دوای 18 ساڵ ژیانی هاوسەری ماوەیەك بەر لە ئێستا ئەستێرەی سینەمایی جیەانی ئەنتۆنیۆ باندیراس و میلانی گریفسی هاوسەری جیابوونەوە، هەر زوو دوای بڵاوبوونەوەی هەواڵەكە زۆر كەس لە نزیكەكانی باندیراس پەنجەی تۆمەتیان بۆ ئەستێرەی هۆڵیود مالیكا شیرویت درێژ كرد و بە هۆكاری تێكچوونی پەیوەندیی باندیراس و گریفسیان زانی، بۆیە ئەویش ویستی ئەم تۆمەتە لەسەر خۆی لابدات و بۆ هەموو لایەكی روون بكاتەوە كە هیچ پەیوەندیی بە جیابوونەوەیان نییە.
بەپێی چەند راپۆرتێكی رۆژنامەوانی بەر لە دوو ساڵ لە میانەی ئاهەنگێكی فیستیڤاڵی (كان)ی سینەمایی بۆ چەند خولەكێك باندیراس و مالیكا بەیەكەوە سەمایان كردووە ئەمەش بووەتە هۆی توڕە بوونی میلانی و لەو كاتەوە ناكۆكی كەوتە نێوانیان و بەردەوام لە شەڕ دابوون تا لە كۆتاییدا دوای 18 ساڵ ژیانی هاوسەریی بڕیاریاندا جیاببنەوە.
لەلایەن خۆیەوە مالیكا بۆ ئەوەی بیسەلمێنێت كە بە هیچ شێوەیەك هۆكاری جیابوونەوەیان نەبووە رایگەیاند كە پەیوەندی نێوان ئەو و باندیراسی تەمەن 53 ساڵ لە یەكتر ناسینێكی ئاسایی تێپەڕ ناكا، هەروەها ئەوەشی روونكردەوە كە پێویستی نەدە
كرد باندیراس بەم شێوەیە و وا بە ئاسانی كۆتایی بە ژیانی هاوسەریی خۆی نەهێنی، چونكە تەمەنێكی زۆریان بە یەكەوە بەسەر بردووە و نەدەبوو بە ناكۆكییەك قوربانی بە 18 ساڵ ژیانی هاوسەری بدەن، بەڵام ماڵپەڕی RadarOnline رایگەیاند ئەم پەیوەندیە كورتەی باندیراس و مالیكا هۆكاری سەركی جیابوونەوەیان بووە، شایەنی باسە لە ساڵی 1996 میلانی و باندیراس ژیانی هاوسەرییان پێكەێنا و كچێكیان هەیە تەمەنی 17 ساڵە.