بە هاوكاری رێكخراوی (بەیان) بۆ پەرەپێدانی مرۆیی، نور خۆشەوی یەكەم پیشانگای تایبەتی خۆی لە گەلەری شانەدەر بۆ ماوەی دوو رۆژ كردەوە.
لەم بارەیەوە نور خۆشەوی لە لێدوانێكدا رایگەیاند: حەزی هونەر و تابلۆ هەر لە منداڵییەوە لەگەڵ من چەكەرەی كردووە و و رۆژ دوای رۆژ حەز و خۆشەویستیم بۆ هونەری تابلۆ زیادی كرد و هەمیشە هەوڵمداوە پیشانگایەكی تایبەت بە خۆم بكەمەوە و تێیدا كارەكانم نمایش بكەم، بۆیە بە هەماهەنگی لەگەڵ رێكخراوی(بەیان) و هاوكاری (هاوكار گروپ) توانیم یەكەم پیشانگای تایبەتی خۆم بكەمەوە كە 36 تابلۆی جیاواز لە خۆی دەگرێت بە قەبارەی جیاوازەوە.
نور زیاتر وتی: پیشانگاكە بە ئامادەبوونی عەلی رەشید سەرۆكی ئەنجوومەنی پارێزگای هەولێر و ژمارەیەكی زۆر لە هەوادارنی هونەری شێوەكاری بەڕێوەچوو، شایەنی وتنە ، نور قوتابی بەشی تەلارسازی كۆلێژی ئەندازەیە.