خانمە هونەرمەندی لوبنانی جوانا مه‌لاح لە دیمانەیەكی رۆژنامەوانیدا ئاشكرای كرد بە هیچ شێوەیەك تەقلیدی هونەرمەندانی پێش خۆی نەكردووە، جوانا هەروەها باسی مەرجەكانی سەركەوتنی هونەرمەند و دەڵێ: توانای هونەری و بەهرەی دەنگخۆشی، هەروەها چۆنیەتی ئەدا كردنی گۆرانی لەسەر تەختەی شانۆ مەرجە سەرەكین بۆ سەركەوتنی هونەرمەند بەتایبەتی ئافرەتان، لە لایەكی دیكەوە لە كاتی دەركەوتن یان هاتنەەسەر تەختەی شانۆ پێویستە دەنگی بەهێز بێت و بچێتە دڵی جەماوەرەوە و، جوانی و چۆنیەتی دەركەوتن و مامەڵە كردن لەگەڵ جەماوەری ئامادە بوو دەبنە هۆی زیاتر لێیانەوە نزیك بێت.
دەربارەی تەقلید كردنەوەی هونەرمەندان جوانا مەلاح دەڵێ:من هیچ كاتێك و بە هیچ شێوەیەك تەقلیدی كەسم نەكردۆتەوە، چونكە هەر هونەرمەندێك شێوازی تایبەتی خۆی هەیە منیش شێوازی تایبەتی خۆم هەیە لە گۆرانی گوتن بەتایبەتی لە كاتی تۆمار كردنی كلیپ یان دەركەوتن لەسەر تەختەی شانۆ، رەنگە ئەگەر جوولەكانی من و یەكێكی تر لە یەك بچن هەندێك كەس وا لێكی بدەنەوە من تەقلیدی كەسانی ترم كردبێتەوە، هەروەها هونەرمەند لە هەر كلیپێك بە شێوازێكی جیا دەردەكەوێت، هەندێك كلیپ پێویستیان بەوە سەمای تێدا بكرێت بە پێچەوانەوە هەندێكی پێویستییان بەوەیە هونەرمەند تێدا بگریت یان خەمبار دەركەوێت.