خانمه‌ گۆرانیبێژی ئیماراتی رایگه‌یاند كه‌ زنجیره‌ درامای (سرای عابدین) زۆر سه‌رنجی راكێشاوه‌ له‌ نێو زنجیره‌كانی مانگی ره‌مه‌زانی پیرۆز و رۆژانه‌ به‌رده‌وام سه‌یری ده‌كات.
له‌ هه‌مان كاتدا ئه‌حلام توڕه‌بوونی خۆی به‌رامبه‌ر به‌ كه‌ناڵی MBC میسر ده‌ربڕی و گله‌ییه‌كی توندی لێكرد به‌هۆی زۆری ئه‌و ریكلامه‌ بازرگانیانه‌ی كه‌ له‌ كاتی نمایشكردنی زنجیره‌كه‌ پێشكه‌ش ده‌كرێن، به‌م بۆنه‌یه‌وه‌ له‌سه‌ر په‌یجی كۆمه‌ڵایه‌تی خۆی له‌ كۆمێنتێكدا نووسیویه‌تی: ئێمه‌ حه‌ز ده‌كه‌ین به‌بێ گرفت سه‌یری زنجیره‌كه‌ بكه‌ین و چێژی لێ وه‌ربگرین، به‌راستی ئه‌م هه‌موو ریكلامه‌ بازرگانیانه‌ بێزارمان ده‌كه‌ن.
به‌ڵام ئه‌حلام ستایشی ئه‌ستێره‌ی ناوداری میسری یوسرای كرد بۆ نواندنی كه‌سایه‌تی (خۆشیار هانم) له‌ زنجیره‌كه‌ هه‌ر بۆیه‌ش له‌ كۆمێنتێكی تردا نووسیویه‌تی: یوسرا تۆ مامۆستا و كه‌سێكی گه‌وره‌ی.