویستیی هونەری لە دڵی من شوێنی تایبەتی هەبوو و نەمدەتوانی دەستبەرداری بم و زۆریش حەزم دەكرد لە پاڵ یاسا لە بواری موزیك و گۆرانیشم بمخوێندبا بۆ ئەوەی بەشێوەیەكی پرۆفیشناڵ لە موزیك و هونەرم شارەزاییم هەبوایە، هەر ئەم حەزەشم هۆیەكی سەرەكی بوو كە روو لە ئەوروپا بكەم بۆ ئەوەی دەرفەتی كاری هونەریم زیاتر و پەرەش بە توانا هونەرییەكانی خۆم بدەم لە بواری گۆرانیی گوتن و موزیك، ژیانی ئەوروپا و دوورە وڵاتی بۆ مرۆڤ زۆر ئاسان نییە نەخاسمە بۆ ئافرەتێك، لەم بارەیەوە نەتالیا دەڵێت: لە پاڵ داگیر كردنی وڵات و بێبەش كردنی كورد لە هەموو مافێك، ژیانی ئافرەتانی كورد دوو جار ناخۆش بوو جارێك لەبەر ئەوەی كوردن و جارێكیش لەبەر ئەوەی كە ئافرەتن دووچاری زەحمەتی و سەختییەكانی ژیان دەبێتەوە، من بە تەنیا رووم لە ئەوروپا كرد بەبێ خێزانەكەم ئەمەش بۆ من زۆر سەخت، چونكە من بۆ مەبەستی پەرەپێدانی هونەری خۆم هاتبووم لە هەمان كاتدا دەبوایە بژێوی ژیانیش پەیدا بكەم كە هەردووكیشیان ئاسان نەبوون، بەڵام خۆشەویستیم بۆ هونەر وای لێكردم كە دەست لە كاری هونەری بەرنەدەم، چونكە دەمزانی لە ئەوروپا دەرفەتی زیاترم بۆ دەڕەخسێت كە بتوانم بەشێوەیەكی پرۆفیشناڵ درێژە بە كاری هونەری بدەم.
نەتالیا پێیوایە ئەوەی ئێستا هونەری كوردی پێیدا تێدەپەڕێت و ئەوەی خەڵك بە دواكەوتن و پاشاگەردانیی هونەریی ناوی دەبەن، كارێكی ئاساییە بۆ میللەتێك كە هەموو خاكی داگیركراوە و دەڵێت: هەموومان ەەست بە دڵتەنگی دەكەین لە بارودۆخی ئێستای هونەری كوردی و هەست دەكەین كورد بە گشتی دەتوانێت كاری جوانتر و پرۆفیشناڵتر پێشكەش بكات و لە ژێر كاریگەریی هونەری بیانی دەرچێت، چونكە ئێمە خۆمان گەنجینەیەكی لە بن نەهاتووی هونەرین و ئەگەر بتوانین سوودی لێ وەربگرین و بەشێوەیەكی زانستی بە كاری بەێنین و نەوەكانی داەاتوو و ئێستاشی پێ ئاشنا بكەین هەر ەیچ نەبێت بۆ ئەوەی ون نەبێت و لە بیری نەكەن، بەڵام ئەگەر بە وردی لە بارودۆخی سیاسی و كۆمەڵایەتی وڵاتی خۆشمان بڕوانین دەبێ بە ویژدانەوە قسە بكەین و نابێ تەنیا لایەنە سلبییەكانی هونەریی خۆمان بەرچاو بێت و رەشبین بین بە ئێستا و داهاتووی هونەری خۆمان، چونكە ئێمە خاوەن وڵاتێكین كە داگیر كراوە و جگە لەوەش بەسەر چوار وڵات و سێ كەلتووری جیاواز دابەش كراوە و دوژمن و داگیركەرانیش بەر لە هەر ئتێك بیریان لە نە هێشتنی زمان و كەلتوور و هونەری ئێمە داوە و لەكەداریان كردووە، ئاشكرایە تورك و عەرەب و فارس بە سەدان تێكست و ئاوازی رەسەنی ئێمەیان بردووە و بەناوی خۆیان بڵاویان كردۆتەوە، چونكە ئێمەش وەك ئەوان خاوەن دەوڵەت و كیان نەبووین نەمانتوانیوە رێگرییان لێ بكەین، لە هەمان كاتدا بۆ ساڵانێكی زۆر لەم وڵاتانە تەنانەت قسەكردنیش بە زمانی كوردی قەدەغە بوو و لە بارودۆخێكی ئاوادا تەنیا پاراستنی زمانی كوردی بۆ خۆی دەستكەوتێكە، بەڵام ئێمە هەر یەكەمان لە لای خۆمانەوە بەردەوام بووین لە كارەكانی خۆمان و پێشكەشكردنی بەرەەمی نوێ و نوێكردنەوەی بەرەەمە رەسەنەكان و لە ەەمان كاتدا پەرەمان بە هونەر و كەلتووری خۆمان داوە و بۆ جیەانمان سەلمانداوە كە ئێمەش خاوەن كەلتووری رەسەنی خۆمانین كە جیاوازە لە نەتەوەكانی دیكە، بۆیە من گەشبینم بە داەاتووی هونەری كوردی.