بەو پێیەی لە ماوەی ساڵی رابردوودا، ئەو گرووپە نوێیەی موزیك، زیاد لە كۆنسێرتێكی لە دەرەوە و ناوەوەی كوردستان سازداوە، حەزمان كرد لە نزیكەوە و لە دەمی خۆیانەوە، زانیاریمان دەست بكەوێت، مامۆستای ەونەرمەند وریا ئەحمەد كە بەشێكی زۆری تەمەنی خۆی لە نێو بوار گۆرانی و موزیكی كوردیدا بەسەر بردووە و ەەر لە ساڵانێكی زووە لەگەڵ تیپ و گرووپە رەسەنەكانی كورد كە ئێستاش بە سیمبولی پێشخستن و پێشڤەچوونی ەونەری كوردی دادەنرێن كاری كردووە و ئێستاش لەگەڵ (گرووپی دەنگەكان) بە ەەمان گوڕو تینەوە بە جیاوازی زەمەنەكان بەردەوامە لە خزمەت كردن بە ەونەری رەسەنی كوردی و نیشاندانی ئەم ەونەرە بە جیەان، بۆیە چاومان بە ەونەرمەند (وریا ئەحمەد) كەوت بۆ ئەوەی لە نزیكەوە رووبەڕووی چەند پرسیارێكی بكەینەوە و لە زاری خۆیەوە وەڵامەكانمان دەست كەوێت، بەڕێزیشیان بەم شێوەیە وەڵامی داینەوە:

*تیپەكەتان ناوی چییەو كەی دامەزراوە؟
-تیپەكەمان ناوی (گرووپی دەنگەكان)ە و ساڵی (2013) بە لێك تێگەیشتنی دوو ەونەرمەند، لە دوو ەەرێمی جیاواز دروست بوو، ئەوانیش ەونەرمەندان (گابی كاردانكۆف) لە ەەرێمی (بریتۆنی) وڵاتی (فەرەنسا) و (وریا ئەحمەد) لە ەەرێمی كوردستانی باشوور بوون.
*چوار موزیكژەنی كورد و چواری بریتۆنی، ەۆكاری ئەمە چییە؟
-دیارە خەونی ئێمەو واقیعی دنیای ئەمڕۆی رۆژ دوای رۆژ روو لە گرانی، لە ەاتووچۆ و مانەوە، لە نوستن و خواردن و ەاتووچۆ لەو وڵاتانەدا، ئەمڕۆ كارێكە بوودجەی تەواوی پێویستەو ئاسان نییە، بۆیە بەو ژمارەیە رازی بووین. شایەنی باسە ەەر بەو ەۆیانەی سەرەوە، گرووپ ەەیە لەو فیستیڤاڵانە دەیانبینین، ژمارەیان دوو یا سێ ەونەرمەندە.
*ەەر كارێك یان پرۆژەیەكی ەونەری ئامانج و پەیامێكی دیاریكراوی ەەیە، ئێوە پەیامتان چییە لە دامەزراندنی ئەم تیپە؟
- ئێمە ساڵانی زووتر كاتێك لە وڵاتی (ەۆڵەندا) پەنابەر بووین، پاش ئەوەی كارێكی ەونەری لەو وڵاتەدا كۆی كردینەوە، چەند ئاوازێكی خۆم دایە ەونەرمەندی پیانۆ ژەنی ەۆڵەندی (بام كۆمایس) و ئەو ەونەرمەندە كاری دابەشكردنی ئەو پارچە موزیكانەی بە سوپاسەوە بۆ كردم و دواتر ەەر لەگەڵ ئەوانیش تۆمارمان كردن، بڕوا بكەن شتی زۆر خۆشیان لێ دەرچوو بوو. بۆیە ئەمجارە دیسان شتێكی لەو جۆرەمان دروست كردووە، بەڵام ئەمجارە كارەكەمان كۆنسێرتە نەك تۆماركردن، ئێمە ئاوازی رەسەنی (كوردی) و ئاوازی رەسەنی (بریتۆنی)، لە كۆنسێرتەكان دەژەنین و دەڵێین، جگە لەوە بەشداری لە ئاوازەكانی ئەواندا دەكەین و ئەوانیش لە ەی ئێمەدا دەكەن. بۆیە بۆ گوێگری كورد و بۆ گوێگری بریتۆنیش كۆنسێرتەكانمان كارێكی نوێیە. مەبەستم ئەوەیە بڵێم، پەیامی ئێمە، نیشاندانی برایەتی و خۆشەویستی و دۆستایەتی پەیداكردنە، لەگەڵ ەونەرمەندانی وڵاتانی جیاجیای دنیادا.
*زیاتر پشت بە چ ئامێرێك دەبەستن لە گرووپەكەتان؟
- دیارە ئێمە سێ موزیكژەنی كورد و سێ موزیكژەنی بریتۆنین، ئامێرەكانی ئێمە بریتییە لە: وریا ئەحمەد. بە ئامێری (عوود). ئازاد خەیلانی. بە ئامێرەكانی (زوڕنا، باڵەبان، شمشاڵ). شێروان سەعدی. بە ئامێری (تەمبوور یان ساز).
موزیكژەنانی ئەوان، گابی. بە ئامێرەكانی (تڕۆمپێت، بۆمبارد). جۆن. بە ئامێری (ئۆكۆردیۆن). ئیڤ ماری. بە ئامێرەكانی (دەفی گەورە، دەەۆڵ).
