كیسه‌ڵه‌كانی نینجا پله‌ی یه‌كه‌میان داگیر كرد
فیلمی Teenage Mutant Ninja Turtles كه له ده‌رهێنانی جۆناسان لیبزمانه و هه‌ر یه‌كه له میگان فۆكس و ویل ئارنت و ویلیام فیشتنره، باس له به‌شی نوێی فیلمی یه‌كگرتنی كیسه‌ڵه‌كانی نینجا ده‌كات له‌گه‌ڵ سبلینتری مامۆستایان له پێناو جه‌نگ كردن دژی دوژمنێكی نوێ كه هه‌ره‌شه له شاره‌كه‌یان ده‌كات.
فیلمی Guardians of the Galaxy له پله‌ی دووه‌م هات به كۆكردنه‌وه‌ی 41,5 ملیۆن دۆلار و فیلمی Into the Storm به 18 ملیۆن دۆلار له پله‌ی سێیه‌م هات، ئه‌م فیلمه له ده‌رهێنانی ستیڤن كوال و پاڵه‌وانیه‌تی ریچارد ئارمیتاج و ساره واین كالیس و مات والشه و باس له چه‌ند كه‌سێك ده‌كات كه به دوای كۆكردنه‌وه‌ی زانیارین ده‌رباره‌ی زریانه و پێشبینی هه‌ڵكردنی زریانێكی تێكده‌ر ده‌كه‌ن كه له شاری سیلڤرتۆن رووده‌دات، بۆیه بڕیار ده‌ده‌ن بچنه شاره‌كه بۆ وێنه‌گرتنی زریانه‌كه له هه‌مان كاتدا دانیشتوانی شاره‌كه له مه‌ترسییه‌كانی زریانه ئاگادار ده‌كه‌نه‌وه.
له پله‌ی چواره‌میش فیلمی The Hundred Foot Journey به بڕێ 11,1 ملیۆن دۆلار و له پله‌ی پێنجه‌میش فیلمی Lucy هات به 9.3 ملیۆن دۆلار.
