فیلمی Lucy كه‌ له‌ پاڵه‌وانیه‌تی سكارلێت جۆهانسنه‌ هاته‌ پله‌ی یه‌كه‌می بۆكس ئۆفیسی ئه‌م هه‌فته‌یه‌ دوای ئه‌وه‌ی توانیی 43.9 ملیۆن دۆلار كۆ بكاته‌وه‌ له‌ هه‌فته‌ی یه‌كه‌می نمایشیدا.
ئه‌م فیلمه‌ له‌ ده‌رهێنان و نووسینی لۆك بیسۆنه‌ و سكارلیت جۆهانسن و مۆرگان فریمان و ئه‌كته‌ری میسری عه‌مرۆ واكد رۆڵی پاڵه‌وانی تێدا ده‌بینن، باس له‌ ئافره‌تێك ده‌كات كه‌ باندێكی بازرگانی كردن به‌ مادده‌ هۆشبه‌ره‌كان هه‌ندێك له‌و ماددانه‌ی له‌ سكیدا هه‌ڵده‌گرن، به‌ڵام مادده‌كان له‌گه‌ڵ جه‌سته‌ی كارلێك ده‌كه‌ن به‌مه‌ش هێزێكی شاراوه‌ی زۆری پێ ده‌به‌خشن كه‌ پێشتر كه‌س ئه‌م هێزه‌ی نه‌بووه‌.
فیلمی ‌Hercules كه‌ له‌ پاڵه‌وانیه‌تی دواین جۆنسۆنه‌ به‌ پله‌ی دووه‌م هات به‌ كۆكردنه‌وه‌ی 29.8 ملیۆن دۆلار له‌ هه‌فته‌ی یه‌كه‌می نمایشیدا، ئه‌م فیلمه‌ له‌ ده‌رهێنانی بریت ریتنر و جۆزیف فاینز و جۆن هارت رۆڵی تێدا ده‌بینن
له‌ پله‌ی سێیه‌م فیلمی Dawn of Planet of Apes به‌ كۆكردنه‌وه‌ی 16.8 مليۆن دولار و به‌ كۆكردنه‌وه‌ی 10.5 ملیۆن دۆلار فیلمیThe Purge: Anarchy 10.5پله‌ی چواره‌می گرت و فیلمی ئه‌نیمه‌یشن Planes: Fire & Rescue به‌ كۆكردنه‌وه‌ی 9.5 ملێۆن دۆلار پله‌ی پێنجه‌می گرت.