جارێكی دیكە ئەستێرەی كۆمیدیی جیهانی جیم كاری سەلماندی كە ئێستاش خۆشەویستە لای بەشێكی زۆری جەماوەر و بە ئەستێرەی یەكەمی دادەنێن، سەركەوتنی دوایین فیلمیشی Dumb and Dumber To گەواهیدەری ئەم راستییەیە دوای ئەوەی لە هەفتەی یەكەمی نمایشیدا پلەی یەكەمی بەدەستهێنا.
فیلمە نوێیە كۆنەكەی جیم كاری لە هەفتەی یەكەمیدا بڕی 38.05 ملیۆن دۆلاری لە ئەمریكا كۆكردەوە، ئەم فیلمە كە جیف دانییلزییش دووبارە شان بە شانی كاری رۆڵی سەرەكی تێدا هەیە دوای بیست ساڵ لە نمایش كردنی بەشی یەكەمی دێت Dumb and Dumber، دووبارە هاری و لویدی هاوڕێی خەریكی سەركێشییەكی دیكەن و بە دوای كچێكدا دەگەڕێن بۆ ئەوەی گورچیلەیەكی بدات بە باوكی.
لە پلەی دووەمیش فیلمی ئەنیمەیشنی Big Hero 6 كە توانیی بڕی 36.01 ملیۆن دۆلار كۆ بكاتەوە و باس لە گەنجێك دەكات كە داهێنەری رۆبۆتە و بە رێكەوت پیلانێكی تاوانكاری ئاشكرا دەكات بۆ لەناوبردنی شارێك.
لە پلەی سێیەمیش فیلمی ماسیۆ ماكۆنهی Interstellar دێت بە كۆكردنەوەی 29.19 ملیۆن دۆلار و لە پلەی چوارەمیش فیلمی درامی Beyond the Lights دوای ئەوەی بڕی 6.5 دۆلاری كۆكردەوە.