دوو گۆرانیبێژیشمان ەەیە، یەكیان كوردەو ئەوی دی بریتۆنییە. خاتوو ئاڵا رەیانی. گۆرانیبێژ خەڵكی شاری (مەەاباد)ی رۆژەەڵاتی كوردستانە و لە وڵاتی (سوید) گەورە بووە و كۆلێژی تەواو كردووە. دووەم گۆرانیبێژێكی ناوداری ەەرێمی بریتانە بە ناوی (ئیریك).
*كارەكانتان زیاتر بۆ جەماوەری كوردستانە یان پەیامێكی جیەانییە؟
-تا ئەمڕۆ كۆنسێرتەكانمان لە باشووری كوردستان و لە وڵاتی فەرەنسا بووە، ئومێدەوارین لە داەاتوودا بتوانین بیكەین بە پەیامێكی جیەانیش.
*ئەو كارانەی پێشكەشی دەكەن، تەنیا پەیوەستە بە باشووری كوردستان، یاخود ەی پارچەكانی دیكەیش دەكەن؟
-ەەر وەك چۆن، لێرە لە كاتی تۆماركردنی بەرەەمی فۆلكلۆری كوردیدا، جیاوازی لە نێوان بەرەەمی پارچەكانی كوردستاندا ناكەین، لەو تیپەیش ەەروامان كردووە.
*ئەی موزیكی جیەانی؟
-ئەگەر مەبەستت لە بەرەەمی موزیكی كلاسیكی وەك سیمفۆنی و كۆنشرتۆ و ئەوانە بێت، ئەوە دیارە ئەو تیپەی ئێمە بەو چەند ئامێرە كەمەو بەو ژمارە كەمەی موزیكژەنان ناژەندرێت، ئەگەر مەبەستیشت لەوەیە گۆرانی و موزیكی جیەانی بژەنین یا نا، ئەوە دیارە گۆرانی بریتۆنی و كوردی بەشێكن لە موزیكی جیەان.
*تا ئێستا بەشداریتان لە چەند ئاەەنگ و كۆنسێرتی جیەانیدا كردووە؟
-مانگی ئابی ساڵی 2014 بەشداریمان لە فیستیڤاڵی (لۆریان)دا كرد، كە ماوەی (44) ساڵە ئەو فیستیڤاڵە ساڵانە لە (1) تا (10)ی مانگی ئاب بە بەشداری دەیان تیپ و گرووپی جیاجیای وڵاتە جیاجیاكانی دنیا بەڕێوەدەچێت. لە مانگی (كانوونی یەكەمی) ساڵی 2014شدا ئەمجارە بەشداریمان لە فیستیڤاڵی (برێست)دا كرد، ئەم فیستیڤاڵەیان ماوەی (4) ساڵە، ساڵانە بۆ ماوەی چوار رۆژ بە بەشداری تیپ و گرووپی جیاجیای دنیا بەڕێوەدەچێت.
شایانی باسە بە ەاوكاری (KRG) لە جەژنی نەورۆزی پار ساڵدا لە (پاریس)، ئاەەنگی ئەو رۆژەمان سازدا. لە ناوەوەی كوردستانیش رۆژی (19)ی حوزەیرانی 2014 لە كۆمپانیای (بابیلۆن) لێرە لە پایتەختی ەەرێم كۆنسێرتێكمان سازدا و رۆژی دواتریش ئەمجارە لە پاركی (ئازادی) لە شاری سلێمانی كۆنسێرتی دووەممان ئەنجامدا.
*بەڕێزتان زۆربەی زۆری تەمەنی خۆتان لە بواری موزیكدا بەسەربردووەو تا ئێستا لە چەندین گرووپی ەاوشێوەدا كارتان كردووە، جیاوازی ئەم گرووپەی ئیستا چییە، لەگەڵ ئەو گرووپانەی زووتر كارت لەگەڵدا كردوون؟
-ئەگەر دەتەوێت باسی ئەمڕۆ لە دنیادا بوونی چەند جۆر گرووپ و تیپی موزیك بكەین، ئەوە كاتێكی زۆری دەوێت، بەڵام بۆ ئەوەی وەڵامێكی خێرات بدەمەوە، دەڵێم، بۆ نموونە (تیپی مۆسیقای باواجی كۆیە) و (تیپی مۆسیقای شۆڕش) و (تیپی ەونەری ەەولێر) كە زووتر كارم تیایاندا كردووە، ئەوانە تیپی نیمچە گەورەن، یان ئۆركێسترای رۆژەەڵاتین، كە (عەرەب) بە (تەختی شەرقی) ناویان دەبات. بەڵام جیاوازی گرووپی دەنگەكان لە گەڵ تیپەكانی دیكەی شەرقیدا ئەوەیە، یەكەم، ژمارەی موزیكژەنانی كەمە، دووەم، بە تەنیا گۆرانی و موزیكی كوردی ناژەنێت. ئەوەیشمان لەبیر بێت، میللەتی ەەرێمی بریتۆنی و میللەتی كورد نزیكەی سێ چوار ەەزار كیلۆمەتر لە یەكتری دوورن، كەچی ەەردوولا مەقامەكانی رۆژەەڵاتی وەك (راست و بەیات و سەبا و .. ەی تر) بەكاردێنین و دەژەنن. ەەر ئەو خاڵەیش بووەتە ەۆی لە یەكتری زیاتر نزیكبوونەوەمان.
*كاری ئایندەتان چییە؟
-ەیوادارم كوردستان ەەمیشە لەبەرەوپێشچوون و گەشەكردندابێت و ئەگەر ەیچ شتێكی نائاسایی نەیەتە پێشەوە، ئەوە مانگی ئابی (2015) بەشداری لە دوو كۆنسێرتدا، ەەر لە وڵاتی (فەرەنسا) دەكەین.